Connect with us

ព័ត៌មានជាតិ

រដ្ឋមន្ត្រីសុខាភិបាល ជំរុញបង្កើនការធ្វើតេស្តរកមេរោគអេដស៍ និងជំងឺកាមរោគ

បានផុស

នៅ

រដ្ឋមន្ត្រីក្រសួងសុខាភិបាល បានជំរុញឱ្យមន្ត្រីបង្កើនការធ្វើតេស្តរកមេរោគអេដស៍ និងជំងឺកាមរោគឱ្យបានកាន់តែទូលំទូលាយបន្ថែមទៀត ដើម្បីព្យាបាលឱ្យបានទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបិទសិក្ខាសាលាផ្សពផ្សាយ លទ្ធផលស្រាវជ្រាវពីការយល់ដឹងការប្រើប្រាស់តេស្តរហ័សរកជំងឺកូវីដ-១៩ ក្នុងចំណោមអ្នកផ្ទុកមេរោគអេដស៍ និងប្រជាជនទូទៅ នៅថ្ងៃទី២ ខែវិច្ឆិកានេះលោក សាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល និងជាប្រធានក្រុមប្រឹក្សាភិបាល នៃសាកលវិទ្យាល័យវិទ្យាសាស្រ្តសុខាភិបាលបានមានប្រសាសន៍ថា នៅតាមមណ្ឌលសុខភាព និងមន្ទីរពេទ្យ នៅពេលធ្វើតេស្តរកមេរោគអេដស៍ត្រូវធ្វើតេស្តរកជំងឺកាមរោគបន្ថែមផងដែរ។ ក្នុងករណីរកឃើញកុមារមានឆ្លងជំងឺអេដស៍ ឬជំងឺកាមរោគ ត្រូវហៅម្តាយ និងឪពុកមកធ្វើតេស្ត ឬបើស្ត្រីណាម្នាក់ធ្វើតេស្តមានឆ្លងជំងឺនេះដែរ ក៏ត្រូវហៅដៃគូរបស់ខ្លួនតិច ឬច្រើនដែលខ្លួនមានទំនាក់ទំនងរួមភេទជាមួយ មកធ្វើតេស្តដើម្បីគ្រូពេទ្យព្យាបាលឱ្យបានទាន់ពេលវេលា និងដើម្បីធ្វើឱ្យក្រុមគ្រួសារមានសុភមង្គល។

លោករដ្ឋមន្ត្រីបានអំពាវនាវ សូមកុំឱ្យមានការរើសអើងចំពោះ ក្រុមបុរសស្រឡាញ់បរុស ក្រុមបំលែងភេទ ស្ត្រីបំរើការកម្សាន្តសប្បាយ ឬក្រុមសេពគ្រឿងញឿង ដែលជាក្រុមលាក់មុខនៅក្នុងសង្គម ដើម្បីឱ្យពួកគេចេញមកពិគ្រោះជាមួយគ្រូពេទ្យជំនាញ និងធ្វើតេស្តរកជំងឺអេដស៍ និងជំងឺកាមរោគ។

លោករដ្ឋមន្ត្រីបានបន្ថែមថា នៅពេលរកឃើញបានលឿន យើងអាចព្យាបាលជំងឺបានលឿនឆាប់ជាសះស្បើយ ពិសេសជំងឺកាមរោគ។ ចំណែកជំងឺអេដស៍ក៏អាចព្យាបាលពន្យាអាយុជីវិតរស់នៅបានយូរអង្វែងដូចមនុស្សទូទៅដែរ។

យ៉ាងណាក៏ដោយ លោករដ្ឋមន្ត្រីបានលើកទឹកចិត្តដល់ប្រជាពលរដ្ឋ បន្តប្រើប្រាស់ស្រោមអនាម័យនៅពេលមានដៃគូច្រើន និងមានបំណងចង់ពន្យារកំណើត ព្រោះស្រោមអនាម័យមានតួនាទីសំខាន់ណាស់ក្នុងការការពារជំងឺអេដស៍ ជំងឺកាមរោគ និងជាមធ្យោបាយមួយដ៏មានប្រសិទ្ធភាពក្នុងការពន្យារកំណើត។

លោករដ្ឋមន្ត្រីបានបញ្ជាក់ថា ការប្រើស្រោមអនាម័យប្រៀនដូចជាពាក់មាស់ការពារជំងឺកូវីដ-១៩ ពាក់អាវភ្លៀងការពារកុំឱ្យទទឹកទឹកភ្លៀង តែបើទទឹកទឹកភ្លៀង វាមិនមានបញ្ហាអ្វីទេ តែបើមិនពាក់ស្រោមអនាម័យពេលរួមភេទជាមួយដៃគូខាងក្រៅ អាចប្រឈមនឹងការឆ្លងជំងឺអេដស៍ ជំងឺកាមរោគ ចោទជាបញ្ហាដល់ក្រុមគ្រួសារ បើជាយុវជនទៀតប៉ះពាល់ដល់សុខភាពបន្តពូជ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៤ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៤ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៥ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៥ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៦ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម