ខែតុលាCDCអនុម័តគម្រោងវិនិយោគចំនួន​១១ មានទុនជាង៦០លានដុល្លារបង្កើតការងារជាង១២០០០កន្លែង

នៅក្នុងខែតុលា ឆ្នាំ២០២២នេះ ក្រុមប្រឹក្សាអភិវឌ្ឍន៍កម្ពុជា ដែលហៅកាត់ថា CDC បានអនុម័តគម្រោងវិនិយោគចំនួន១១ ដែលមានទុនប្រមាណ៦០.៤៨លានដុល្លារអាមេរិកដោយបង្កើតការងារជូនប្រជាពលរដ្ឋចំនួន១២៥៧០កន្លែង។

យោងតាមរបាយការណ៍ប្រចាំថ្ងៃរបស់ក្រុមប្រឹក្សាអភិវឌ្ឍន៍កម្ពុជា បានឱ្យដឹងថា ចំនួនគម្រោងវិនិយោគនេះមានការថយចុះបើប្រៀបធៀបទៅនឹងខែកញ្ញ ឆ្នាំ២០២២ដែលមានចំនួន២១គម្រោង មានទុនវិនិយោគជាង១៣០លានដុល្លារអាមេរិកដោយបង្កើតការងារជូនដល់ប្រជាពលរដ្ឋចំនួន៣៤៨៣៤កន្លែង។ ខែសីហា ឆ្នាំ២០២២មានចំនួន១៧គម្រោ​ងមានទុន​វិនិយោគ​ចំនួន២០៣លានដុល្លារអាមេរិកដោយផ្តល់ឱកាសការងារជូនដល់ប្រជាពលរដ្ឋចំនួន១១១៩៧នាក់។ ខែមិថុនា
ឆ្នាំ២០២២ មានចំនួន១៥គម្រោងដែលមានទុនវិនិយោគចំនួន១២៣លានដុល្លារអាមេរិកដោយផ្តល់ឱកាសការងារជូនដល់ប្រជាពលរដ្ឋចំនួន១១៥៧០នាក់ ។ ប៉ុន្តែកើនឡើងបើធៀបនឹងខែកក្កដា ឆ្នាំ២០២២ មានចំនួន៨គម្រោងដែលមានទុនវិនិយោគចំនួន១១៧,៨លានដុល្លារអាមេរិក ដោយផ្តល់ឱកាសការងារជូនដល់ប្រជាពលរដ្ឋចំនួន៧៩១៧នាក់ប៉ុណ្ណោះ។

ក្នុងចំណោមចំនួន១១ក្រុមហ៊ុន ក្នុងនោះមានគម្រោងបង្កើតរោងចក្រផលិតគ្រឿងបន្សំស្បែកជើង គម្រោងបង្កើតរោងចក្រកាត់ដេរសម្លៀកបំពាក់ គម្រោងរោងចក្រស្ល និងកែច្នៃលោហៈធាតុគម្រោងបង្កើតរោងចក្រផលិតខ្សែក្រវាត់ និងកាបូបគ្រប់ប្រភេទគម្រោងបង្កើតរោងចក្រផលិតអំពូលភ្លើង អំពូលលម្អ និងគ្រឿងបង្គុំរបស់អំពូលលម្អគម្រោងបង្កើតរោងចក្រផលិតគ្រឿងអេឡិចត្រូនិកគ្រប់ប្រភេទ អំពូលភ្លើង និងគ្រឿងបង្គុំអំពូលភ្លើង ៕

អត្ថបទ៖ សំអឿន