ព័ត៌មានជាតិ
រយៈពេល២៤២ថ្ងៃ មានករណីគ្រោះថ្នាក់ចរាចរណ៍ចំនួន១៩៩៨លើក ស្លាប់១០០៧នាក់
លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការនគរបាលជាតិកម្ពុជាបានឲ្យដឹងនៅថ្ងៃនេះថា រយៈពេល២៤២ថ្ងៃ ដោយចាប់ពីថ្ងៃទី០១ ខែឧសភា ដល់ថ្ងៃទី២៨ ខែធ្នូ ឆ្នាំ២០២០ មានករណីគ្រោះថ្នាក់ចរាចរណ៍កើតឡើងចំនួន១៩៩៨ លើក ធ្វើឲ្យមនុស្សស្លាប់ចំនួន១០០៧នាក់ របួសចំនួន២៩៨៣ នាក់ របួសធ្ងន់ចំនួន១៨១៣ នាក់។
ដោយឡែកនៅថ្ងៃទី២៨ ខែធ្នូ នេះ មានករណីគ្រោះថ្នាក់ចរាចរណ៍ចំនួន១៥ លើក ក្នុងនោះស្លាប់ចំនួន០៧ នាក់ របួសចំនួន២០ នាក់ ក្នុងនោះរបួសធ្ងន់ចំនួន១៦ នាក់ ហើយករណីគ្រោះថ្នាក់ចរាចរណ៍នេះ បានកើតឡើងនៅតាមរាជធានី ខេត្ត ចំនួន១០។
បើតាមលោកឧត្តមសេនីយ៍ឯក ឆាយ គឹមខឿន រយៈពេល២៤២ ថ្ងៃនេះដែរ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន២៤៦៥៥១ គ្រឿង ក្នុងនោះមានម៉ូតូ ចំនួន១៨១៤៦៩ គ្រឿង និងរថយន្តគ្រប់ប្រភេទចំនួន៦៥០៨២គ្រឿង។ ក្នុងនោះរថយន្តតូចចំនួន៥៤១១២ គ្រឿង និងរថយន្តធំចំនួន១០៩៧០ គ្រឿង។
ដោយឡែកសម្រាប់ថ្ងៃទី២៨ ខែធ្នូ នេះ គិតត្រឹមម៉ោង៤រសៀល មានយានយន្តល្មើសចំនួន៩៣៨ គ្រឿង ត្រូវបានពិនិត្យ និងពិន័យ ក្នុងនោះម៉ូតូចំនួន៧២៧គ្រឿង និងរថយន្តចំនួន២១១គ្រឿង។
លោកឧត្តមសេនីយ៍ ឆាយ គឹមខឿន បញ្ជាក់ថា ក្នុងចំណោមយានយន្តទាំង២១១គ្រឿងនោះ មានយានយន្តតូចចំនួន១៦២ គ្រឿង និងយានយន្តធំចំនួន៤៩ គ្រឿង ហើយក្នុងចំណោមយានយន្តទាំងនោះ មានល្មើសល្បឿនចំនួន១៣ គ្រឿង, អត់មានប័ណ្ណបើកបរចំនួន១៤នាក់, ល្មើសញ្ញាចំនួន៦ គ្រឿង, បើកបរអត់ដាក់ខ្សែក្រវ៉ាត់ចំនួន១៣៤ នាក់, លើសចំណុះចំនួន៨ គ្រឿង, បើកបរក្នុងស្ថានភាពស្រវឹងចំនួន៦ នាក់, អត់ស្លាកលេខចំនួន១២ គ្រឿង និងបើកបរប្រើទូរសព្ទចំនួន១៨ នាក់។
ចំណែកម៉ូតូល្មើសទាំង៧២៧ គ្រឿងនោះ បើកបរដោយអត់មួកសុវត្ថិភាពចំនួន៦៥២ នាក់, បើកបរល្មើសសញ្ញាចំនួន៤១ គ្រឿង, បត់ជែង២ គ្រឿង, បើកបរក្នុងស្ថានភាពស្រវឹងចំនួន១០ នាក់, បើកបរដោយអត់ស្លាកលេខចំនួន០៧ គ្រឿង និងបើកបរប្រើទូរស័ព្ទចំនួន១៥ នាក់៕
ដោយ ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត