Connect with us

ព័ត៌មានជាតិ

សម្ដេចតេជោ ៖ ជប៉ុនបង្កើតរោងចក្រផ្គុំ និងដំឡើងរថយន្ត Toyota នៅកម្ពុជា គឺជាអ្វីដែលរាជរដ្ឋាភិបាល ចង់បានយូរហើយ

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា​ បានរំលឹកអំពីជំនួបរវាងសម្ដេច និងនាយករដ្ឋមន្ត្រីជប៉ុន កាលពីពេលថ្មីៗនេះ ដោយក្នុងជំនួបនោះ នាយករដ្ឋមន្រ្តីជប៉ុន លើកឡើងថា ក្រុមហ៊ុនជប៉ុន នឹងបង្កើតរោងចក្រផ្គុំ និងដំឡើងរថយន្ត Toyota នៅកម្ពុជា។ សម្ដេចតេជោនាយករដ្ឋមន្ត្រី បានថ្លែងថា ក្រុមហ៊ុនជប៉ុន បង្កើតរោងចក្រ Toyota នៅកម្ពុជា គឺជាអ្វីដែលរាជរដ្ឋាភិបាល ចង់បានយូរហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន បានថ្លែងក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដា នាព្រឹកថ្ងៃទី ៣ ខែតុលានេះថា សម្ដេច បានជួបសម្ដែងការគួរសមជាមួយលោក ហ្វូមីអូ គីស៊ីដា នាយករដ្ឋមន្រ្តីជប៉ុន នៅទីក្រុងតូក្យូ កាលពីថ្ងៃទី ២៨ ខែកញ្ញាកន្លងទៅនេះ។ ក្នុងជំនួបនេះ នាយករដ្ឋមន្រ្តីជប៉ុន បានលើកឡើងអំពីការបង្កើតរោងចក្រផ្គុំ និងដំឡើងរថយន្ត Toyota នៅកម្ពុជា ហើយស្នើឲ្យសម្ដេចតេជោ ជួយគាំទ្រផង។

សម្ដេចតេជោ ហ៊ុន សែន បានថ្លែងបន្តថា ការដែលក្រុមហ៊ុនជប៉ុនបង្កើតរោងចក្រផ្គុំ និងដំឡើងរថយន្ត Toyota នៅកម្ពុជា គឺជាអ្វីដែលរាជរដ្ឋាភិបាល ចង់បានយូរហើយ។ សម្ដេចតេជោ បន្ថែមទៀតថា «គាត់ (នាយករដ្ឋមន្រ្តីជប៉ុន) នឹងបង្កើតគេហៅថា ក្រុមហ៊ុន Toyota មកផលិតរថយន្តនៅកម្ពុជា សុំឲ្យឯកឧត្ដមគាំទ្រផង យើងអត់បានឆ្លើយអាចំណុចសំខាន់ហ្នឹ​ងទៅទៀត អាចំណុចហ្នឹងៗដែលយើងចង់បានយូរហើយ នៅតំបន់សេដ្ឋកិច្ចពិសេសភ្នំពេញ របស់ឧកញ៉ា គិត ម៉េង ​គ្រប់គ្រងឥឡូវ​»។

កាលពីចុងខែកញ្ញាកន្លងទៅនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បា​នជួបសម្ដែងការគួរសមជាមួយលោក ហ្វូមីអូ គីស៊ីដា នាយករដ្ឋមន្រ្តីជប៉ុន នៅទីក្រុងតូក្យូ ប្រទេសជប៉ុន។ នៅក្នុងជំនួបនេះ លោកនាយករដ្ឋមន្រ្តីជប៉ុន បានលើកឡើងអំពីការងារដែលប្រទេសទាំងពីរ ត្រូវធ្វើបន្តដើម្បីពង្រឹងកិច្ចសហប្រតិបត្តិការលើវិស័យសេដ្ឋកិច្ច ជាពិសេសក្រុមហ៊ុនរបស់ជប៉ុន នឹងបង្កើតរោងចក្រផ្គុំ និងដំឡើងរថយន្ត Toyota នៅកម្ពុជា។ ត្រង់ចំណុចនេះ លោក ហ្វូមីអូ គីស៊ីដា ក៏បានស្នើដល់រាជរដ្ឋាភិបាលកម្ពុជា បន្តជួយគាំទ្រដល់ក្រុមហ៊ុនជប៉ុន ដែលកំពុងធ្វើប្រតិបត្តិការធុរកិច្ចនៅកម្ពុជាផងដែរ។

សូមជម្រាបថា ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី ៨ ខែកញ្ញា ឆ្នាំ ២០២២កន្លងទៅនេះ បានប្រកាសអំពីការសម្រេចអនុម័ត លើគម្រោងវិនិយោគរបស់ក្រុមហ៊ុន Toyota Tsusho Manufacturing (Cambodia) Co., Ltd. លើគម្រោងបង្កើតរោងចក្រផ្គុំ និងដំឡើងរថយន្តតូយ៉ូតា នៅក្នុងប្រទេសកម្ពុជា។ គម្រោងវិនិយោគនេះ មានទុនវិនិយោគចំនួន ៣៦,៧លានដុល្លារអាមេរិក និងបង្កើតការងារបានចំនួនប្រមាណ ១៥០នាក់ ហើយមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ។

ចំណែកឯក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក ក៏បានជូនដំណឹងទៅលើទំព័រហ្វេសប៊ុករបស់ខ្លួនថា ក្រុមហ៊ុន Toyota Tsusho Manufacturing (Cambodia) Co., Ltd. ដែលជាក្រុមហ៊ុនថ្មីមួយត្រូវបានបង្កើតឡើងដោយ ក្រុមហ៊ុន Toyota Tsusho Corporation មកពីប្រទេសជប៉ុន បានសម្រេចជ្រើសរើសយក តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ជាទីតាំងនៃរោងចក្រ ផ្គុំនិងដំឡើងរថយន្តម៉ាក តូយ៉ូតា។ គម្រោងមួយនេះ នឹងក្លាយជាការកត់ត្រាក្នុងប្រវត្តិសាស្រ្តរបស់ក្រុមហ៊ុនមួយ បន្ថែមលើសមាជិកអ្នកវិនិយោគចំនួន ១០២ក្រុមហ៊ុន ដែលមានស្រាប់ក្នុងតំបន់៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៣ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៣ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៦ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៧ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម