ព័ត៌មានជាតិ

អ៊ុយក្រែនក្លាយជាសមាជិកទី ៥០ ក្នុងសន្ធិសញ្ញា TAC គ្រាកំពុងមានសង្គ្រាម

បានផុស

២ years មុន

នៅ

ថ្ងៃព្រហស្បតិ៍ ១០ វិច្ឆិកា ២០២២

ដោយ

ប្រទេសអ៊ុយក្រែននឹងក្លាយជាសមាជិកទី ៥០ នៃសន្ធិសញ្ញាមិត្តភាព សហប្រតិបត្តិការនៅអាស៊ីអាគ្នេយ៍ (TAC) ជាផ្លូវការនៅព្រឹកថ្ងៃទី ១០ ខែវិច្ឆិកា ឆ្នាំ ២០២២ ខណៈដែលសង្គ្រាមកំពុងកើតឡើងនៅប្រទេសមួយនេះ។

លោក គង់ ភោគ រដ្ឋលេខាធិការក្រសួងការបរទេសថ្លែងថា អ៊ុយក្រែននឹងចុះហត្ថលេខាលើលិខិតតុបករណ៍ក្នុងការចូលជាសមាជិកមិត្តភាពនៃកិច្ចសហប្រតិបត្តិការអាស៊ីអាគ្នេយ៍នៅថ្ងៃទី ១០ ខែវិច្ឆិកានេះ ហើយអ៊ុយក្រែននឹងក្លាយទៅជាសមាជិកទី ៥០ នៅក្នុងសន្ធិសញ្ញាមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សន្ធិសញ្ញា TAC គឺជាសន្ធិសញ្ញាសន្តិភាពបង្កើតឡើងនៅឆ្នាំ១៩៧៦ដោយសមាជិកស្ថាបនិកសមាគមន៍អាស៊ានដោយបានបញ្ចូលគោលការណ៍សំខាន់ៗមួយចំនួនដូច ជាការគោរពគ្នាទៅវិញទៅមកលើអធិបតេយ្យភាព បូរណភាពទឹកដីនិងអត្តសញ្ញាណរបស់ប្រជាជាតិដែលជាសមាជិកនៃសន្ធិសញ្ញានេះ។

លោក គង់ ភោគបញ្ជាក់ថា កាលពីប្រជុំរដ្ឋមន្ត្រីការបរទេស និងប្រជុំពាក់ព័ន្ធគឺអាស៊ានទទួលបានដៃគូថ្មីរហូតដល់ ៦ ដែលបានចុះហត្ថលេខានៅក្នុងសន្ធិសញ្ញាមិត្តភាព និងកិច្ចសហប្រតិបត្តិការនៅក្នុងតំបន់អាស៊ីអាគ្នេយ៍ក្នុងឆ្នាំនេះ ដែលសរុបដល់ទៅ ៧ ប្រទេសដែលនឹងចុះហត្ថលេខាជាមួយអ៊ុយក្រែននៅប៉ុន្មានម៉ោងខាងមុខនេះ ហើយនេះជាសមិទ្ធផលដ៍ធំមួយសម្រាប់កម្ពុជា។

បើតាមលោក គង់ ភោគ នេះជាមោទនភាពមួយសម្រាប់យើងទាំងអស់គ្នាដែរថា យើងអាចបង្កើនភាពជាដៃគូក៏ដូចជាទាក់ទាញចំណាប់អារម្មណ៍និងការគាំទ្រពីប្រទេសមកពីក្រៅតំបន់ពីព្រោះដៃគូទាំងអស់នេះ មិនមែននៅក្នុងតំបន់អាស៊ីផង គឺនៅតំបន់មជ្ឈិមបូពាក៏ដូចជា នៅអឺរ៉ុបដែលគាត់មើលឃើញពីសក្ដានុពលក្នុងការក្លាយជាសមាជិកនៃសន្ធិសញ្ញាមួយនេះ៕

អត្ថបទ៖ ឡេង ដេត

Related Topics:កិច្ចប្រជុំអាស៊ាន