ព័ត៌មានជាតិ
ខេត្តកែបប្រកាសតែងតាំងប្រធានពន្ធនាគារខេត្តថ្មី
នៅថ្ងៃទី២៤ ខែវិច្ឆិកា ឆ្នាំ២០២២នេះ លោក ប៉ាវ ហម ផាន រដ្ឋលេខាធិការក្រសួងមហាផ្ទៃ អញ្ជើញជាអធិបតីក្នុងពិធីប្រកាសចូលកាន់មុខតំណែង ប្រធានអនុប្រធាននិងប្រធានការិយាល័យ អនុប្រធានការិយាល័យពន្ធនាគារខេត្តកែបចំនួន ១០ រូប។
ក្នុងពិធីប្រកាសចូលកាន់តំណែងនេះ ក៏មានការអញ្ជើញចូលរួម ពី លោក សំសារីនប្រធានក្រុមប្រឹក្សាខេត្ត លោក សោម ពិសិដ្ឋ អភិបាល ខេត្តកែប ប្រតិភូអមដំណើរលោករដ្ឋលេខាធិការ និងលោកតំណាងសាលាដំបូងខេត្តកែបលោកឧត្តមសេនីយ៍វីរៈសេនីយ៍កងកម្លាំងទាំងបីប្រភេទ ព្រមទាំង ប្រធានមន្ទីរ អង្គភាពពាក់ព័ន្ធ ជុំវិញខេត្ត បានអញ្ជើញចូលរួមប្រមាណជាង២០០នាក់ផងដែរ។
លោក សោម ពិសិដ្ឋ អភិបាលខេត្តកែបមានមតិស្វាគមន៍ក្នុងពិធីចូលកាន់មុខតំណែងនាឱកាសនោះអភិបាលខេត្តមានប្រសាសន៍ថាកន្លងមកខេត្តកែបពុំមានចលនាសម្ព័ន្ធអង្គភាពគ្រប់ដូចនៅក្នុងនិងបណ្ដាខេត្តរាជធានីផ្សេងៗនោះឡើយ។
លោក ប៉ាវ ហម ផាន មានប្រសាសន៍លើកឡើងថា មន្ត្រីពន្ធនាគារទាំងអស់ ត្រូវមានសាមគ្គីភាព ឯកភាពផ្ទៃក្នុងល្អ មានទំនាក់ទំនងជា មួយអង្គភាពនានា ជាពិសេសស្ថាប័នតុលាការ ត្រូវគោរព តួរនាទីខ្លួនឯង មិនត្រូវយកតួនាទីរបស់ខ្លួន ទៅគាបសង្កត់ អ្នកទោសនោះឡើយ បើគ្មានជនណាម្នាក់ យកអ្នកជាប់ពន្ធនាគារ ចេញជាដាច់ខាត បើគ្មានការ អនុញ្ញាត លិខិតស្នាមត្រឹមត្រូវ ហើយមិនត្រូវយកអ្នកណាម្នាក់ ចូលពន្ធនាគារគ្មានលិខិតស្នាមឬចេញពីអាជ្ញាធរតុលាការនោះឡើយ។
លោក សុខ លូ បានលើកឡើងពីការដឹកនាំ របស់លោក ព្រាប ឌន កន្លងមក បម្រើការងារជា អនុប្រធានពន្ធនាគារ ខេត្តព្រះសីហនុ។
លោក ក៏បានជំរុញឲ្យ លោក ព្រាប ឌន ត្រូវតែមានការខិតខំបម្រើការងារដឹកនាំអង្គភាព ឲ្យមានភាពស្និតឆ្នាលឱ្យមានប្រសិទ្ធភាព និងសម្រេចបានដោយជោគជ័យ ក្នុងការអនុវត្តឲ្យបានម៉ត់ចត់ នូវគោលការណ៍ច្បាប់ លិខិតបទដ្ឋានដោយយុត្តិធម៌ និងគោលការណ៍ ណែនាំរបស់រាជរដ្ឋាភិបាល ដែលបានដាក់ចេញឲ្យមានប្រសិទ្ធភាពខ្ពស់ ត្រូវអនុវត្តឲ្យបានត្រឹមត្រូវ តាមបទវិន័យ និងក្រមសីលធម៌តួនាទី ភារកិច្ចនៅក្នុងអង្គភាពត្រូវតែមានការពង្រឹងសាមគ្គីភាព និងឯកភាពផ្ទៃក្នុង ដោយធ្វើការពិភាក្សាជាមួយអង្គភាព ឬជាក្រុម ដើម្បីរួមគ្នាដោះស្រាយបញ្ហាដែលកើតមានឡើងផ្សេងៗ។
ដោយឡែកលោករដ្ឋលេខាធិការក្រសួងមហាផ្ទៃ បានលើកឡើងថា ចំពោះមន្ត្រីខិលខូច មួយចំនួនតូចត្រូវឆ្លុះកញ្ចក់ ងូតទឹកដុះក្អែលឲ្យបានស្អាត ជាពិសេស ត្រូវបន្តក្តាប់ឲ្យបានរាល់បញ្ហា ប្រឈមក្នុងការលំបាកនិងរិះរក គ្រប់មធ្យោបាយដើម្បីជួយដោះស្រាយ ឲ្យបានទាន់ពេលវេលាប្រកបដោយមានភាពស្និតឆ្នាល ឱ្យប្រសិទ្ធភាពបានខ្ពស់។
ត្រូវរក្សាសុខសន្តិភាព សណ្តាប់ធ្នាប់នៅក្នុងពន្ធនាគារ ហើយមន្ត្រីពន្ធនាគារទាំងអស់ត្រូវមានការទប់ស្កាត់ ជ្រាបចូលនូវអ្វីដែលហាមឃាត់ ដូចជារបស់ប៉ះពាល់សុខ ឬសុវត្ថិភាព ដល់អ្នកទោសដែលជាប់ឃុំត្រូវមានការទប់ស្កាត់គ្រឿងញៀន និងគ្រឿងស្រវឹងហាមជាដាច់ខាតមិនឲ្យមានការយកចូលនោះឡើយ៕
ដោយ ៖ សឹង រ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ