ព័ត៌មានជាតិ
អាជ្ញាធរក្រុងប៉ោយប៉ែត បួងសួង ដើម្បីបញ្ចៀសគ្រោះថ្នាក់ចរាចរណ៍នៅឆ្នាំ២០២១
រដ្ឋបាលក្រុងប៉ោយប៉ែត នគរបាលផែនការពារព្រំដែន ផែនសណ្តាប់ធ្នាប់ នៃស្នងការដ្ឋាន នគរបាល ខេត្តបន្ទាយមានជ័យ និង អធិការដ្ឋាន ក្រុងប៉ោយប៉ែត ព្រមទាំងអ្នកពាក់ព័ន្ធ ប្រជាពលរដ្ឋបានធ្វើ ពិធីជំនឿសាសនា បួងសួង សុំសេចក្តីសុខ ចម្រើន ជោគជ័យ សេរីសួស្តី ពិសេសសុវត្ថិភាពចរាចរណ៍ផ្លូវគោកនៅឆ្នាំ២០២១ ខាងមុខនេះ តទៅទៀតនៅព្រឹកថ្ងៃទី៣១ ខែ ធ្នូ ឆ្នាំ២០២០ នៅតាមផ្លូវសាធារណៈ។
ដោយមានការចូលរួមពី លោក ឧត្តមសេនីយ៍ត្រី អ៊ុ សុផល ស្នងការរងទទួលផែននគរបាលការពារព្រំដែន នៃស្នងការដ្ឋាននគរបាលខេត្តបន្ទាយមានជ័យ លោក គាត ហ៊ុល អភិបាលក្រុងប៉ោយប៉ែត លោកវរសេនីយ៍ សៅ សារឿន អធិការនគរបាលនៃក្រុងប៉ោយប៉ែត លោកឧកញ៉ា ឡាច ប៊ុនលីម តំណាងកាកបាទក្រហមខេត្តបន្ទាយមានជ័យនិង មន្ត្រីរាជការ កងកម្លាំង ពលរដ្ឋជាច្រើននាក់។ លោក គាល ហ៊ុល អភិបាលក្រុងប៉ោយប៉ែត បានឲ្យដឹងថា ពិធីនេះបាន រៀបចំ និមន្ត ព្រះសង្ឃ២១អង្គ ធ្វើពិធីសូត្រមន្តប្រោសព្រំ ដើម្បីឧទ្ទិសកុសលជូនដល់វិញ្ញាណខន្ធ នៃ បុព្វការីជន មានជីដូនជីតា មាតាបិតា អ្នកមានគុណ ញាតិកាទាំង៧សន្តាន ញាតិមិត្តព្រមទាំង ជនរងគ្រោះទាំងឡាយ ដែលបានបាត់បង់ជីវិត ដោយគ្រោះថ្នាក់ចរាចរណ៍ ដោយគ្រោះថ្នាក់ឧបទ្ទវហេតុនានា គឺសូត្រដេញឧបទ្រពចង្រៃ ដេញគ្រោះកាច គ្រោះភ័យចេញទៅ និងនាំមកវិញ នៅសុខសិរី បវរមហាប្រសើរ មានលាភ មានយស មានជោគ មានជ័យ មានសុវត្ថិភាព តាម ដងផ្លូវ និងទីកន្លែងទាំងឡាយ។
លោកឧត្តមសេនីយ៍ត្រី អ៊ុ សុផល ព្រមទាំងពុទ្ធបរិស័ទ ក៏បានរាប់បាត្រ និងប្រគេននូវទេយ្យទាន ដល់ព្រះសង្ឃ ដែលនិមន្តមកពីវត្តនានាទាំង២១ ក្នុងក្រុងប៉ោយប៉ែត។ ទាក់ទិននឹងស្ថានភាពគ្រោះថ្នាក់ចរាចរណ៍ផ្លូវគោកឆ្នាំ២០២០នេះ នគរបាលចរាចរណ៍ ផ្លូវគោកបានឲ្យដឹងថា ក្នុងឆ្នាំ ២០២០កន្លងមក គ្រោះថ្នាក់ចរាចរណ៍ក្នុងខេត្តនេះ មានចំនួន៨១ករណី លើ១៩៦ករណី បើប្រៀបធៀបនឹងឆ្នាំ២០១៩ គឺថយចុះ១១៥ករណី ហើយគ្រោះថ្នាក់បណ្តាលឲ្យស្លាប់មនុស្ស៧០នាក់. ស្រី១៤នាក់ លើ១៣៤នាក់. ស្រី៣១នាក់ ថយចុះ៦៤នាក់ របួសធ្ងន់៦៤នាក់ស្រី២០នាក់ . លើ១៥៦នាក់ ស្រី៣៣នាក់ ថយចុះ៩២នាក់ របួសស្រាល៤៤នាក់.ស្រី១៣នាក់ លើ១២៧នាក់. ស្រី៣៩នាក់ ថយចុះ៨៣នាក់។ ផ្នែកសម្ភារៈ ម៉ូតូខូចធ្ងន់៤៦គ្រឿងលើ១១៨គ្រឿង ថយចុះ៧២គ្រឿង ម៉ូតូខូចស្រាល២១គ្រឿង លើ៩២គ្រឿង ថយចុះ៧១គ្រឿង រថយន្តខូចធ្ងន់ ៣៥គ្រឿងលើ៤៧គ្រឿង ថយចុះ១២គ្រឿងរថយន្តតូចខូចស្រាល១៦គ្រឿង លើ៤៦គ្រឿង ថយចុះ៣០គ្រឿង រថយន្តធំខូចធ្ងន់៩គ្រឿង លើ១០គ្រឿង ថយចុះ១គ្រឿង រថយន្តធំខូចស្រាល១១គ្រឿង លើ២៣គ្រឿង ថយចុះ១២គ្រឿង នេះបើប្រៀបធៀបនឹងឆ្នាំ២០១៩ កន្លងមក ។ ជាការកត់សម្គាល់ គឺចំនួនគ្រោះថ្នាក់ចរាចរណ៍ឆ្នាំ២០២០ បានថយចុះជាងឆ្នាំណាទាំងអស់ បើប្រៀបធៀបនឹង៥ឆ្នាំចុងក្រោយខេត្តរឹតបន្តឹងការអនុវត្តច្បាប់ចរាចរណ៍ថ្មី ហើយមូលហេតុ នៃគ្រោះថ្នាក់មកពី កត្តា មនុស្សច្រើនករណីជាងគេ៕
អត្ថបទ៖ វ៉ាន់ ណាង
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)