Connect with us

សន្តិសុខសង្គម

ទឹកស្ទឹងព្រែកត្នោត​ហក់ឡើងខ្ពស់​បង្កឲ្យផ្ទះប្រជាពលរដ្ឋ​រងការលិច​ដោយសារទឹកជ្រាបតាមលូ

បានផុស

នៅ

​តាមប្រសាសន៍របស់លោក ជា សុខៃ ចៅសង្កាត់ចាក់អង្រែក្រោមបានឲ្យកម្ពុជាថ្មី​ដឹងនៅថ្ងៃទី ១៣ ខែតុលានេះថា មូលហេតុដែលតំបន់មួយចំនួន​ក្នុងភូមិសាស្ត្រសង្កាត់ចាក់អង្រែក្រោម​រងការលិចលង់គឺដោយសារទឹកស្ទឹងព្រែកត្នោតហក់ឡើងខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា សុខៃ បានបន្តថា ក្នុងរយៈពេល ៣ ថ្ងៃនេះ​សន្ទុះទឹកភ្លៀងក៏ដូចជាទឹក​ហូរពីលើ​ (កំពង់ស្ពឺ) ​បង្កឲ្យទឹកហូរមកស្ទឹងព្រែកត្នោតយ៉ាងគំហុកព្រមទាំងហក់ឡើងខ្លាំងផងធ្វើឲ្យលំនៅដ្ឋានរបស់បងប្អូនប្រជាពលរដ្ឋរស់នៅសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញរងការលិចលង់ ខណៈទឹកស្ទឹងហូរចូលមកប្រៀបពេញបឹង ហើយផ្ទៃទឹកបឹងដែលធ្លាប់តែទទួលទឹកចេញពីតាមបណ្តា​លូបង្ហូទឹកបែជាជ្រាបទឹកចូលតាមលូបង្កឲ្យលិចលង់ផ្ទះសម្បែងបងប្អូនប្រជាពលរដ្ឋទៀតផង។ ដូច្នេះទាល់តែទឹកស្ទឹងព្រែកត្នោតបានស្រក ទើបទឹកហូចូលលូបានដូចមុននោះទឹកតាមផ្ទះប្រជាពលរដ្ឋបានស្រក។

លោក ជា សុខៃ បានបញ្ជាក់ទៀតថា កន្លងមករាល់ពេលទឹកភ្លៀងបង្កឲ្យលិចលង់ផ្ទះសម្បែងប្រជាពលរដ្ឋក្នុងសង្កាត់ចាក់អង្រែក្រោមគឺលោកបានជួលគ្រឿងចក្រអេស្កាទៅជីកជាប្រឡាយបង្ហូទឹកឲ្យចូលទៅបឹង។ លុះដល់ទឹកបឹងឡើងខ្លាំងពេកទើបអាជ្ញាធរមិនដឹងរកមធ្យោបាយបង្ហូរទឹកចេញបាន។

មិនថាតែទឹកដីសង្កាត់ចាក់អង្រែក្រោមសូម្បីសង្កាត់ចាក់អង្រែដែលមានភូមិសាស្រ្តក្បែគ្នាក៏រងការលិចលង់ផងដែរ ខណៈដែលទឹកភ្លៀងធ្លាក់ខ្លាំងប្រមាណជា៦ថ្ងៃនេះ៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម