ព័ត៌មានជាតិ
អាជីវករជាង១០គ្រួសារនៅបរិវេណបេនឡានផ្សារសំរោងយ៉ោងត្រូវបានអាជ្ញាធរស្រុកបាទីបង្ខំឲ្យរុះរើតូប
យ៉ាងហោចណាស់មានក្រុមអាជីវករ១១គ្រួសារ ដែលប្រកបរបរលក់ដូរបន្លែផ្លែឈើបន្តិចបន្តួចគ្រាន់បានកម្រៃមកផ្គត់ផ្គង់គ្រួសាររាប់សិបឆ្នាំមកហើយ ត្រូវបានអាជ្ញាធរស្រុកបាទី កោះហៅជាច្រើនលើកច្រើនសារទៅសាលាស្រុក បង្ខំឲ្យពួកគាត់រុះរើតូបចេញពីបរិវេណបេនឡានខាងជើងផ្សារសំរោងយ៉ោង ឃុំត្រពាំងសាប ស្រុកបាទី ខេត្តតាកែវ។
លោកយាយ ងី យឿន ដែលមានអាយុ៨០ឆ្នាំទៅហើយបានរៀបរាប់នៅព្រឹកថ្ងៃទី៣១ ខែសីហា ឆ្នាំ២០២២នេះថា ចាប់តាំងពីមានផ្សារសំរោងយ៉ោង គាត់បានមកចាប់ទីដីជាយខាងលិចបេនឡានផ្សារដែលជាដីរដ្ឋលក់ដូរបន្តិចបន្ទួចគ្រាន់ចិញ្ចឹមជិវិត ស្រាប់តែពេលនេះអាជ្ញាធរស្រុកបានឲ្យពួកគាត់រុះរើតូចចេញ ទាំងដែលមិនមានហេតុផលច្បាស់លាស់សម្រាប់ពួកគាត់សោះ។
ដោយឡែកលោកស្រី មុំ លីន ក៏បានបញ្ជាក់ថា លោកមេឃុំត្រពាំងសាបឈ្មោះ ពេជ្រ សារ៉ា ហៅកែវ បានមកគម្រាមពួកគាត់ត្រូវតែរុះរើតូបចេញ បើមិនចឹងទេអាជ្ញាធរនឹងចាត់វិធានការណ៍រុះរើដោយផ្ទាល់។
ក្រុមអាជីវករដែលប្រឈមនឹងការបណ្តេញចេញផ្សេងទៀតលើកឡើងដែរថា បើរដ្ឋត្រូវការកន្លែងនេះសម្រាប់អភិវឌ្ឍន៍គម្រោងណាមួយ គួរណាស់អនុវត្តឲ្យស្មើភាពគ្នាក្នុងទីតាំងបេនឡាននេះ មិនមែនមកដេញពួកគាត់តែ១១គ្រួសារចឹងទេ ម្យ៉ាងទីធ្លាបេនឡាននេះ សិងតែបាត់រូបរាងទៅហើយ ម៉េចបានមើលមិនឃើញ ឃើញអីតែបួនដប់តូបដែលនៅជាយខាងលិចទៅវិញ។ ពួកគាត់បន្ថែមថា អាជ្ញាធរដេញពួកគាត់ចេញដើម្បីយកទីតាំងនេះឲ្យអ្នកមានលុយ ព្រោះមេឃុំត្រពាំងសាបថា ដីនេះមានប្លង់អស់ហើយ។
ជុំវិញការលើកឡើងខាងលើ លោក ជេព្រ សារ៉ា មេឃុំត្រពាំងសាប តាមរយៈការហៅទូរស័ព្ទចូលបានឲ្យដឹងនៅរសៀលថ្ងៃទី៣១ ខែសីហា ឆ្នាំ២០២២នេះថា ពិតជាបានស្នើសុំឲ្យម្ចាស់តូបមួយរុះរើចេញមែន ព្រោះជាចំណីផ្លូវដែលត្រូវឃ្វាលធ្វើផ្លូវកោងរបស់មន្ទីរសាធារណៈការនិងដឹកជញ្ជូនខេត្ត ដោយឡែកតូបផ្សេងៗទៀតដែលកំពុងប្រកបមុខរបរលក់ដូរនោះ គឺមិនមានផែនការឲ្យរុះរើនោះទេ។
លោកមេឃុំបញ្ជាក់ថា ដីដែលកាត់ឃ្វាលប៉ះពាល់តូបអាជីវករនេះ ប្រសិនបើជាថ្ងៃមុខមិនមានចរាចរណ៍ គាត់អាចសង់រោងបោះតង់លក់វិញបានមិនអីទេ សំខានពេលនេះត្រូវឲ្យខាងមន្ទីរសាធរណៈការគេអនុវត្តតាមប្លង់ផ្លូវគេសិន៕
អត្ថបទ៖ វីរៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)