ព័ត៌មានជាតិ
លោក ឃួង ស្រេង ណែនាំអភិបាលរងខណ្ឌទើបតែងតាំងថ្មី ត្រូវបម្រើសេវាសាធារណៈជូនពលរដ្ឋឲ្យទាន់ពេលវេលា
លោក ឃួង ស្រេង អភិបាល នៃគណៈអភិបាលរាជធានីភ្នំពេញ បានណែនាំដល់អភិបាលរងខណ្ឌដែលទើបតែងតាំងថ្មី ត្រូវបម្រើសេវាជូនប្រជាពលរដ្ឋឲ្យអស់ពីលទ្ធភាព ដើម្បីបង្កើនល្បឿនការផ្ដល់សេវាសាធារណៈ ជូនប្រជាពលរដ្ឋឲ្យកាន់តែល្អប្រសើរ ជាពិសេសបំពេញភាពស៊ីវិល័យរបស់ប្រជាពលរដ្ឋ ឲ្យបានតាមសេចក្តីត្រូវការ។
លោក ឃួង ស្រេង បានណែនាំដូច្នេះ គឺនៅក្នុងពិធីប្រកាសចូលកាន់មុខតំណែងអភិបាលរង នៃគណៈអភិបាលខណ្ឌ នាយករដ្ឋបាល នៅក្នុងរចនាសម្ព័ន្ធរបស់រដ្ឋបាលខណ្ឌនានា ក្នុងរាធានីភ្នំពេញ នាព្រឹកថ្ងៃទី ២៥ ខែសីហា ឆ្នាំ ២០២២ នេះ ក្រោមអធិបតីភាពលោក ម៉ប់ សារិន ប្រធានក្រុមប្រឹក្សារាជធានីភ្នំពេញ។
លោកអភិបាលរាជធានីភ្នំពេញ បានបញ្ជាក់ថា ការបង្កើនចំនួនអភិបាលរងខណ្ឌបន្ថែមនាពេលនេះ គឺពិតជាមានអត្ថប្រយោជន៍សំខាន់ណាស់ ដើម្បីបង្កើនប្រសិទ្ធភាពបម្រើសេវាសាធារណៈជូនប្រជាពលរដ្ឋ ឲ្យបានទាន់ពេលវេលា និងកាន់តែល្អប្រសើរ ទៅតាមសេចក្ដីត្រូវការរបស់ប្រជាពលរដ្ឋ រួមទាំងការជីកប្រឡាយ ធ្វើលូ កែលម្អហេដ្ឋារចនាសម្ព័ន្ធ និងការផ្តល់សេវាសាធារណៈនានា ជូនប្រជាពលរដ្ឋបានកាន់តែសកម្ម លឿនរហ័ស និងប្រកបដោយគុណភាព។
លោកបន្តថា ការបង្កើនប្រសិទ្ធភាពការងារនេះ គឺជាបំណងប្រាថ្នាចាច់បាច់របស់រាជរដ្ឋាភិបាល ដើម្បីឆ្លើយតបទៅនឹងតម្រូវការចាំបាច់បំផុតរបស់ប្រទេសស៊ីវិល័យ ខណៈដែលបច្ចុប្បន្ននេះប្រជាជនកម្ពុជាមានភាពស៊ីវិល័យច្រើនសម្រាប់ការរស់នៅប្រចាំថ្ងៃ។ ដោយឡែក ក្នុងរាជធានីភ្នំពេញ ក៏កាន់តែមានភាពស៊ីវិល័យផងដែរ ទាំងការរស់នៅ និងការប្រើប្រាស់ប្រព័ន្ធបច្ចេកវិទ្យា។ បន្ថែមពីនេះទៀត តម្រូវការ ក៏កាន់តែមានភាពឈានឡើង។ ដូច្នេះការបម្រើសេវាគ្រប់សព្វបែបយ៉ាង ក្នុងរាជធានីភ្នំពេញរបស់រដ្ឋបាលរាជធានីភ្នំពេញ ក៏ដូចជារដ្ឋបាលខណ្ឌ ត្រូវតែបង្កើនល្បឿន និងប្រសិទ្ធភាព ព្រមទាំងប្រសិទ្ធផល ឲ្យបានល្អប្រសើរបន្ថែមទៀត។
លោក ឃួង ស្រេង ក៏បានណែនាំដល់រដ្ឋបាលខណ្ឌ និងចៅសង្កាត់ទាំងអស់ គឺត្រូវបន្តខិតខំប្រឹងប្រែង និងត្រៀមលក្ខណៈ ដើម្បីបំពេញបន្ថែមនូវសេវាសាធារណៈ ជូនប្រជាពលរដ្ឋតាមប្រព័ន្ធអនឡាញ ដើម្បីធ្វើការអភិវឌ្ឍសេវាផ្ដល់សេវា ជូនប្រជាពលរដ្ឋឲ្យកាន់តែទំនើប ជឿនលឿន និងមានភាពងាយស្រួលបំផុត។
គួរបញ្ជាក់ថា នៅក្នុងពិធីប្រកាសចូលកាន់មុខតំណែងអភិបាលរង នៃគណៈអភិបាលខណ្ឌ និងនាយករដ្ឋបាល នៅក្នុងរចនាសម្ព័ន្ធរបស់រដ្ឋបាលខណ្ឌនានា ក្នុងរាធានីភ្នំពេញ នាព្រឹកថ្ងៃទី ២៥ ខែសីហា ឆ្នាំ ២០២២នេះ រួមមាន៖ ការផ្ទេរភារកិច្ចមន្រ្តីរាជការចំនួន ១២រូបជាអភិបាលរងខណ្ឌ តែងតំាងមន្រ្តីរាជការចំនួន ៣៦រូប ជាអភិបាលរងខណ្ឌ ផ្ទេរអភិ បាលរងខណ្ឌចំនួន ៥រូប ទៅបំរើការងារនៅរដ្ឋបាលរាជធានីភ្នំពេញ និងតែងតំាងប្រគល់ភារកិច្ចដល់មន្រ្តីរាជការចំនួន ១០រូប ជានាយករដ្ឋបាលក្នុងរចនាសម័្ពន្ធរដ្ឋបាលខណ្ឌនានា នៅរាជធានីភ្នំពេញ៕
អត្ថបទ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ