ព័ត៌មានជាតិ
រថយន្តប្រភេទសណ្តោងខ្នាតធំ បុករះរថយន្តធុនតូចជាច្រើនគ្រឿង សំណាងមិនមានអ្នកបាត់បង់ជីវិត ( Videos)
កំពត ៖ មានហេតុការណ៍គ្រោះថ្នាក់ចរាចរណ៍ដ៏គួរឲ្យភ្ញាក់ផ្អើលមួយ បានបណ្តាលឲ្យរថយន្តធុនតូចចំនួនបីគ្រឿងរងការខូចខាតយ៉ាងធ្ងន់ធ្ងរ តែសំណាងល្អ ពុំមានអ្នកបាត់បង់ជីវិត។
គ្រោះថ្នាក់នេះ បានកើតឡើងនៅ វេលាម៉ោង១៩ និង៣៩នាទី ថ្ងៃទី០៣ ខែមករា ឆ្នាំ២០២១ លើផ្លូវជាតិលេខ៣ ត្រង់ចំណុចគល់ស្ពានព្រែកកំពង់បាយត្រើយខាងកើត ស្ថិតក្នុងភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត រវាងរថយន្តនិងរថយន្តដែលមានទិសដៅខ្វែងគ្នា រួចខ្ទាតទៅប៉ះរថយន្តចំនួន២គ្រឿងទៀត ដែលមានទិសដៅផ្ទុយគ្នាផងដែរ។
ជុំវិញករណីគ្រោះថ្នាក់ខាងលើ សមត្ថកិច្ចបានឲ្យដឹងថា អ្នកបើកបររថយន្តបង្កមិនស្គាល់សាវតា (រត់គេចខ្លួនបាត់ក្រោយពេលកើតហេតុ) បើកបររថយន្តម៉ាក HYUNDAI GOLD ប្រភេទក្បាលសណ្តោង ពណ៌ស ពាក់ផ្លាកលេខ ព្រះសីហនុ 3A-8199 និងសណ្តោងរ៉ឺម៉ក ពណ៌ខ្មៅ ពាក់ស្លាកលេខ ព្រះសីហនុ 4A-8199 មានទិសដៅពីកើតទៅលិចក្នុងល្បឿនលឿន មកដល់ចំណុចកើតហេតុ បានកៀររថយន្តមួយគ្រឿង ដែលមានទិសដៅខ្វែងគ្នា ចំពីចំហៀងផ្នែកខាងឆ្វេង។
អ្នកបើកបររថយន្តឈ្មោះ អ៊ូច វូន ភេទប្រុស អាយុ២៦ឆ្នាំ និងមានអ្នករួមដំណើរម្នាក់ឈ្មោះ ភូ យួន ភេទប្រុស អាយុ២៩ឆ្នាំ ទាំងពីរនាក់មានទីលំនៅភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប បើកបររថយន្តម៉ាក TOYOTA CAMRY ពណ៌ស ពាក់ស្លាកលេខ ភ្នំពេញ 2AJ-6759 មានទិសដៅពីត្បូងទៅជើង បើកបរមិនគោរពសិទ្ធិ ក៏ត្រូវរថយន្តដែលមកពីទិសខាងកើត កៀរ ធ្វើឲ្យរថយន្តខ្ទាតទៅប៉ះនិងរថយន្តចំនួន២គ្រឿងទៀត ដែលមានទិសដៅផ្ទុយគ្នា បណ្តាលឲ្យអ្នកបើកបរនិងអ្នករួមដំណើររងរបួសស្រាល បញ្ជូនទៅព្យាបាលនៅមន្ទីរពេទ្យបង្អែកខេត្តកំពត។
ប្រភពដដែលបានបន្តថា អ្នកបើកបររថយន្តដែលរងគ្រោះ២គ្រឿងទៀត ទី១-ឈ្មោះ ខៀវ ស៊ីវត្ថា ភេទប្រុស អាយុ៣១ឆ្នាំ មានទីលំនៅភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ បើកបររថយន្តម៉ាក HYUNDAI CLICK ពណ៌ទឹកសមុទ្រ ពាក់ស្លាកលេខ ព្រះសីហនុ 2A-0389 មានទិសដៅពីលិចទៅកើត។ អ្នកបើកបររថយន្តទី២- ឈ្មោះ មែ តារ៉ា ភេទប្រុស អាយុ៣០ឆ្នាំ មានទីលំនៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត បើកបររថយន្តម៉ាក MAZDA BT-50 ពណ៌ស ពាក់ស្លាកលេខ ភ្នំពេញ 2BK-5266 មានទិសដៅពីលិចទៅកើត។
បច្ចុប្បន្នវត្ថុតាងរួមមានរថយន្តចំនួន៤គ្រឿង សមត្ថកិច្ចបានយកមករក្សាទុកនៅការិយាល័យចរាចរណ៍ នៃស្នការដ្ឋាននគរខេត្តកំពត៕
ដោយ ៖ សេង ណារិទ្ធ
សូមចុចអាន ៖ ក្រោយឈ្នះ នៅ ស្រីពៅ និងធ្វើបានល្អបំផុតឆ្នាំ២០២០ Ritu Phogat ប្រាប់ថា «ខ្លាញី» មកដល់ហើយ
សូមចុចអាន ៖ ឆ្នាំ២០២០ CMAC រំដោះផ្ទៃដីចំការមីនសរុបជាង៩,២០០ហិចតា និងរកឃើញគ្រាប់មីនមិនទាន់ផ្ទុះជិត៤ម៉ឺនគ្រាប់
ទស្សនាវីដេអូ រថយន្តសណ្តោង បុករះរថយន្តជាច្រើនគ្រឿង
ចូលរួមត្រេកអរ ពេជ្រ សម្បត្តិ និង ពេជ្រ សឹង្ហៈ ទទួលបានក្របខណ្ឌទាហាន
អ្នកជំនាញចេញការព្រមាន ក្រោយស្ត្រីចិនម្នាក់ចូលសង្គ្រោះបន្ទាន់ ដោយសារផ្លែគូលេន
ថៃ ចាប់ផ្តើមបង្ក្រាបលើពលករនិងជនបរទេស ដែលលួចការងារពលរដ្ឋខ្លួនធ្វើ
ត្រាំ៖ អ៊ីរ៉ង់-អ៊ីស្រាអែលនឹងចុះកិច្ចព្រមព្រៀង ដូចដែលលោកធ្លាប់ធ្វើជាមួយឥណ្ឌា-ប៉ាគីស្ថាន
ក្រសួងការងារ អំពាវនាវឱ្យពលករខ្មែរនៅថៃវិលមកស្រុកំណើតខ្លួនវិញ ដោយអះអាងពីឱកាសការងារគ្រប់គ្រាន់ក្នុងប្រទេស
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
ពលករខ្មែរនៅថៃ ធ្វើដំណើរឆ្លងដែនតាមច្រកទ្វារព្រំដែនចាំយាម មានតិចតួច
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៣ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៦ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន