Connect with us

ព័ត៌មានជាតិ

អភិបាលរាជធានី កោតសរសើរនគរបាលពន្លត់អគ្គិភ័យដែលចុះជួយអន្តរាគមន៍បានទាន់ពេលវេលា

បានផុស

នៅ

អភិបាលនៃគណៈអភិបាលរាជធានីភ្នំពេញ លោក ឃួង ស្រេង បានសំដែងនូវការកោតសរសើរយ៉ាងខ្លាំង ចំពោះនគរបាល​ពន្លត់អគ្គីភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ ដែលបានបំពេញការងារយ៉ាងល្អ រហូតទទួលបានការកោតសរសើរពីសំណាក់ប្រជាពលរដ្ឋ ក៏ដូចជាក្រសួងមហាផ្ទៃ និងសាលារាជធានីភ្នំពេញ ក្នុងការចុះជួយអន្តរាគមន៍បាញ់ពន្លត់អគ្គីភ័យបានទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្ដែងនូវការកោតសរសើរនេះ បានធ្វើឡើងកាលពីព្រឹកថ្ងៃទី១៩ ខែកញ្ញា ឆ្នាំ២០២២ ខណៈដែលលោកអញ្ជើញ​សំណេះសំណាល និងផ្ដល់ជាអំណោយជូននគរបាលពន្លត់អគ្គីភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ ចំនួន១៤៥នាក់ ក្នុងឱកាសបុណ្យភ្ជុំបិណ្ឌប្រពៃណីជាតិ នៅការិយាល័យនគរបាលបង្ការពន្លត់អគ្គីភ័យ និងសង្រ្គោះនៃស្នងការដ្ឋាននគរបាលរាជធានីភ្នំពេញ។

លោក ឃួង ស្រេង បានមានប្រសាសន៍លើកឡើងផងដែរថា កាលពីមុនសម្រាប់ប៉ូលីសអគ្គីភ័យ គឺតែងតែមានការលេច ឮនៅព័ត៌មានមិនល្អមួយចំនួនពាក់ព័ន្ធនឹងការចុះអន្តរាគមន៍នៃការពន្លត់អគ្គីភ័យ។ ប៉ុន្តែសម្រាប់ពេលនេះ គឺកម្លាំងប៉ូលិសការិយាល័យបង្ការនិងពន្លត់អគ្គីភ័យរាជធានីភ្នំពេញ ពិតជាទទួលបាននូវការកោតសរសើរពីសំណាក់បងប្អូនប្រជាពលរដ្ឋទាំងអស់នៅក្នុងរាជធានីភ្នំពេញ ពោលគឺនៅពេលដែលមានអគ្គីភ័យកើតឡើង រថយន្តពន្លត់អគ្គីភ័យបានទៅដល់ទីតាំងកើតហេតុភ្លាមៗ និងបានជួយអន្តរាគមន៍បាញ់ពន្លត់អគ្គីភ័យបានទាន់ពេលវេលា។

លោក ឃួង ស្រេង បានបន្តទៀតថា សម្ដេចតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា តែងយកចិត្តដាក់ពីសុខទុក្ខរបស់បងប្អូនប្រជាពលរដ្ឋដោយសម្ដេចមិនត្រឹមតែបានរំដោះប្រទេសជាតិចេញពីរបបប៉ុលពតប៉ុណ្ណោះទេ តែបានអភិវឌ្ឍន៍ប្រទេសឲ្យមានការរីកចម្រើនថែមទៀត ។ ជាមួយគ្នានោះ ពាក់ព័ន្ធនឹងការរាតត្បាតនៃជំងឺ covid-19 សម្តេចបានស្វះស្វែងរកវ៉ាក់សាំងការពារជំងឺ covid-19 មកចាក់ជូនបងប្អូនប្រជាពលរដ្ឋបានគ្រប់គ្នា រហូតធ្វើអោយសេដ្ឋកិច្ចប្រទេសងើបឡើងវិញ។

លោក ឃួង ស្រេង បានបញ្ជាក់ផងដែរថា ចំពោះអំណោយដែលត្រូវប្រគល់ជូនមន្ត្រីនគរបាលបង្ការពន្លត់អគ្គីភ័យ និងសង្រ្គោះនៃស្នងការដ្ឋាននគរបាលរាជធានីភ្នំពេញចំនួន១៤៥នាក់នេះ ជាអំណោយរបស់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដោយក្នុងម្នាក់ៗទទួលបាន អង្ករ២៥គីឡូក្រាម មី១កេសតូច ត្រីខ១យួរ ទឹកស៊ីអុីវ១យួរ ទឹកបរិសុទ្ធ២កេស និងថវិកាចំនួន៤០ម៉ឺនរៀល។

លោកឧត្ដមសេនីយ៍ត្រី ស៊ុប សុឃីម ស្នងការរងតំណាងអោយអង្គភាពនគរបាលបង្ការពន្លត់អគ្គីភ័យនិងសង្រ្គោះនៃស្នងការដ្ឋាននគរបាលរាជធានីភ្នំពេញ បានលើកឡើងថា ក្នុងរយៈពេល ០៩ខែ ឆ្នាំ២០២២នេះ នៅទូទាំងរាជធានីភ្នំពេញ មានករណីអគ្គិភ័យកើតឡើង ចំនួន៨៣លើក ប្រើប្រាស់រថយន្តពន្លត់អគ្គិភ័យចំនួន៩៩៨គ្រឿង ស្មើនឹងទឹក ៣,៨៣៣ ម៉ែត្រគូប ។

ក្នុងហេតុការណ៍នេះបណ្តាលឲ្យមនុស្សស្លាប់ ០១នាក់/ស្រី របួស២៤នាក់ ឆេះផ្ទះ១១៣ខ្នង សំណង់មិនរៀបរយ៨០ខ្នង ឆេះរថយន្ត ២៧គ្រឿង ម៉ូតូ ១៤គ្រឿង បន្ទប់ខារ៉ាអូខេ ៦បន្ទប់ ក្លឹបកំសាន្ត០១ កន្លែង កន្លែងស្តុកហ្គាស ០១កន្លែង ឃ្លាំងជួសជុលរថយន្ត ០១ កន្លែង និងសម្ភារៈប្រើប្រាស់មួយចំនួន ។ កត្តាដែលបង្កឲ្យមានករណីអគ្គិភ័យនេះ ផ្តើមចេញពីការឆ្លងចរន្តអគ្គិសនី ៥៦លើក គ្រោះថ្នាក់ចរាចរណ៍ ០១លើក និងបញ្ហាផ្សេងៗ ២៦លើក ៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

រាជធានី​ភ្នំពេញ​និង​រដ្ឋធានី​វៀង​ចន្ទ ជំរុញ​ទំនាក់ទំនង​ការទូត​រវាង​ទីក្រុង​ទាំងពីរ​ឲ្យ​កាន់តែ​ល្អប្រសើរ​មួយកម្រិត​ថែមទៀត

កីឡា៩ ម៉ោង មុន

ចូល​រួម​សាទរ​ ភ្នំពេញ​​ក្រោន​ ឈ្នះ​​ជើង​ឯក​លីគ​កំពូល​​កម្ពុជា​​២០២២

ព័ត៌មានជាតិ៩ ម៉ោង មុន

បណ្តា​រាជធានី​និង​រដ្ឋធានី​អាស៊ាន​ទទួល​បាន​បទពិសោធន៍​អភិវឌ្ឍ​ទីក្រុង​ជាច្រើន ដើម្បី​ប្រែ​ក្លាយទៅជា​ទីក្រុង​ឆ្លាត​វៃ​និង​មាន​ភាព​ធន់

ព័ត៌មានជាតិ៩ ម៉ោង មុន

លោកស្រី​បណ្ឌិត អ៊ី​រ៉ា​វាទី ជិន​ដ្រា​ដេ​វី កោត​ស​សើរ​អភិបាល​រាជធានី​ភ្នំពេញ​ចំពោះ​ការរៀបចំ​វេទិកា AMF និង​កិច្ចប្រជុំ MGMAC ឆ្នាំ​២០២២ ប្រកបដោយ​ភាពជោគជ័យ

ជីវិតកម្សាន្ដ៩ ម៉ោង មុន

អាយុ ៦០ឆ្នាំហើយ ស្ដេចកំប្លែង ​ទិនហ្វី នៅតែមាំទាំ ដើរលេងដូចយុវវ័យ

Sokha Hotels

ព័ត៌មានពេញនិយម