ព័ត៌មានជាតិ
នាយកមន្ទីរពេទ្យកុមារជាតិ ស្នើសមាជិកសភាកូរ៉េជួយជំរុញគម្រោងសាងសង់អគារថ្មីកម្ពស់៥ជាន់ឱ្យបានលឿន
លោកសាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិ និងជាទីប្រឹក្សាអមក្រសួងសុខាភិបាលបានស្នើឱ្យសមាជិកសភាសាធារណរដ្ឋកូរ៉េ ជួយជំរុញគម្រោងសាងសង់អគារថ្មីកម្ពស់៥ជាន់តម្លៃ១៦លានដុល្លារអាមេរិក ឱ្យបានលឿនដើម្បីឱ្យមន្ទីរពេទ្យមានលទ្ធភាពបើកសេវាព្យាបាលជំងឺថ្មីៗបន្ថែមទៀតជូនដល់កុមារ។
ការស្នើសុំនេះបានធ្វើឡើងកាលពីរសៀលថ្ងៃទី១៩ ខែធ្នូ ក្នុងឱកាសគណៈប្រតិភូសភាមកពីសាធារណរដ្ឋកូរ៉េដឹកនាំដោយ លោក អ៊ី អ៊ីងយ៉ុន ប្រធានផ្នែកសម្ព័ន្ធសមាជិកសភាកូរ៉េសម្រាប់កុមារប្រជាជន និងបរិស្ថាន បានអញ្ជើញមកចុះត្រួតពិនិត្យពីសមិទ្ធផលនានាដែលកូរ៉េបានផ្តល់ឱ្យកម្ពុជា ពិសេសនៅមន្ទីរពេទ្យកុមារជាតិ។ លោកនាយកមន្ទីរពេទ្យបានមានប្រសាសន៍ថា តាមគម្រោងអគារថ្មីកម្ពស់៥ជាន់មានទំហំជាង៩ពាន់ម៉ែត្រការ៉េ ស្ថិតនៅក្នុងបរិវេណមន្ទីរពេទ្យកុមារជាតិនេះ គ្រោងនឹងចាប់ផ្តើមសាងសង់នៅចុងឆ្នាំ២០២៣ និងបញ្ចប់នៅចុងឆ្នាំ២០២៦ខាងមុខ ដោយចំណាយថវិកាប្រមាណ១៦លានដុល្លារអាមេរិក បូកទាំងការសាងសង់អគារការបណ្តុះបណ្តាលបំពាក់សម្ភារបរិក្ខាពេទ្យ និងសម្ភារសម្រាប់អ្នកជំងឺ។
លោកសាស្ត្រាចារ្យបានបន្តថា នេះជាអគារទី២ហើយដែលរដ្ឋាភិបាលកូរ៉េជួយសាងសង់ដល់មន្ទីរពេទ្យកុមារជាតិ ខណៈអគារទី១មានកម្ពស់៣ជាន់ ដោយបានសាងសង់នៅឆ្នាំ២០០៧ មានឈ្មោះថា អគារមិត្តភាពកម្ពុជា កូរ៉េ បានដាក់ដំណើរការនៅឆ្នាំ២០១៩។ បន្ទាប់មកទៀតដោយសារតម្រូវការរបស់មន្ទីរពេទ្យមានចំនួនអ្នកជំងឺកើនឡើងជាប្រចាំកូរ៉េបានធ្វើការជួសជុល និងពង្រីកឡើងវិញនៅឆ្នាំ២០១៣ និងដាក់ដំណើរការនៅឆ្នាំ២០១៦។
លោកសាស្ត្រាចារ្យបានបន្តទៀតថា ក្រៅពីនេះមន្ទីរពេទ្យក៏ទទួលបានការជួយពីអង្គការរបស់កូរ៉េទៅលើការរៀបចំការបណ្តុះបណ្តាលដល់គ្រូពេទ្យមកពីតាមបណ្តាលខេត្តផ្សេងៗលើផ្នែកជំងឺទារកនិងជួយលើជំងឺផ្នែកស្តារលទ្ធភាពពលកម្ម។
លោកសាស្ត្រាចារ្យបានបន្ថែមថា ការជួយគាំទ្ររបស់កូរ៉េនេះពិតជាមានសារសំខាន់ណាស់ក្នុងការចូលរូមចំណែកលើកកម្ពស់គុណភាពសេវារបស់មន្ទីរពេទ្យកុមារជាតិឱ្យកាន់តែប្រសើរដោយមានការបែងចែងជំងឺឯកទេសច្បាស់លាស់ដូចជាជំងឺត្រចៀក ច្រមុះ បំពង់ក ភ្នែក តម្រង់នោម ជំងឺមហារីក ឈាម សួត ក្រពះ ពោះវៀន ដូចមនុស្សចាស់ដែរដែលគ្រោងបើកនៅពេលខាងមុខខណៈពីមុនមន្ទីរពេទ្យព្យាបាលជំងឺកុមារទូទៅដោយមិនមានការបែងចែកជាឯកទេសកុមារផ្សេងៗទេ។
លោកសាស្ត្រាចារ្យបានបញ្ជាក់ថា នៅពេលដែលអគារថ្មីនេះសាងសង់រួចរាល់នឹងជួយឱ្យមន្ទីរពេទ្យអាចមានលទ្ធភាពពង្រីកឯកទេសកាន់តែទូលំទូលាយជាងមុននិងកាន់តែមានគុណភាពបន្ថែមទៀតពិសេសក្លាយជាមជ្ឈមណ្ឌលមួយសម្រាប់បណ្តុះបណ្តាលដល់គ្រូពេទ្យផ្នែកកុមារមកពីតាមបណ្តាខេត្តនិងនិស្សិតមកពីតាមមហាវិទ្យាល័យនានាដើម្បីឱ្យ
ពួកគេកាន់តែមានចំណេះជំនាញខ្ពស់ក្នុងការព្យាបាលជំងឺជូនកុមារកម្ពុជាកាន់តែមានប្រសិទ្ធភាពថែមទៀតខណៈបច្ចុប្បន្នជាមធ្យមមានអ្នកជំងឺមកពិគ្រោះជំងឺប្រមាណពី៥០០ទៅ៦០០នាក់និងមានអ្នកជំងឺសម្រាកពេទ្យពី៣៥០ទៅ៤០០នាក់ក្នុង១ថ្ងៃ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ