ព័ត៌មានជាតិ
ជិត ១ខែ ត្រួតពិនិត្យទីតាំងសង្ស័យលេងល្បែងខុសច្បាប់ជាង ១ម៉ឺនទីតាំង និងបញ្ជូនមនុស្សជាង ២០០នាក់ទៅតុលាការ
លោកឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានឲ្យដឹងថា យុទ្ធនាការបង្រ្កាបទីតាំងល្បែងស៊ីសងខុសច្បាប់ នៅទូទាំងប្រទេស រយៈពេលជិត ១ខែកន្លងមកនេះ សមត្ថកិច្ចបានត្រួតពិនិត្យទីតាំងដែលសង្ស័យជាង ១ម៉ឺនទីតាំង និងបានបញ្ជូនមនុស្សជាង ២០០នាក់ ទៅតុលាការ។
លោកឧត្តមសេនីយ៍ឯក ឆាយ គឹមខឿន មានប្រសាសន៍ក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងមហាផ្ទៃ” នាព្រឹកថ្ងៃទី ១៤ ខែតុលានេះថា សមត្ថកិច្ច បានត្រួតពិនិត្យទីតាំងដែលសង្ស័យ លេងល្បែងស៊ីសងខុសច្បាប់ជាង ១ម៉ឺនទីតាំងនៅទូទាំងប្រទេស ដោយអនុវត្តច្បាប់ចំនួន ១២៧ទីតាំងនៅ ១១រាជធានី-ខេត្ត ហើយបញ្ជូនមនុស្សទៅតុលាការចំនួន ២៧៣នាក់។
លោកបានថ្លែងយ៉ាងដូច្នេះថា «យើងគិតពី ១៥ ខែ ៩ ដល់ថ្ងៃ ១៣ម្សិលមិញនេះ យើងបានចុះត្រួតពិនិត្យទីតាំងដែលសង្ស័យចំនួនជាង ១ម៉ឺនទីតាំង លើ ២៥រាជធានី-ខេត្ត ក្នុងនោះ យើងបានអនុវត្តវិធានការច្បាប់លើ ១២៧ទីតាំង លើ ១១រាជធានី-ខេត្ត ហើយយើងប្រមូលភស្ដុតាងបញ្ជូនទៅតុលាការ កសាងសំណុំរឿងទៅតុលាការមនុស្ស ២៧៣នាក់ ក្នុងនោះ មានជនបរទេស ៥៦នាក់ ១១សញ្ជាតិ»។
អ្នកនាំពាក្យអគ្គស្នងការដ្ឋាននគរបាលជាតិ មានប្រសាសន៍បន្តថា ចំពោះទីតាំងផ្សេងទៀត គឺជាទីតាំងដែលសង្ស័យថា មានតម្រុងលេងល្បែងស៊ីសងខុសច្បាប់ប៉ុណ្ណោះ ដោយមិនមានភស្ដុតាងជាក់ស្ដែង ដើម្បីកសាងសំណុំរឿងបញ្ជូនទៅតុលាការឡើយ។ យ៉ាងណាក៏ដោយ សមត្ថកិច្ចបានអប់រំណែនាំ និងធ្វើកិច្ចសន្យាថា បើសិនជាមានលេងល្បែងស៊ីសងខុសច្បាប់ នឹងត្រូវអនុវត្តវិធានច្បាប់មិនខានឡើយ។
សូមជម្រាបថា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី ១៦ ខែកញ្ញា ឆ្នាំ ២០២២ បានចេញសេចក្ដីសម្រេច ស្ដីពី ការបង្កើតក្រុមការងារបង្រ្កាប ការលេងល្បែងស៊ីសងខុសច្បាប់គ្រប់ប្រភេទ។ ក្រុមការងារនេះ មានលោក សុខ ផល រដ្ឋលេខាធិការក្រសួងមហាផ្ទៃ ជាប្រធាន។
បន្ទាប់ពីរាជរដ្ឋាភិបាល សម្រេចបង្កើតក្រុមការងារខាងលើនេះមក អាជ្ញាធរមានសមត្ថកិច្ចនៅទូទាំងប្រទេស បានចាប់ផ្ដើមចុះបង្រ្កាបទីតាំង លេងល្បែងស៊ីសងខុសច្បាប់គ្រប់ប្រភេទ ក្នុងមូលដ្ឋានរៀងៗខ្លួន ដោយបានរកឃើញទីតាំង លេងល្បែងខុសច្បាប់ជាច្រើនរយទីតាំង ហើយក៏បានឃាត់មនុស្សមួយចំនួន ដើម្បីបន្តនីតិវិធីច្បាប់ផងដែរ។
សម្ដេចតេជោ ហ៊ុន សែន កាលពីថ្ងៃទី ២៩ ខែកញ្ញាកន្លងទៅនេះ ក៏បានណែនាំបន្ថែមឲ្យអាជ្ញាធរមានសមត្ថកិច្ច នៅពេលចុះបង្ក្រាបទីតាំងលេងល្បែងខុសច្បាប់ ត្រូវរកឲ្យឃើញនូវមេខ្លោងធំ ពីព្រោះនេះទើបជាគោលដៅពិតប្រាកដ របស់រាជរដ្ឋាភិបាល៕
អត្ថបទ៖ ឃួន សុភ័ក្រ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ