លោកជំទាវ ម៉ែន សំអន បួងសួងសុំសេចក្តីសុខ សេចក្តីចម្រើនជូនប្រទេសជាតិ និងប្រមុខដឹកនាំកម្ពុជា នៅប្រាសាទកោះកេរ្តិ៍

លោកជំទាវ ម៉ែន សំអន ឧបនាយករដ្ឋមន្រី្ត រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានប្រារព្ធពិធីអុជធូបថ្វាយគ្រឿងសក្ការៈ និងបួងសួងសុំសេចក្តីសុខ សេចក្តីចម្រើនជូនប្រទេសជាតិ និងប្រមុខដឹកនាំប្រទេសកម្ពុជា នៅប្រាសទកោះកេរ្តិ៍​ដែលមានទីតាំងស្ថិតនៅភូមិស្រយង់ ឃុំស្រយង់ ស្រុកគូលែន ខេត្តសៀមរាប កាលពីព្រឹកថ្ងៃ ១៥ ខែធ្នូ ឆ្នាំ ២០២២។

លោកជំទាវ ក៏បានជួបសំណេះសំណាលជាមួយ​អាជីវករ​ ឆ្មាំប្រាសាទ អ្នកមគ្គុទ្ទេសទេសចរណ៍ បុគ្គលិក​ជួសជុល និងថែទាំប្រាសាទ បុគ្គលិកបេតីកភណ្ឌពិភពលោកប្រចាំនៅតំបន់អង្គរ បុគ្គលិករបស់អាជ្ញាធរ អប្សារាប្រចាំនៅតំបន់អង្គរ បងប្អូនប្រជាពលរដ្ឋ ក្មួយៗកុមារា កុមារី កងកម្លាំងប្រដាប់អាវុធផ្នែកការពារសន្តិសុខ សណ្តាប់ធ្នាប់ប្រចាំការនៅតំបន់នោះ និងបានផ្តាំផ្ញើឲ្យប្រជាពរដ្ឋទាំងអស់ ត្រូវចេះថែទាំសុខភាព​ និងគោរពឲ្យបានតាមវិធានការណ៍​ ៣ការពារ​ និង ៣កុំ​ ដើម្បីជៀសផុតពីជំងឺឆ្លងផ្សេងៗ​។

ជាមួយគ្នានេះ លោកជំទាវ ម៉ែន សំអន ក៏បានបួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី សម្តេចម៉ែ សម្តេចយាយ សម្តេចយាយទួត និងគោរពប្រគេនពរដល់ព្រះសង្ឃគ្រប់ព្រះអង្គ និងគោរពជូនពរសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ថ្នាក់ដឹកនាំសមាជិក-សមាជិកា ព្រឹទ្ធសភា-រដ្ឋសភា ព្រមទាំងប្រជាពលរដ្ឋនៅទូទាំងប្រទេស សូមឲ្យជួបសេចក្តីសុខ សន្តិភាព និងសេចក្តីចម្រើនគ្រប់ៗគ្នា ជាពិសេសសូមឲ្យប្រទេសជាតិរួចផុតពីជំងឺដង្កាត់ គ្រោះកាចចង្រៃ ជៀសផុតពីគ្រោះរាំងស្ងួត និងសម្បូរសប្បាយជានិច្ចនិរន្ត៕

អត្ថបទ៖ វិមាន