ព័ត៌មានជាតិ
សមាជិកក្រុមប្រឹក្សាឃុំ-សង្កាត់មកពីបក្សភ្លើងទៀន ចេញសេចក្ដីថ្លែងការណ៍ជាបន្តបន្ទាប់ ថ្កោលទោសទណ្ឌិត សម រង្ស៊ី
មន្ត្រីថ្នាក់មូលដ្ឋានរបស់គណបក្សភ្លើងទៀន ដែលជាសមាជិកក្រុមប្រឹក្សាឃុំ-សង្កាត់ បានចេញសេចក្ដីថ្លែងការណ៍ជាបន្តបន្ទាប់ ដោយថ្កោលទោសយ៉ាងដាច់អហង្ការបំផុត ចំពោះលោក សម រង្ស៊ី ដែលជាទណ្ឌិត និងជាជនក្បត់ជាតិ ដែលបានបន្តប្រមាថព្រះចេស្ដា អង្គព្រះមហាក្សត្រ។ ក្នុងនោះ សមាជិកក្រុមប្រឹក្សាឃុំ-សង្កាត់មកពីគណបក្សភ្លើងទាំងនោះ ក៏បានស្នើឲ្យស្ថាប័ន និងអាជ្ញាធរមានសមត្ថកិច្ចទាំងអស់ ចាត់វិធានការទៅលើអតីតមេបក្សប្រឆាំង សម រង្ស៊ី នេះផងដែរ។
![](https://www.kampucheathmey.com/wp-content/uploads/2022/10/00-1024x768.jpg)
ប្រតិកម្មថ្កោលទោស ចេញពីមន្ត្រីថ្នាក់មូលដ្ឋានរបស់គណបក្សភ្លើងទៀន ធ្លាក់មកជាបន្តបន្ទាប់យ៉ាងដូច្នេះ ក្រោយពីសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងពិធីចែកពូជស្រូវជូនប្រជាកសិករនៅខេត្តកំពង់ឆ្នាំង កាលពីព្រឹកថ្ងៃទី ២៦ ខែតុលា ឆ្នាំ ២០២២ បានអំពាវនាវឲ្យសមាជិកក្រុមប្រឹក្សាឃុំ-សង្កាត់ នៃគណបក្សភ្លើងទៀន ចេញមកថ្កោលទោសទង្វើរបស់ទណ្ឌិត សម រង្ស៉ី ដែលបន្តប្រមាថព្រះចេស្ដា អង្គព្រះមហាក្សត្រ ហើយកុំបារម្ភខ្លាចរឿងបក្សដកតំណែង នោះឡើយ។
![](https://www.kampucheathmey.com/wp-content/uploads/2022/10/006-5-1024x768.jpg)
នៅព្រឹកថ្ងៃទី ២៧ ខែតុលានេះ គណបក្សភ្លើងទៀន ក៏បានសេចក្ដីថ្លែងការណ៍មួយ ដោយបានបញ្ជាក់នូវជំហររបស់ខ្លួនថា គណបក្សភ្លើងទៀន គោរពនូវព្រះរាជតួនាទីដ៏ខ្ពង់ខ្ពស់ នៃអង្គព្រះមហាក្សត្រ ដែលមានចែងក្នុងរដ្ឋធម្មនុញ្ញ ដែលជាច្បាប់កំពូល នៃព្រះរាជាណាចក្រកម្ពុជា។
ក្នុងនោះ គណបក្សភ្លើងទៀន ក៏បានថ្កោលទោសចំពោះបុគ្គលទាំងឡាយណា ដែលមានចេតនាប្រមាថ ឬរំលោភបំពាន ដល់អង្គព្រះមហាក្សត្រ និងរបបរាជានិយមអាស្រ័យរដ្ឋធម្មនុញ្ញ ដែលត្រូវបានការពារដោយរដ្ឋធម្មនុញ្ញ នៃព្រះរាជា ណាចក្រកម្ពុជា។ គណបក្សមួយនេះ ក៏បានប្រកាសបដិសេធថា មិនមានទំនាក់ទំនងជាមួយលោក សម រង្ស៊ី ដែលជាទណ្ឌិតកំពុងរត់គេចខ្លួននៅក្រៅប្រទេសនោះដែរ។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានកោតសរសើរ និងអរគុណថ្នាក់ដឹកនាំរបស់គណបក្សភ្លើងទៀន ដែលបានចេញសេចក្ដីថ្លែងការណ៍ ថ្កោលទោសអ្នកទាំងឡាយណា ដែលមានចេតនាប្រមាថព្រះចេស្ដា អង្គព្រះមហាក្សត្រ តាមការស្នើសុំរបស់សម្ដេច។
សម្ដេចតេជោ ហ៊ុន សែន បានបង្ហោះសារនៅលើទំព័រហ្វេសប៊ុក នាព្រឹកថ្ងៃទី ២៧ ខែតុលានេះថា «ខ្ញុំសូមកោតសរសើរ និងថ្លែងអំណរគុណចំពោះថ្នាក់ដឹកនាំគណបក្សភ្លើងទៀន ដែលបានចេញសេចក្តីថ្លែងការថ្កោលទោសអ្នកទាំងឡាយណា ដែលមានចេតនាប្រមាថព្រះមហាក្សត្រ តាមការស្នើសុំរបស់ខ្ញុំកាលពីម្សិលមិញ ថ្ងៃ ២៦ តុលា ២០២២ នៅខេត្តកំពង់ឆ្នាំង»៕
អត្ថបទ៖ ឃួន សុភ័ក្រ
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ