ព័ត៌មានជាតិ
អាជ្ញាធរខេត្តកំពតត្រៀមរៀបចំពិធីបុណ្យឆ្លងឆ្នាំសកលឲ្យកាន់តែមានភាពទាក់ទាញ ជាងបុណ្យអុំទូកកន្លងទៅ
អភិបាលខេត្តកំពតបានមានប្រសាសន៍ថា រដ្ឋបាលខេត្តបានត្រៀមលក្ខណៈរួចរាល់ហើយ ក្នុងការរៀបចំព្រឹត្តិការណ៍បុណ្យឆ្លងឆ្នាំដែលមានរយៈពេល៣ថ្ងៃ (៣០ធ្នូ ដល់ ១មករា ២០២៣) ឲ្យមានភាពទាក់ទាញ និងសប្បាយរីករាយកាន់តែខ្លាំងជាងពិធីបុណ្យអុំទូកនាពេលកន្លងមក។
អភិបាលខេត្តកំពតបានថ្លែងនៅក្នុងកិច្ចប្រជុំដើម្បីត្រៀមរៀបចំពិធីបុណ្យឆ្លងឆ្នាំ សកល (ខេត្តកំពត)នៅព្រឹកថ្ងៃទី២០ ខែធ្នូឆ្នាំ២០២២នេះ លោកម៉ៅ ធនិន អភិបាលខេត្តកំពត បានលើកឡើងថា នៅក្នុងឱកាសបុណ្យឆ្លងឆ្នាំ (Count Down ) ២០២២ ឈានចូល២០២៣ ខាងមុខនេះ រដ្ឋបាលខេត្តបានត្រៀមរួចជាស្រេច នឹងធ្វើឲ្យពលរដ្ឋ និងទេសចរប្លែកភ្នែក ចម្លែកអារម្មណ៍ ជាមួយនឹងការរៀបចំដោយយកចិត្តទុកដាក់របស់រដ្ឋបាលខេត្ត។
នៅក្នុងព្រឹត្តិការណ៍នោះ និងមានការប្រគំតន្ត្រីខ្នាតធំ៣ទីតាំង ការប្រកួតកីឡាប្រដាល់ និងគុនល្បុក្កតោ ការប្រណាំងទូកនេសាទ និងទូកនាគ១៤៨ទូក ម៉ូតូហោះលើអាកាស ការបាញ់ពីរថ្ងៃនៅល្ងាចថ្ងៃទី៣០ និងយប់ឆ្លងឆ្នាំ ជាមួយនឹងនាឡិកាយក្ស ដាក់នៅលើស្ពានឥន្ទធនូជាដើម។
លោកអភិបាលខេត្តបានរំពឹងថា រយៈពេលបីថ្ងៃនៃពិធីបុណ្យឆ្លងឆ្នាំសកលនឹងអាចទាក់ទាញ អ្នកចូលរួមច្រើនមិនចាញ់ពិធីបុណ្យអុំទូកកន្លងទៅឡើយ គឺអាចក្នុងរង្វង់៦០ម៉ឺននាក់។
លោកម៉ៅ ធនិន អភិបាលខេត្តកំពត បានបញ្ជាក់បន្ថែមថា លោកនឹងរៀបចំជាព្រឹត្តិការណ៍សប្បាយៗធំៗ នៅក្នុងឱកាសបុណ្យទានផ្សេងៗ ឲ្យបានច្រើនដងក្នុងមួយឆ្នាំ ដើម្បីទាក់ទាញទេសចរ និងដើម្បីជំរុញដល់ជីវភាពរស់នៅរបស់ប្រជាពលរដ្ឋនៅក្នុងខេត្តទាំងមូល ឲ្យល្អប្រសើរ និងជំរុញដល់កំណើនសេដ្ឋកិច្ចរបស់ខេត្តផងដែរ។
បើតាមការបញ្ជាក់របស់ប្រធានមន្ទីរទេសចរណ៍ខេត្ត លោក សយ ស៊ីណុល បានលើកឡើងថាមកដល់ពេលនេះ ផ្ទះលម្ហែតាមដងព្រែក និងបឹងហ្គាឡូស្អាតៗត្រូវបានភ្ញៀវកក់ស្ទើរពេញអស់ទៅហើយ ចំណែកសណ្ឋាគារ និងផ្ទះសំណាក់ក៏មានការកក់មកជាបណ្តើរៗដែរ ។ តាមការសន្និដ្ឋានសេវាស្នាក់នៅអាចពេញអស់ នៅក្នុងឱកាសបុណ្យ ឆ្លងឆ្នាំសកលខាងមុខនេះ៕
ដោយ ៖ សឹង រ៉ាត់
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ