ព័ត៌មានជាតិ
យុវវ័យយល់ថា ទម្លាប់ចោលសំរាមតាមទីសាធារណៈ បង្ហាញពីការធ្លាក់ចុះសីលធម៌រស់នៅ
បញ្ហាចោលសំរាមនៅតាមទីសាធារណៈ និងរមណីយដ្ឋាន នៅតែបន្តមានជាបញ្ហាចោទនៅក្នុងសង្គមជាតិ ដោយសារតែអ្នកមួយចំនួន ខ្វះការយល់ដឹងអំពីផលប៉ះពាល់ បង្កដោយទម្លាប់មិនល្អរបស់ខ្លួន។ និស្សិតស្រីនៃសាកលវិទ្យាល័យជាតិគ្រប់គ្រង មិត្ត រស្មុី លើកឡើងបែបនេះប្រាប់កម្ពុជាថ្មី។
តាមការយល់ឃើញរបស់និស្សិតវ័យ ២០ឆ្នាំរូបនេះ ការចោលសំរាមនៅតាមទីសាធារណៈ នឹងធ្វើឱ្យប្រទេសជាតិគ្មានសណ្ដាប់ធ្នាប់ បាត់បង់សោភ័ណភាព ប៉ះពាល់បរិស្ថាន និងគ្មានផាសុកភាព។ ប្អូនស្រីបន្តថា ទង្វើនេះ បានបង្ហាញពីការធ្លាក់ចុះនៃសីលធម៌រស់នៅមួយផងដែរ ដែលបង្កើតជាគំរូមិនល្អ។
ម៉្យាងវិញទៀត ប្អូនយល់ថា រាល់ពេលដែលមានភ្លៀងម្តងៗ សំរាមពាសវាលពាសកាលទាំងនោះ តែងតែជាមូលហេតុចម្បង ដែលមិនត្រឹមតែនាំឱ្យប្រព័ន្ធលូមានការកកស្ទះប៉ុណ្ណោះទេ កាកសំណល់ថែមទាំងជាប្រភពនៃក្លិនមិនល្អ ដែលបំពុលដល់បរិយាកាស និងធ្វើឱ្យអាចប៉ះពាល់ដល់សុខភាពទៀតផង។
ទន្ទឹមនឹងនេះ កញ្ញា អុិន ដូដូ អាយុ និស្សិតឆ្នាំទី៣ ផ្នែកច្បាប់ នៃសាកលវិទ្យាល័យភូមិន្ទនិតិសាស្ត្រ និងវិទ្យាសាស្ត្រសេដ្ឋកិច្ច បង្ហាញការយល់ឃើញដូចគ្នាដែរថា បច្ចុប្បន្នប្រទេសជាតិយើងមានការរីកចម្រើនក៏ពិតមែន ប៉ុន្តែការទុកដាក់សំរាម នៅតែជាបញ្ហាបន្តកើតមាននៅគ្រប់ទីកន្លែង ពិសេសតំបន់រមណីយដ្ឋាន។
និស្សិតរូបនេះ បន្ថែមថា ដោយសារតែការធ្លាក់ចុះនៃសីលធម៌រស់នៅរបស់អ្នកមួយចំនួន បានធ្វើឱ្យប៉ះពាល់ដល់បរិស្ថាន និងសោភ័ណ្ឌភាពមុខមាត់ប្រទេសជាតិយ៉ាងខ្លាំង ដោយនិយាយថា “បើសិនទេសចរបរទេស ឃើញទិដ្ឋភាពបែបនេះ នៅតាមទីសាធារណៈ ទី១ គេនឹងមាក់ងាយដល់ប្រទេសជាតិយើង ហើយបន្ទាប់មក គេនឹងមិនមកកាន់តំបន់នោះម្តងទៀតទេ” ។
បើលើកឡើងពីតំបន់រមណីយដ្ឋានវិញ រស្មុី និយាយថា នៅតាមកន្លែងកម្សាន្ត ឬតំបន់រមណីយដ្ឋានមួយចំនួន បានក្លាយជាកន្លែងមិនគួរទៅកម្សាន្តទាល់តែសោះ ក៏ព្រោះអ្នកមួយចំនួនខ្វះការយល់ដឹងពីផលប៉ះពាល់នៃទុកដាក់សំរាម ជាហេតុធ្វើឱ្យកន្លែងនោះមានសោភ័ណភាពមិនល្អ។ ប្អូនស្រីយល់ឃើញថា កត្តានេះនឹង មិនត្រឹមតែបាត់បង់ទេសចរបរទេសប៉ុណ្ណោះទេ សូម្បីទេសចរក្នុងស្រុក ក៏ត្រូវបាត់បង់ផងដែរ ចំណែកឯបងប្អូនដែលប្រកបរបររំពឹងលើទេសចរនឹងបាត់បង់ចំណូលដូចគ្នា ហើយកាលណាគ្មានភ្ញៀវទេសចរណ៌ នឹងប៉ះពាល់ដល់ចំណូលថវិកាជាតិមួយចំណែកដែរ។
កញ្ញា រស្មុី គូសបញ្ជាក់បរិស្ថានល្អជាកាតាព្វកិច្ចពលរដ្ឋគ្រប់រូប ដូច្នេះគួរគប្បីរួមចំណែកការពារបរិស្ថានឲ្យបានល្អ។ ជាក់ស្តែង បើក្រឡេកមើលពីការរៀបចំសណ្តាប់ធ្នាប់ទីក្រុង និងរមណីយដ្ឋាននានា សុទ្ធសឹងតែកន្លែងចោលសំរាមយ៉ាងត្រឹមត្រូវ ដូច្នេះក្នុងនាមជាម្ចាស់ស្រុកមួយរូបដែរ ត្រូវរួមចំណែករក្សាបរិស្ថាន ពិសេសវិចខ្ចប់សំរាមឱ្យបានត្រឹមត្រូវ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ