ព័ត៌មានជាតិ
បណ្ឌិត សុខ ទូច៖ ជល់ប៊ីយ៉ែមួយកែវ ស្មើនឹងជួយដល់ទីផ្សារអឺរ៉ុបដែលជាអ្នកផលិតស្រូវសាលី
ក្នុងកម្មវិធីបិទសនិ្នសីទអន្ដរជាតិប្រចាំឆ្នាំលើកទី១៧ ស្ដីពី សណ្ដាប់ធ្នាប់ពិភពលោកថ្មី “ការប្រជែងសមាហរកម្ម និងពហុប៉ូល” កាលពីម្សិលមិញនេះ លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា បង្ហាញអារម្មណ៍អាក់អន់ចិត្ត ដោយលើកឡើងថា “នាំគ្នាជល់ប៊ីយ៉ែ អត់មានអ្នកណាជល់ស្រាសររបស់ខ្មែរទេ” ដែលនេះគឺកំពុងជួយទៅទីផ្សារអឺរ៉ុប ដែលគេជាអ្នកផលិតស្រូវសាលី។
ការលើកឡើងនេះ ដោយសារតែប្រធានរាជបណ្ឌិត្យសភាកម្ពុជារូបនេះ សង្កេតឃើញថា បងប្អូនប្រជាពលរដ្ឋកម្ពុជា និយមទទួលទានប៊ីយ៉ែច្រើន ដែលចំនួននៃការទិញនេះ ហាក់គាំទ្រខ្លាំងដល់ទីផ្សារអឺរ៉ុប។ លោកថា “កាលណា អ្នកឯងជល់ប៊ីយ៉ែមួយកែវ អ្នកឯងកំពុងជួយទៅទីផ្សារអឺរ៉ុប ទីផ្សារអ៉ីតាលី ទីផ្សារអ៊ុយក្រែន ដែលគេផលិតស្រូវសាលី” មិនមែនជាកម្ពុជាឡើយ ព្រោះកម្ពុជាផលិតអង្ករ។ សម្រាប់ការផលិតប៊ីយ៉ែ មានតែទឹកប៉ុណ្ណោះ ដែលជាវត្ថុធាតុដើមរបស់ខ្មែរ ក្រៅពីនោះ សមាសធាតុផ្សេងទៀត ជារបស់គេទាំងអស់ ដែលក្នុងនោះរួមមានទាំងស្រូវសាលីផងដែរ។
លោកបណ្ឌិត ក៏ស្នើដល់យុវជនទាំងអស់ ត្រូវយល់ពីបញ្ហាទាំងនេះ និងបន្ថែមទៀតថា “បើយើងទិញអ្វីក៏ដោយ ដែលផលិតចេញពីអង្គរ ឬមានវត្ថុធាតុដើមរបស់ខ្មែរ នោះស្មើនឹងយើងជួយដល់សង្គមជាតិខ្លួនឯង”។
ជាមួយគ្នានេះ លោកបណ្ឌិត សុខ ទូច ក៏បានលើកឡើងពីកត្តាជនខិលខូចមួយចំនួន ដែលកន្លងមក ផលិតស្រា ស របស់ខ្មែរ ធ្វើឱ្យពុលដល់អ្នកទទួលទាន ដែលនេះជះឥទ្ធិពលខ្លាំងដល់ការនិយមផលិតផលស្រារបស់កម្ពុជា។ បើតាមលោកបណ្ឌិត ការទទួលទានស្រា ស ដែលផលិតដោយមានក្បួនខ្នាតត្រឹមត្រូវ និងក្នុងបរិមាណសមស្រប មិនបង្កគ្រោះថ្នាក់ដល់សុខភាពនោះទេ៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore