ការសាងសង់ស្តូបអនុស្សាវរីយ៍នយោបាយឈ្នះ ឈ្នះ ខេត្តកោះកុង សម្រេចបានលទ្ធផល ៨៥ភាគរយហើយ

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មការសាងសង់វិមាន ឈ្នះ ឈ្នះ បានឲ្យដឹងថា ការសាងសង់ស្តូបអនុស្សាវរីយ៍នយោបាយឈ្នះ ឈ្នះ នៅខេត្តកោះកុង សម្រេចបានលទ្ធផល ៨៥ភាគរយហើយ។ ស្តូបអនុស្សាវរីយ៍នយោបាយឈ្នះ ឈ្នះ ខេត្តកោះកុង ត្រូវបានប្រារព្ធពិធីបញ្ចុះបឋមសិលាសាង សង់ កាលពីថ្ងៃទី ៣០ ខែឧសភា ឆ្នាំ ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចពិជ័យសេនា ទៀ បាញ់​ បានឲ្យដឹងនៅលើទំព័រហ្វេសប៊ុក នាព្រឹកថ្ងៃទី ១៦ ខែធ្នូ ឆ្នាំ ២០២២នេះថា​ «រហូតមកដល់ថ្ងៃនេះ ការសាងសង់ស្តូបឈ្នះ ឈ្នះ ខេត្តកោះកុង សម្រេចបានលទ្ធផល ៨៥% នៃផែនការ គ្រោងនឹងបញ្ចប់ការសាងសង់តួស្តូបឈ្នះ ឈ្នះ នៅបំណាច់ខែមេសា ឆ្នាំ ២០២៣ខាងមុខ»។

សូមជម្រាបថា ស្តូបអនុស្សាវរីយ៍នយោបាយ ឈ្នះ ឈ្នះ ខេត្តកោះកុង មានទីតាំងស្ថិតនៅ ភូមិបឹងឃុនឆាំង សង្កាត់ស្មាច់មានជ័យ ក្រុងខេមរភូមិន្ទ តាមដងផ្លូវជាតិលេខ ៤៨ ដែលស្ថិតនៅចំងាយជាង ១០គីឡូមែត្រ ពីក្រុងខេមរភូមិន្ទ ទីរួមខេត្តកោះកុង៕