ព័ត៌មានជាតិ
ឆ្លងឆ្នាំមិនបាច់ភ័យខ្លាច ព្រោះកម្លាំងអាវុធហត្ថរាជធានី ការពារសុវត្ថិភាពជូនពេញ២៤ម៉ោង
មន្ត្រីជាន់ខ្ពស់របស់កងរាជអាវុធហត្ថរាជធានីភ្នំពេញ បានឲ្យដឹងមុននេះថា ដើម្បីរក្សាបាននូវភាពកក់ក្តៅដូចឆ្នាំមុនៗបន្តទៀតនោះ កម្លាំងអាវុធហត្ថទូទាំងរាជធានីភ្នំពេញ បានត្រៀមខ្លួនធ្វើជារបងដ៏រឹងមាំ សម្រាប់ការពារសន្តិសុខសុវត្ថិភាពជូនបងប្អូនប្រជាពលរដ្ឋចូលរួមសប្បាយរីករាយក្នុងពិធីបុណ្យឆ្លងឆ្នាំសកល២០២០ ឈានចូលឆ្ថាំថ្មី ២០២១ឲ្យបានល្អប្រសើរថែមទៀត។
មន្ត្រីដដែលបានបន្តថា រយៈពេលជា២សប្តាហ៍មកហើយកម្លាំងអាវុធទូទាំងរាជធានី បានត្រៀមនូវផែនការនៃកិច្ចការពាររួមនឹងការរៀបចំនូវសម្ភារៈបច្ចេកទេស សម្រាប់ជាមធ្យោបាយចេញប្រតិបត្តិការរួចជាស្រេច ក្នុងការរក្សាការពារសន្តិសុខសុវត្ថិភាពជូនប្រជាពលរដ្ឋ សម្រាប់បុណ្យឆ្លងឆ្នាំសកល២០២០ ឈានចូលឆ្នាំ២០២១ឲ្យបានល្អប្រសើរដូចឆ្នាំមុនៗ ដោយក្នុងនោះបានត្រៀមសហការជាមួយកម្លាំងមានសមត្ថកិច្ចពាក់ព័ន្ធ តាំងពីមុនរហូតបញ្ចប់ថ្ងៃបុណ្យឆ្លងឆ្នាំថ្មី។ នេះជាភាពទទួលខុសត្រូវខ្ពស់របស់អាវុធហត្ថ ដើម្បីបង្កលក្ខណៈឲ្យបងប្អូនប្រជាពលរដ្ឋ បានធ្វើដំណើរទៅកម្សាន្តសប្បាយនានា និងទៅជួបជុំបងប្អូននៅស្រុកកំណើតដោយសុវត្ថិភាព។
ទន្ទឹមនឹងនេះដែរ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានចេញបទបញ្ជាដល់កម្លាំងអាវុធហត្ថទាំងអស់ មិនត្រូវភ្លេចពីជំងឺរាតត្បាតដ៏កាចសាហាវកូវីដ១៩ នោះឲ្យសោះដោយត្រូវតែអនុវត្តដំបូងគេបំផុត គឺ ពាក់ម៉ាស់ គម្លាតបុគ្គល និងគម្លាតសង្គមតែម្តងរួមនឹងការធ្វើអនាម័យជាប្រចាំទើបជៀសផុតពីជំងឺកាចសាហាវមួយនេះបាន។ លោកឧត្តមសេនីយ៍ឯក រ័ត្ន ស្រ៊ាង ចេញបទបញ្ជាបែបនេះជាប្រចាំ ខណៈពេលចេញត្រួតពិនិត្យកម្លាំងនិងសម្ភារៈបច្ចេកទេសយន្តយានគ្រប់ប្រភេទ ដែលត្រូវប្រចាំការតាមគោលដៅ ជាច្រើនកន្លែងរាល់ថ្ងៃ រួមនឹងការពិនិត្យមើលភាពទទួលខុសត្រូវរួមក្នុងការបង្ការ ការពារ ទប់ស្កាត់បទល្មើសដើម្បីរក្សាភាពកក់ក្តៅជូនប្រជាពលរដ្ឋ ក្នុងឱកាសបុណ្យឆ្លងឆ្នាំសកលសម្រាប់ឆ្នាំថ្មីនេះ។
សូមបញ្ជាក់ផងដែរថា ក្រៅពីអនុវត្តន៍នូវភារកិច្ចដូចខាងលើរួចមកនោះ កម្លាំងអាវុធហត្ថផ្នែកអន្តរាគមន៍ ក្នុងទីបញ្ជាការ បានរៀនបំប៉នក្បាច់គុណចំបាប់ ស្នៀតចាប់បោក ចាប់កាច់ (ក្លេ) ចេញល្បាតក្បួនម៉ូតូ ឡានតាមដងផ្លូវ ដើម្បីបង្កើនសមត្ថភាព និងការពារខ្លួន ពេលប៉ះទង្គិចជាមួយជនសង្ស័យ ក្នុងនោះដែរកម្លាំងផ្សេងៗទៀតនាំគ្នាធ្វើលំហាត់ប្រាណ លេងកីឡា ដើម្បីសុខភាពល្អមាំងមួនបំពេញកាតព្វកិច្ចបន្តក្នុងនាមមន្ត្រីជាអ្នកបម្រើរាស្ត្រ ដោយភាពស្មោះត្រង់មិនគិតនឿយហត់ ឬយប់ថ្ងៃឡើយពិសេសឱកាសឈប់សម្រាកបុណ្យឆ្លងឆ្នាំថ្មីនេះ ដែលកម្លាំងអាវុធហត្ថទាំងអស់បន្តពង្រឹងរក្សាសន្តិសុខ ដោយកិច្ចការពារ២៤ម៉ោងលើ២៤ម៉ោងតែម្ដង៕
អត្ថបទ៖ វិមាន
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង