ព័ត៌មានជាតិ
បង្ហោះរូបកាំភ្លើងយ៉ាងទាក់ទាញ នៅលើបណ្តាញសង្គម ត្រូវសមត្ថកិច្ចស្រាវជ្រាវ ចាប់បាន៣នាក់
មនុស្ស៣នាក់ ត្រូវបានឃាត់ខ្លួនតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងដោយបានការសម្របសម្រួលលើនីតិវិធីពីលោក គឺ ប៊ុណ្ណារ៉ា ព្រះរាជអាជ្ញាអមសាលាដំបូងខេត្តបាត់ដំបង ។
កាលពីរសៀលថ្ងៃទី២៩ ម្សិលមិញនេះ លោកវរសេនីយ៍ឯក ផង់ សុភាពអធិការនគរបាលស្រុកថ្មគោល ដឹកនាំបង្ក្រាបករណីលាក់ទុកនិងប្រើប្រាស់អាវុធខុសច្បាប់ព្រមទាំងរក្សាទុកនិងជួញដូរដោយខុសច្បាប់នូវសារធាតុញៀន ផងដែរ។
កិច្ចប្រតិបត្តិការនេះ បានធ្វើឡើងនៅចំណុចភូមិឆ្កែកូន ឃុំបន្សាយត្រែង ស្រុកថ្មគោល ខេត្តបាត់ដំបង ដែលកិច្ចប្រតិបត្តិការនេះ នគរបាលឃាត់ខ្លួនមនុស្សចំនួន០៣នាក់រួមមាន៖ ១. ឈ្មោះ ហឿន ប៉ែល ភេទប្រុស អាយុ៣៨ឆ្នាំ ២. ឈ្មោះ យ៉ូន វិឆ័យ ភេទប្រុស អាយុ១៥ឆ្នាំ និង ៣. ឈ្មោះ គឿន កេត ភេទស្រី អាយុ២៥ឆ្នាំ អ្នកទាំង៣ រស់នៅ ភូមិឆ្កែកូន ឃុំគោកឃ្មុំ ស្រុកថ្មគោល ខេត្តបាត់ដំបង។ វត្ថុតាងចាប់យកបានរួមមាន៖ ១. កាំភ្លើងខ្យល់បាញ់គ្រាប់សំណមួយដើមនិងគ្រាប់សំណចំនួន៤០០គ្រាប់ ២. ស្នប់សម្រាប់សប់កាំភ្លើងចំនួន០១ ៣. ថ្នាំញៀនប្រភេទម៉ាទឹកកកចំនួន៣០ថង់ទម្ងន់៨,៨០ក្រាម ៤. ទូរស័ព្ទចំនួន០២គ្រឿង ៥. ថង់សម្រាប់ច្រកគ្រឿងញៀនមួយចំនួន ៦. ដែកកេះចំនួន២០ ៧-ប្រាក់ រៀល ដុល្លារ បាតមួយចំនួន។
សូមជម្រាបជូនថា កិច្ចប្រតិបត្តិការចំពោះករណីខាងលើនេះ បន្ទាប់ពីប្រទះឃើញអ្នកប្រើប្រាស់បណ្តាញសង្គមហ្វេសប៊ុកឈ្មោះ ប្អូន ប៉ែល បានបង្ហោះរូបភាពអាវុធទំនើបៗជាច្រើនដើម ដែលតាមរូបភាពនេះ អាចសន្និដ្ឋានបានថា ជាករណីផ្សព្វផ្សាយក្នុងបំណងរកអតិថិជនទិញ-លក់អាវុធទាំងនេះផង។ ក្នុងរូបភាពផ្សេងទៀតក៏ឃើញមានរូបសត្វស្លាបមួយចំនួន ត្រូវបានស្លាប់ ហើយថតភ្ជាប់ជាមួយរូបកាំភ្លើងនេះផងដែរ ដែលម្ចាស់គណនីចង់បង្ហាញថា សត្វស្លាបជាច្រើននេះ គឺ ត្រូវបានសម្លាប់ដោយសារស្នាដៃរបស់គាត់ដោយប្រើប្រាស់កាំភ្លើងនេះហើយ។
ដោយមើលឃើញទិដ្ឋភាពបែបនេះ តាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដាក់បទបញ្ជាទៅលោកអធិការនគរបាលស្រុកថ្មគោលឲ្យចាត់វិធានការស្រាវជ្រាវជាបន្ទាន់។ ភ្លាមៗលោកអធិការនគរបាលស្រុកបានដឹកនាំកម្លាំងចុះទៅដល់លំនៅឋាននោះ ហើយបានជួបជាមួយម្ចាស់គណនីហ្វេសប៊ុកខាងលើនិងបានសាកសួរពីករណីបង្ហាញអាវុធទំនើបៗតាមបណ្តាញសង្គម។ ម្ចាស់គណនី ដែលមានឈ្មោះ ហឿន ប៉ែលបានយកអាវុធនេះ មកបង្ហាញសមត្ថកិច្ចបានឃើញនិងបញ្ជាក់ថា ខ្លួនទិញមកទុកប្រើប្រាស់បរបាញ់សត្វនិងមានបំណងផ្សព្វផ្សាយលក់ទៅវិញផង ពេលជាមួយនេះសមត្ថកិច្ចប្រទះឃើញ(ថង់ប្លាស្ទិចកិប)មួយចំនួននៅទីនោះ ហើយផ្តើមពីចំណុចនេះសមត្ថកិច្ចបានដាក់ការសង្ស័យទៅលើករណីពាក់ព័ន្ធគ្រឿងញៀនបន្ថែមទៀត។ ដោយបានការសម្របសម្រួលពីឯកឧត្តមព្រះរាជអាជ្ញាអមសាលាដំបូង ខេត្តបាត់ដំបង ទើបឈានដល់ការឆែកឆេរលំនៅឋានខាងលើ ហើយសមត្ថកិច្ចបានរកឃើញម្សៅក្រាមពណ៌ស ដែលសង្ស័យថា ជាថ្នាំញៀនប្រភេទមេតំហ្វេតាមីន ម៉ាទឹកកកICE រួមទាំងសម្ភារៈមួយចំនួនដូចខាងលើ។
នៅពេលនេះ សមត្ថកិច្ចកំពុងធ្វើការស្រាវជ្រាវលើជនសង្ស័យបន្ថែមទៀតមុនពេលរៀបចំសំណុំរឿងបញ្ជូនមកការិយាល័យជំនាញ ដើម្បីចាត់ការបន្តតាមផ្លូវច្បាប់៕
អត្ថបទ៖ សោ និយមរ័ត្ន
សូមចុចអាន៖ បាញ់ប្រហារជាច្រើនគ្រាប់ទៅលើនាយរងព្រហ្មទណ្ឌកំរិតស្រាលម្នាក់បណ្ដាលឲស្លាប់ពេលបញ្ជូនទៅមន្ទីរពេទ្យ
ផ្លូវក្រវាត់ព្រំដែនខេត្តមណ្ឌលគិរី លេចរូបរាងបណ្ដើរៗ ដើម្បីត្រៀមទទួលពលរដ្ឋដែលចង់មកលេងកម្សាន្ត
កាកបាទក្រហមកម្ពុជា ឧបត្ថម្ភថវិកា៣សែនដុល្លារ ជូនសាខាកាកបាទក្រហមកម្ពុជារាជធានីភ្នំពេញ
ក្រសួងការងារ ជួបពិភាក្សាជាមួយភារធារីស្តីទីនៃស្ថានទូតលុចសំបួប្រចាំប្រទេសឡាវ លើវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ
អភិបាលខេត្តកណ្តាល ថ្លែងអំណរគុណពលរដ្ឋ ដែលចូលរួមគាំទ្ររាជរដ្ឋាភិបាលកសាងគម្រោងព្រែកជីកហ្វូណនតេជោ
មោទនភាព! ផលិតផលកម្ពុជារីកមុខរីកមាត់ នៅលើកម្មវិធីតាំងពិព័រណ៌អាហារនិងភេសជ្ជៈលំដាប់ពិភពលោក
តុលាការសម្រេចឃុំខ្លួនលោក ហង្ស សំណាង និងបក្ខពួកដាក់ពន្ធនាគារពីបទ ធ្វើឲ្យខូចទឹកចិត្តកងទ័ព
យោធភូមិភាគទី៣ បើកវគ្គហ្វឹកហ្វឺនពលទាហានថ្មីបំពេញឱ្យក្របខណ្ឌកងទ័ពជើងគោក
បុរសជនជាតិឥណ្ឌារត់ពន្ធពស់វែក ៤៧ក្បាលក្នុងវ៉ាលី ត្រូវបានចាប់ខ្លួននៅអាកាសយានដ្ឋាន Mumbai
៣៧ខេត្តនៅថៃ ជួបព្យុះមូសុង ក្នុងនោះ បាងកក ក៏រងឥទ្ធិពល
សម្តេចតេជោ ថ្លែងថានេះជាពេលដែលពលរដ្ឋកម្ពុជាគួរទទួលបានអាហារមានគុណភាពគ្មានជាតិគីមី
-
ព័ត៌មានជាតិ៥ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៤ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៦ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៦ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម១ សប្តាហ៍ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៥ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
សេចក្ដីជូនដំណឹង៣ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស