Connect with us

ព័ត៌មានជាតិ

ខេត្តចំនួន ១៣ហើយ ដែលលោក ឌិត ទីណា រដ្ឋមន្ដ្រីថ្មីក្រសួងកសិកម្ម បានចុះបំពេញការងារ

បានផុស

នៅ

បណ្ដាខេត្តចំនួន ១៣ហើយ ដែលលោក ឌិត ទីណា រដ្ឋមន្ដ្រីថ្មីក្រសួងកសិកម្ម រុក្ខាប្រមាញ់ និងនេសាទ បានចុះបំពេញការងារ ក្រោយពីចូលកាន់តំណែងជាផ្លូវការមក។ នេះបើតាមការឲ្យដឹងពីមន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ប្រាប់កម្ពុជាថ្មី នៅថ្ងៃទី ២៩ ខែវិច្ឆិកានេះថា ចាប់តាំងពីចូលកាន់តំណែងជាផ្លូវការនៅថ្ងៃទី ១៧ ខែតុលា ឆ្នាំ ២០២២មក លោក ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានចុះបំពេញបេសកកម្ម នៅតាមបណ្ដាខេត្តចំនួន ១៣ហើយ ទូទាំងប្រទេសកម្ពុជា។

បើតាមកញ្ញា អ៊ឹម រចនា នៅក្នុងបេសកកម្មដំបូងបង្អស់របស់លោករដ្ឋមន្ដ្រី គឺបានអញ្ជើញទៅកាន់ខេត្តចំនួន ៨ ដើម្បីចុះចែកពូជស្រូវដល់ប្រជាកសិករ ដែលរងផលប៉ះពាល់ពីទឹកជំនន់។ ក្នុងនោះ រួមមាន៖ ខេត្តត្បូងឃ្មុំ, កំពង់ចាម, សៀមរាប, បន្ទាយមានជ័យ, បាត់ដំបង, ពោធិ៍សាត់, កំពង់ឆ្នាំង, និងខេត្តក្រចេះ។

ក្នុងអំឡុងពេលស្នាក់នៅខេត្តទាំងនោះ លោក ឌិត ទីណា រដ្ឋមន្ដ្រីក្រសួងកសិកម្ម បានចុះជួបសួរសុខទុក្ខប្រជាកសិករ ដែលពួកគាត់ខ្លះពុំបានស្គាល់ផងទេថា កំពុងតែជជែកជាមួយរដ្ឋមន្ដ្រីថ្មី នៃក្រសួងកសិកម្ម។ នេះបើតាមការកត់សម្គាល់របស់ កញ្ញា អ៊ឹម រចនា។ លើសពីនេះទៀត លោករដ្ឋមន្ត្រី ក៏បានចុះសិក្សាអំពីបញ្ហាប្រឈមនានារបស់ប្រជាកសិករ និងចុះពិនិត្យមើលដេប៉ូលក់ជីកសិកម្ម ព្រមទាំងអញ្ជើញចុះពិនិត្យស្ថានភាពនេសាទ នៅបឹងទន្លេសាបផងដែរ។

អ្នកនាំពាក្យក្រសួងកសិកម្ម បានឲ្យដឹងទៀតថា នៅក្នុងបេសកកម្មទី ២ កាលពីពេលថ្មីៗនេះ លោក ឌិត ទីណា រដ្ឋមន្ដ្រីក្រសួងកសិកម្ម បានអញ្ជើញទៅកាន់ខេត្តចំនួន ៥ ដូចជា៖ ខេត្តតាកែវ, កែប, កំពត,  កោះកុង, និងខេត្តព្រះសីហនុ។

ការចុះទៅបំពេញបេសកកម្ម ក្នុងខេត្តទាំង ៥នេះ គឺដើម្បីពិនិត្យមើលអំពីកម្មវិធី ASPIRE របស់ក្រសួងកសិកម្ម ដែលផ្ដួចផ្ដើមបង្កើតឡើងដើម្បីបង្ហាញផ្លូវ និងនាំប្រជាកសិករ ចេញពីការធ្វើកសិកម្មតាមបែបយថាផល មកធ្វើកសិកម្មតាមបែបប្រពលវប្បកម្មវិញ តាមរយៈការដាក់ផែនការផលិតកម្មច្បាស់លាស់ មានចងក្រងបណ្តុំផលិតកម្ម ដែលឈានដល់ការអនុវត្តផលិតកម្មកសិកម្មតាមកិច្ចសន្យា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ២២ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ១ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ១ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម