Connect with us

ព័ត៌មានជាតិ

ដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតនៅខេត្តកោះកុង ប្រព្រឹត្តទៅដោយរលូនល្អមិនមានបណ្តឹងតវ៉ាអ្វីឡើយ

បានផុស

នៅ

ក្នុងដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតថ្មីឆ្នាំ ២០២២ នៅខេត្តកោះកុង ប្រព្រឹត្តដោយទៅរលូនល្អមិនមានបណ្តឹងតវ៉ាអ្វីឡើយ បើទោះបីជាមានបញ្ហាបច្ចេកទេស និងកត្តាអាកាសធាតុបន្តិចបន្តួចយ៉ាងណាក្តី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង ណេង ប្រធានលេខាធិការដ្ឋានរៀបចំការបោះឆ្នោតខេត្តកោះកុង បានថ្លែងរសៀលថ្ងៃទី២៨ ខែវិច្ឆិកាថា ត្បិតសម្ភារៈបច្ចេកទេសប្រើប្រាស់យូរឆ្នាំ និងភ្លៀងធ្លាក់ខ្លះក្តី ក៏ដំណើរការនៃការពិនិត្យបញ្ជីឈ្មោះ និងចុះឈ្មោះបោះឆ្នោតថ្មីឆ្នាំ ២០២ ក្នុងភូមិសាស្រ្តខេត្តកោះកុង នៅតែប្រព្រឹត្តរលូនល្អប្រសើរ ក្រោមបរិយាកាសសន្តិសុខសណ្តាប់ធ្នាប់រៀបរយ។

លោក សេង ណេង បង្ហាញទៀតថា លទ្ធផលចុះឈ្មោះបោះឆ្នោតរយៈពេល ៣៩ថ្ងៃនេះ មន្រ្តីលេខា​ធិការរៀបចំការបោះឆ្នោតខេត្ត បានចុះឈ្មោះអ្នកបោះឆ្នោតថ្មីបាន ៦,១៨០នាក់។ ក្នុងនោះ ចុះឈ្មោះថ្មី ៥,៥៧១នាក់ ផ្ទេរចូលចំនួន ១,៣៥៩នាក់ និងផ្តាស់ប្តូរការិយាល័យចំនួន ២៤៥នាក់។

ប្រជាពលរដ្ឋ ដែលត្រូវលុបឈ្មោះចេញពីបញ្ជីឈ្មោះបោះឆ្នោត មានចំនួន ៤៣៧នាក់ ផ្ទេរចេញក្រៅចំនួន ១,២៦៤នាក់ និងមានឈ្មោះស្ទួនគ្នាចំនួន ២៨នាក់។ នៅតាមបណ្តាការិយាល័យចុះឈ្មោះបោះឆ្នោត មិនមានពាក្យបណ្តឹងតវ៉ាអ្វីឡើយ​។ យោងតាមការផែនការគោលដៅគ្រោងទុក របស់លេខាធិការដ្ឋានរៀបចំការបោះឆ្នោតខេត្តកោះកុង ចំនួនពលរដ្ឋជាង ៧,០០០នាក់ ដែលត្រូវមកចុះឈ្មោះបោះឆ្នោតថ្មី។

គួរជម្រាបថា ខេត្តាកោះកុង មានការិយាល័យចុះឈ្មោះបោះឆ្នោតសរុប ១៩០ការិយាល័យទូទាំង ២៩ឃុំ-សង្កាត់ និងមានអ្នកអង្កេតការណ៍មកពីបណ្តាគណបក្សនយោបាយចំនួន ៣។  គឺទី ១.អ្នកសង្កេតការណ៍របស់គណបក្សប្រជាជនកម្ពុជាចំនួន ៥៨នាក់, ទី ២.គណបក្សភ្លើងទៀនចំនួន ៣១នាក់, ទី ៣.គណបក្សយុវជនកម្ពុជាម្នាក់។ ក្នុងនោះ ក៏មានដែរអង្គការក្រៅរាជរដ្ឋាភិបាលម្នាក់ និងសមាគមរាជសីចំនួន ១៤នាក់។

ប្រធានលេខាធិការដ្ឋានរៀបចំការបោះឆ្នោតខេត្តកោះកុង បានបន្តអំពាវនាវដល់ប្រជាពលរដ្ឋ ជាពិសេសអ្នកដែលទើបគ្រប់អាយុបោះឆ្នោត សូមប្រញាប់រួសរាន់ទៅកាន់ការិយាល័យចុះឈ្មោះបោះឆ្នោតឲ្យបានគ្រប់ៗគ្នា ដើម្បីចុះឈ្មោះបោះឆ្នោត ជៀសវាងបាត់បង់សិទ្ធិបោះឆ្នោតរបស់ខ្លួន៕  

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥២ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ១ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម