ព័ត៌មានជាតិ

អនុប្រធានការិយាល័យនីតិកម្មមន្ត្រីសាលាស្រុកលើកដែក និងបក្សពួក ត្រូវតុលាការខេត្តកណ្តាលសម្រេចឃុំខ្លួន ដាក់ពន្ធនាគារបណ្តោះអាសន្ន

បានផុស

៣ years មុន

នៅ

ថ្ងៃសៅរ៍ ២៩ តុលា ២០២២

ដោយ

កណ្តាល ៖ នៅល្ងាចថ្ងៃទី២៩ ខែតុលា ឆ្នាំ២០២២ អ្នកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួនអនុប្រធានការិយាល័យនីតិកម្មមន្ត្រីសាលាស្រុកលើកដែក និងបក្សពួកជាជនជាតិវៀតណាម ដាក់ពន្ធនាគារបណ្តោះអាសន្នក្រោមការចោទប្រកាន់ពីបទ “ការទិញពេស្យាចារកុមារ ” តាមមាត្រា៣៤ កថាខណ្ឌ២ នៃច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដែលប្រព្រឹត្តនៅថ្ងៃទី២៥ ខែតុលា ឆ្នាំ២០២២ វេលាម៉ោង ១១និង១០ នាទី នៅភូមិអំពិល ឃុំកំពង់ភ្នំ ស្រុកលើកដែក ខេត្តកណ្តាល ។

ជនរងគ្រោះឈ្មោះ រ៉េត ស្រីវីន ភេទ ស្រី អាយុ១៤ឆ្នាំ នៅភូមិអំពិល ឃុំ កំពង់ភ្នំ ស្រុកលើកដែក ខេត្តកណ្តាល។

ជនត្រូវចោទទី១ឈ្មោះ ម៉ន សិលា ភេទប្រុស អាយុ ៣៥ មុខរបរអនុប្រធានការិយាល័យនីតិកម្មមន្ត្រីសាលាស្រុកលើកដែក មានទីលំនៅភូមិអំពើទឹក ឃុំកំពង់ភ្នំ ស្រុកលើកដែក ខេត្តកណ្ដាល ទី២ឈ្មោះ អ៊ុក ទឹង ភេទប្រុស អាយុ៣៦ឆ្នាំ ជនជាតិវៀតណាម មុខរបរលក់ដូរទីលំនៅភូមិកំពង់ចម្លង ឃុំព្រែកទន្លាប់ស្រុកលើកដែក ខេត្តកណ្តាល។

បើតាមរបាយការណ៍របស់សមត្ថកិច្ចស្រុកលើកដែលបានអោយដឹងថា នៅប្រហែលថ្ងៃទី០៧ ខែតុលា ឆ្នាំ ២០២២ ឈ្មោះ រតនា ស្រីនាថ បានបបួលក្មេងស្រីរងគ្រោះទៅញ៉ាំអីជាមួយពូឈ្មោះ សិលា នៅត្រើយខាងកើតក្នុងហាងឈ្មោះ អមតៈ ហើយស្រីនាថនិងឈ្មោះសិលាបានបង្ខំក្មេងស្រីរងគ្រោះអោយផឹកស្រាបៀររហូតដល់ស្រវឹងហើយនិយាយប្រាប់ក្មេងស្រីរងគ្រោះថា នឹងជូនត្រឡប់មកផ្ទះវិញ។ តែបែរជាជូនក្មេងស្រីរងគ្រោះចូលផ្ទះសំណាក់ឈ្មោះ វិសាល រង្សី នៅភូមិអំពិលទឹក ឃុំកំពង់ភ្នំ ហើយឈ្មោះសិលាបានគ្រៀកក្មេងស្រីរងគ្រោះចូលបន្ទប់ហើយឈ្មោះសិលាបានផ្ដួលក្មេងស្រីរងគ្រោះទៅលើពូកនិងធ្វើសកម្មភាពរំលោភលើរូបក្មេងស្រីរងគ្រោះរហូតទាល់តែបានសម្រេចតែម្ដង។

បន្ទាប់មកប្រហែលជា ០២ទៅ ០៣ ថ្ងៃក្រោយមកឈ្មោះសិលាក៏បានហៅទូរសព្ទមកស្រីនាថឱ្យបបួលស្រីនាថនិងក្មេងស្រីរងគ្រោះទៅផឹកស្រាបៀរនៅហាង អមតៈ បន្ទាប់មកឈ្មោះសិលាក៏ជូនក្មេងស្រីរងគ្រោះទៅផ្ទះរបស់គាត់ដោយបម្រុងចាប់រំលោភក្មេងស្រីរងគ្រោះម្ដងទៀតតែក្មេងស្រីរងគ្រោះបានរត់ពួនក្រោមសាឡុងពេលនោះឈ្មោះ សិលាក៏ងាកទៅរកស្រីនាថវិញដោយស្រីនាថយល់ព្រមជាមួយឈ្មោះសិលាហើយឈ្មោះសិលាបានជូនក្មេងស្រីរងគ្រោះត្រឡប់ទៅផ្ទះស្រីនាថវិញនៅម៉ោងប្រហែល ០៣ ទៀបភ្លឺ។ ប្រហែលមួយសប្តាហ៍ក្រោយមកស្រីនាថបានបបួលក្មេងស្រីរងគ្រោះថាទៅភ្នំពេញដើម្បីរកការងារធ្វើតែស្រីនាថនិយាយថា ទៅហាងផឹកស្ពាយសិនទៅបន្ទាប់ពីផឹកអស់ ០២ ដបក្មេងស្រីរងគ្រោះមានអារម្មណ៍ថាវិលមុខហើយឈ្មោះសិលាក៏ជូនទៅម្ដុំរង្វង់មូលត្រើយខាងកើតដោយក្មេងស្រីរងគ្រោះមើលទៅដូចជាផ្ទះសំណាក់ពេលនោះឈ្មោះ ទឹង បាននាំក្មេងស្រីរងគ្រោះចូលក្នុងបន្ទប់ហើយនិយាយថា សុំមួយសុំមួយតែក្មេងស្រីរងគ្រោះមិនព្រមរួចឈ្មោះ ទឹង ក៏បានចាប់បង្ខំនិងរំលោភក្មេងស្រីរងគ្រោះរហូតទាល់តែបានសម្រេចតែម្ដង៕

ដោយ ៖ ឆៃ យ៉ា