ព័ត៌មានជាតិ
ផ្ដើមពីបុគ្គលិកគ្រឹះស្ថានមីក្រូហិរញ្ញវត្ថុ លោក អ៊ុមហ៊ុយ ឈុនហេង ក្លាយជាចៅសង្កាត់បឹងទំពន់ទី២ ដ៏លេចធ្លោ
«នៅជាប់ជាមួយបងប្អូនប្រជាពលរដ្ឋ ទោះបីស្ថិតនៅក្នុងកាលៈទេសៈណាក៏ដោយ»។ នេះគឺជាប្រយោគប្តេជ្ញាចិត្តដែលលោក អ៊ុមហ៊ុយ ឈុនហេង ចៅសង្កាត់បឹងទំពន់ទី២ ខណ្ឌមានជ័យ តែងតែប្រកាន់ខ្ជាប់នៅក្នុងស្មារតីបម្រើផលប្រយោជន៍ប្រជាពលរដ្ឋនៅមូលដ្ឋានរបស់លោក។
![](https://www.kampucheathmey.com/wp-content/uploads/2022/11/278995861_5442578359127220_596471683589506128_n-edited.jpg)
លោក អ៊ុមហ៊ុយ ឈុនហេង ត្រូវបានប្រកាសចូលកាន់តំណែងជាចៅសង្កាត់បឹងទំពន់ទី២ ខណ្ឌមានជ័យ កាលពីថ្ងៃទី៥ ខែកក្កដា ឆ្នាំ២០២២ ក្រោយពីលោកបានជាប់ឆ្នោតសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ កាលពីអំឡុងខែមិថុនា ឆ្នាំ២០២២។ បើតាមលោក អ៊ុមហ៊ុយ ឈុនហេង មុនក្លាយជាចៅសង្កាត់នាពេលនេះ លោកឆ្លងកាត់ការវាយតម្លៃអំពីសមត្ថភាព បទពិសោធការងារ និងទទួលបានការផ្ដល់សេចក្ដីទុកចិត្តពីសំណាក់ថ្នាក់ដឹកនាំគណបក្សប្រជាជនកម្ពុជាខណ្ឌមានជ័យ ដើម្បីឈរឈ្មោះជាបេក្ខជនចៅសង្កាត់បឹងទំពន់ទី២។
![](https://www.kampucheathmey.com/wp-content/uploads/2022/11/272989022_5204535916264800_5258051358755964033_n-edited.jpg)
កត្តាដែលនាំឲ្យលោក អ៊ុមហ៊ុយ ឈុនហេង សម្រេចចិត្តឈរឈ្មោះជាបេក្ខភាពចៅសង្កាត់នេះ គឺដោយហេតុថា លោកស្រឡាញ់ការងារមូលដ្ឋាន ហើយក៏ជាក្ដីស្រមៃរបស់លោកចង់ធ្វើជាអ្នកនយោបាយនៅកម្រិតមូលដ្ឋាន។ ត្រង់ចំណុចនេះ លោក អ៊ុមហ៊ុយ ឈុនហេង បានរំលឹកថា អំឡុងឆ្នាំ២០១២ លោកបានចុះទៅបំពេញបេសកកម្មនៅស្រុកស្ទោង ខេត្តកំពង់ធំ ក្នុងនាមជាយុវជនស្ម័គ្រចិត្តសម្ដេចតេជោ ហ៊ុន សែន ចុះវាស់វែងដីធ្លីជូនប្រជាពលរដ្ឋនៃយុទ្ធនាការ គោលនយោបាយចាស់ សកម្មភាពថ្មី លើវិស័យដីធ្លី។ តាមរយៈបេសកកម្មនេះ លោកតែងតែចុះប្រាស្រ័យទាក់ទងដោយផ្ទាល់ជាមួយប្រជាពលរដ្ឋនៅតាមមូលដ្ឋាន ដើម្បីសួរសុខទុក្ខនិងស្វែងយល់អំពីការរស់នៅរបស់ពួកគាត់។ នៅពេលនោះហើយដែលលោក អ៊ុមហ៊ុយ ឈុនហេង ចាប់ផ្ដើមស្រឡាញ់ការងារនៅមូលដ្ឋាន។
![](https://www.kampucheathmey.com/wp-content/uploads/2022/11/304936407_5834282029956849_9043452077733201535_n-edited.jpg)
ថ្វីត្បិតតែការងារមូលដ្ឋានមានការលំបាកច្រើន តែវាក៏មិនមែនជាឧបសគ្គមករាំងស្ទះដល់ក្ដីស្រមៃ និងឆន្ទៈដ៏មោះមុតរបស់លោកបានឡើយ ហើយលោកតែងតែជំនះនូវឧបសគ្គទាំងអស់នោះ និងប្ដេជ្ញាចិត្តខិតខំប្រឹងប្រែងបម្រើនូវផលប្រយោជន៍ប្រជាពលរដ្ឋនៅមូលដ្ឋាន ប្រកបដោយស្មារតីទទួលខុសត្រូវ និងនៅជាប់ជានិច្ចជាមួយបងប្អូនប្រជាពលរដ្ឋ ទោះស្ថិតក្នុងកាលៈទេសៈណាដ៏ដោយ។
លោក អ៊ុមហ៊ុយ ឈុនហេង បានបញ្ចប់សញ្ញាបត្រទុតិយភូមិ នៅឆ្នាំ២០០៦ ហើយបានបន្តការសិក្សាថ្នាក់បរិញ្ញាបត្រជំនាញធនាគារ និងហិរញ្ញវត្ថុ នៅសាកលវិទ្យាល័យចម្រើនពហុបច្ចេកវិទ្យា តាមរយៈអាហារូបករណ៍របស់សម្ដេចតេជោ ហ៊ុន សែន។
ក្រោយចប់ថ្នាក់បរិញ្ញាបត្រនៅអំឡុងឆ្នាំ២០១០ លោក អ៊ុមហ៊ុយ ឈុនហេង បានចូលបម្រើការងារជាបុគ្គលិកនៅគ្រឹះស្ថានមីក្រូហិរញ្ញវត្ថុឯកជន នៅរាជធានីភ្នំពេញ។ បម្រើការបានរយៈពេល ២ឆ្នាំ លោកបានចូលរួមបំពេញបេសកកម្មជាយុវជនស្ម័គ្រចិត្តសម្ដេចតេជោ ហ៊ុន សែន ចុះវាស់វែងដីធ្លីជូនពលរដ្ឋ ដែលកាលណោះលោកជាប្រធានក្រុម ៨២សេ ប្រចាំនៅស្រុកស្ទោង ខេត្តកំពង់ធំ។ បន្ទាប់ពីចប់បេសកកម្ម ៦ ខែ លោកបានវិលមករាជធានីភ្នំពេញវិញ ហើយបានចូលរួមកម្មវិធី «ទំពាំងស្នងឬស្សី» ដែលជាការប្រកួតប្រជែងនិយាយជាសាធារណៈ រៀបចំឡើងដោយសហភាពសហព័ន្ធយុវជនកម្ពុជារាជធានីភ្នំពេញ។
នៅឆ្នាំ២០១៤ លោក អ៊ុមហ៊ុយ ឈុនហេង ក៏បានជាប់ឆ្នោតធ្វើជាសមាជិកក្រុមប្រឹក្សាខណ្ឌមានជ័យ រហូតដល់ពេលដែលលោកត្រូវបានជ្រើសរើស និងជាប់ជាចៅសង្កាត់បឹងទំពន់ទី២ នាពេលបច្ចុប្បន្ននេះ៕
![](https://www.kampucheathmey.com/wp-content/uploads/2022/11/121032691_3703447339707006_3895577547392703760_n-edited.jpg)
ដោយ៖ ធឿន វ៉ាន់សុង
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម១៨ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់