នារីម្នាក់សំដែងការដឹងគុណក្រុមគ្រូពេទ្យ TYDA ដែលបានជួយសង្គ្រោះជិវិតម្ដាយ ខណៈរង់ចាំតែថ្ងៃស្លាប់

នារីម្នាក់ដែលមានអាខោនហ្វេសប៊ុកឈ្មោះ so San បានសំដែងការដឹងគុណមិនអាចបំភ្លេចបានពីក្រុមគ្រូពេទ្យ TYDA ដែលបានជួយសង្គ្រោះជីវិតម្ដាយពីជំងឺធ្ងន់ធ្ងររង់ចាំតែថ្ងៃស្លាប់ ខណៈគ្មានលុយសូម្បី1000រៀលក្នុងខ្លួន។

យោងតាមខ្លឹមសាររបស់ម្ចាស់អាខោនហ្វេសប៊ុកកឈ្មោះ so San បានសរសេរថា “គ្មានលុយ1000រៀល ក្នុងខ្លួន ហើយម៉ែដេកឈឺចាំតែថ្ងៃស្លាប់ ពេលដែលយើងលំបាកបំផុតក្នុងជីវិត ហើយមិនដែលស្គាល់ភ្នំពេញ គ្មានញាត្តិ គ្មានបងប្អូន មិត្តភក្តិណាជួយ ប៉ុន្តែមានទេវតាមកជួយម៉ែ យកម៉ែមកភ្នំពេញ ព្យាបាលជំងឺហើយអោយលុយក្នុងមួយថ្ងៃ2ម៉ឺនរៀលទៀត។​ ដឹងទេថាលុយ​នឹងបើនៅស្រុកស្រែជំនាន់នឹងចាយបែកផ្សែង តែនៅភ្នំពេញជំនាន់នឹងក៏ខ្ញុំចាយមិនអស់ដែរ។ មួយថ្ងៃចាយ1ម៉ឺនរៀលមិនអស់ផង អស់តែថ្លៃម៉ូតូឌុបទេ ហើយជំនាន់នោះខ្ញុំអត់ស្គាល់ពេទ្យTYDA ទេ ខ្ញុំថាជាអង្គការមនុស្សធម៌ ព្រោះចុះក្នុងភូមិតំបន់ដាច់ស្រយាលជាលក្ខណៈមិនលំអៀង មិនប្រកាន់បក្សពួក មិនរើសអើងមានក្រ។ មួយរយះក្រោយៗមកទើបខ្ញុំដឹងថា អ្នកជួយជីវិតម្តាយខ្ញុំ គឺពេទ្យTYDA ពេទ្យសម្តេច ហ៊ុន សែន។ ខ្ញុំចងចាំគ្មានថ្ងៃភ្លេចទេអំពើល្អរបស់TYDA “៕