ព័ត៌មានជាតិ
មន្ត្រីជាន់ខ្ពស់លើកទឹកចិត្តឱ្យយុវជនចាប់យកជំនាញធ្វើសក់ និងសម្រស់ដើម្បីបង្កើនប្រាក់ចំណូល
មន្ត្រីជាន់ខ្ពស់ក្រសួងការងារនិងបណ្តុះបណ្តាលវិជ្ជាជីវៈ បានលើកទឹកចិត្តឱ្យយុវជនចាប់យកវិជ្ជាជីវៈ ឬជំនាញធ្វើសក់ និងសម្រស់ ដើម្បីបង្កើនប្រាក់ចំណូលចិញ្ចឹមជីវិតប្រចាំថ្ងៃ ខណៈបច្ចុប្បន្នជំនាញនេះកំពុងមានតម្រូវការខ្ពស់នៅលើទីផ្សារ។
ថ្លែងក្នុងពិធីបើកយុទ្ធនាការផ្តល់សេវាកម្មកាត់សក់ដល់អ្នកដែលមានជីវភាពខ្វះខាត់ដោយពុំគិតប្រាក់រៀបចំឡើងដោយសមាគមមិត្តយើងនៅរសៀលថ្ងៃទី២០កញ្ញា លោក ហេង សួរ រដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវៈបានមានប្រសាសន៍ថា កម្មវិធី “សក់ និងសម្រស់របស់មិត្តយើង” នេះ រៀបចំឡើងក្នុងគោលបំណងដើរតួជាស្ពានដ៏សំខាន់ក្នុងការផ្សព្វផ្សាយឲ្យបានទូលំទូលាយអំពីចំណេះដឹងផ្នែកវិជ្ជាជីវៈសក់ និងសម្រស់ទៅដល់បងប្អូនដែលមានបំណងចង់ចាប់យកជំនាញផ្នែកវិជ្ជាជីវៈនេះក៏ដូចជាការផ្តល់សេវាកម្មថែរក្សាសក់និងសម្រស់ទៅដល់កម្មករនិយោជិតនៃវិស័យសេដ្ឋកិច្ចក្រៅប្រព័ន្ធទាំងអស់ ដែលពុំមានឱកាស ឬជួបការលំបាកក្នុងការទទួលបាននូវសេវាកម្មមួយនេះ។
លោករដ្ឋលេខាធិការបានបន្តថាកម្មវិធីមួយនេះ គឺជាការឆ្លើយតបទៅនឹងចក្ខុវិស័យវែងឆ្ងាយរបស់សមាគមមិត្តយើង
ក្នុងការជួយលើកកម្ពស់កម្រិតជីវភាពរស់នៅ និងបង្កើនប្រាក់ចំណូលរបស់ប្រជាពលរដ្ឋឲ្យកាន់តែល្អប្រសើរឡើងដែលស្របទៅនឹងគោលនយោបាយរបស់រាជរដ្ឋាភិបាលកម្ពុជា។
លោក ឡា វិបុល នាយកសាលាជំនាញសក់ និងសម្រស់ ដែលហៅថា អេកូលអាំងទែរ ណាស្សូណាល់ ដឺ គ័ហ្វហ្វៀ អេ អេសស្តេទិក (ហៅកាត់ថា L.I.C.E) បានមានប្រសាសន៍ថា វិស័យសក់និងសម្រស់នៅកម្ពុជានាពេលបច្ចុប្បន្ននេះទទួលបានការគាំទ្រយ៉ាងខ្លាំងពីសំណាក់ប្រជាពលរដ្ឋ។ប៉ុន្តែបែរជាមិនសូវមានការចាប់អារម្មណ៍ពីយុវជនរៀនលើវិស័យនេះទៅវិញធ្វើឱ្យមានការខ្វះខាតជាងយ៉ាងច្រើន។
លោកបានបន្តថា យុទ្ធនាការនេះលោកបានដឹកនាំក្រុមសាឡន និងហាងកាត់សក់ល្បីៗនៅទីក្រុងភ្នំពេញ ដើម្បីចូលរួមជាមួយសមាគមមិត្តយើងក្នុងការផ្តល់នូវសេវាកម្មកាត់អ្នករកស៊ីក្រៅប្រព័ន្ធ និងអ្នកដែលមានជីវភាពខ្វះខាតក្នុងគោលបំណងឲ្យពួកគាត់ទទួលបាននូវសេវាកម្មសក់ស្អាតដើម្បីទៅចូលរួមក្នុងឱកាសពិធីបុណ្យកាន់បិណ្ឌ ក៏ដូចជាពិធីបុណ្យភ្ជុំបិណ្ឌនាពេលខាងមុខនេះ។ លោកបន្ថែមថា យុទ្ធនាការនេះគឺជាការផ្សព្វផ្សាយដល់យុវជនដែលមានចំណាប់អារម្មណ៍អាចរៀនលើវិស័យនេះដើម្បីទទួលបានប្រាក់ចំណូលសមរម្យសម្រាប់ចិញ្ចឹជីវិតប្រចាំថ្ងៃ។
គួរបញ្ជាក់ថា ក្រៅពីបានផ្តល់សេវាកម្មកាត់សក់ហើយសមាគមមិត្តយើងក៏មានការចែកជា “កញ្ចប់ជំនួយមិត្តយើង” ដល់អ្នកមានកង្វះខាត និងកម្មករនិយោជិតនៃវិស័យសេដ្ឋកិច្ចក្រៅប្រព័ន្ធដែលបានចូលរួមនាពេលនេះផងដែរ៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៣ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ