Connect with us

ព័ត៌មានជាតិ

ពលរដ្ឋខណ្ឌដង្កោស្នើអាជ្ញាធរជួសជុលហេដ្ឋារចនាសម្ព័ន្ធ និងបង់ថ្លៃសេវាសំរាមជាលុយខ្មែរ

បានផុស

នៅ

ភ្នំពេញ៖ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ នៅបរិវេណសាលាខណ្ឌដង្កោ នៅព្រឹកថ្ងៃទី០១ វិច្ឆិកានេះ ប្រជាពលរដ្ឋបានស្នើ ដល់អាជ្ញាធរពាក់ព័ន្ធ ជួយជួសជុលហេដ្ឋារចនាសម្ព័ន្ធនានា នៅក្នុងមូលដ្ឋាន និងស្នើសុំប្តូរការបង់សេវាថ្លៃសំរាម ពីប្រាក់ដុល្លារមកជាលុយខ្មែរវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

 វេទិកានេះធ្វើឡើងក្រោមវត្តមានលោក ម៉ប់ សារិន ប្រធានក្រុមប្រឹក្សារាជធានីភ្នំពេញ និងលោក ស៊ុយ សេរិទ្ធ អភិបាលរងរាជធានី តំណាងលោក ឃួង ស្រេង អភិបាលរាជធានីភ្នំពេញ។

វេទិកានេះប្រជាពលរដ្ឋបានលើកឡើងជាសំណួរ និងសំណើរផ្ទាល់មាត់ជាច្រើន ដូចជា ការស្នើអាជ្ញាធរជួយស្ថាបនាផ្លូវ លូ តបណ្តាញទឹកស្អាត បំពាក់ភ្លើងបំភ្លឺសាធារណៈ ការស្នើសុំប្តូរការបង់ប្រាក់ថ្លៃសំរាមជាដុល្លារមកជាលុយខ្មែរវិញ និងការសុំបង្កើតអនុវិទ្យាល័យបន្ថែមនៅសង្កាត់ព្រៃស ស្នើសុំតែងតាំងនាយកវិទ្យាល័យ១រូបនៅវិទ្យាល័យហ៊ុន សែនព្រែកកំពឹស ខណៈវិទ្យាល័យនេះមិនមាននាយកសាលាជាយូរមកហើយ។

លោកស្រី គឹម ញឹប អភិបាលខណ្ឌដង្កោ បានមានប្រសាសន៍ថា ការជួលជុលហេដ្ឋារចនាសម្ព័ន្ធនានា នៅក្នុងមូលដ្ឋាន នាប៉ុន្មានឆ្នាំនេះ ពិតជាមានបញ្ហាមួយចំនួន ព្រោះតែគម្រោងខ្លះត្រូវខកខានឬពន្យារពេល ដោយបញ្ហាសារជំងឺកូវីដ-១៩ តែរាល់សំណើរ និងសំណូមពរខ្លះរបស់ពលរដ្ឋ មានមួយចំនួន គឺស្ថិតនៅក្នុងគម្រោងអភិវឌ្ឍន៍ខណ្ឌសង្កាត់រួចហើយ ។ ចំណែកសំណើររបស់ពលរដ្ឋ នៅក្រៅគម្រោងអាជ្ញាធរ នឹងយកទៅដាក់នៅក្នុងគម្រោងអភិវឌ្ឍន៍មូលដ្ឋានខណ្ឌ សង្កាត់នៅឆ្នាំបន្តបន្ទាប់ទៀត ពោលគឺរាល់សំណើរ សំណូមពររបស់ប្រជាពលរដ្ឋ ត្រូវតែដោះស្រាយជូនមិន​អាចទុកចោលនោះទេ។

ចំពោះការស្នើសុំប្តូរការបង់ប្រាក់ថ្លៃសំរាមជាដុល្លារ មកជាលុយខ្មែរវិញនោះ លោក ស៊ុយ សេរិទ្ធ បានបញ្ជាក់ថា ក្រុមហ៊ុនប្រមូលសំរាមទាំង៣ គឺសុទ្ធតែមានភាគហ៊ុនធំមកពីបរទេស ដែលក្រុមហ៊ុនទាំងនោះ តម្រូវឱ្យបង់ប្រាក់​ជាដុល្លារ។ ប៉ុន្តែទោះបីជាយ៉ាងណាក្តី សំណើរនេះ រដ្ឋបាលរាជធានីភ្នំពេញ និងប្រជុំពិភាក្សាជាមួយ​ធនាគារជាតិ​បន្តទៀត។

ចំពោះការសំណើរសុំបង្កើតអនុវិទ្យាល័យបន្ថែម នៅសង្កាត់ព្រៃស ត្រូវបានលោក ម៉ប់ សារិន បញ្ជាក់ថា សំណើរនេះ​ត្រូវការចាយលុយច្រើនណាស់ ទាំងទៅលើការទិញដី សាងសង់អគារជាដើម ។ តែទោះជាយ៉ាងអាជ្ញាធរ នឹងពិនិត្យ​លទ្ធភាព មើលទៅលើសាលាមឋមសិក្សានៅក្នុងសង្កាត់នេះ ថាតើអាចយកមួយចំណែក​ណានៃសាលាបឋម​សិក្សានោះ បង្កើតជាអនុវិទ្យាល័យបានឬយ៉ាងណា។ ចំណែកការស្នើសុំតែងតាំងនាយកវិទ្យាល័យ១រូប នៅវិទ្យាល័យហ៊ុន សែនព្រែកកំពឹស នឹងពិនិត្យពិភាក្សាជ្រើសជ្រើសនៅពេលឆាប់ៗនេះ។

ចំពោះការស្នើសុំតបណ្តាញទឹកស្អាត ខាងមន្ត្រីរដ្ឋាករទឹកស្វយ័តក្រុងភ្នំពេញបញ្ជាក់ដែរថា ការផ្គត់ផ្គង់ទឹកស្អាត រដ្ឋាករទឹក​ស្វយ័តក្រុងភ្នំពេញនៅមានការខ្វះខាត ព្រោះតែរាជធានីភ្នំពេញ អភិវឌ្ឍន៍លឿនពេក គម្រោងតាមមិនទាន់។ ប៉ុន្តែទោះជាយ៉ាងណារដ្ឋាករទឹកស្វយ័តក្រុងភ្នំពេញ នឹងពិនិត្យលទ្ធភាពតបណ្តាញទឹកជូនបងប្អូន ពោលគឺ បើមានបំពង់មេហើយ សូមបងប្អូនរួសរាន់ធ្វើសំណើរមករដ្ឋាករទឹកស្វយ័តក្រុងភ្នំពេញឱ្យបានលឿន ដើម្បីឱ្យក្រុមការងារចុះពិនិត្យជាក់ស្តែង និងតជូន៕ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥៦ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ១ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម