ព័ត៌មានជាតិ
ក្រសួងកសិកម្ម គ្រោងបើកការប្រកួតប្រជែងជើកឯកអ្នកធ្វើប្រហុកផ្អកឆ្ងាញ់
ក្រសួងកសិកម្ម រុក្ខាប្រមាញ់ និងនេសាទ គ្រោងនឹងរៀបចំបើកការប្រកួតប្រជែងរកជើកឯកអ្នកធ្វើប្រហុកផ្អកឆ្ងាញ់ប្រចាំនៅតាមភូមិណាមួយដើម្បីផ្សព្វផ្សាយផលិតផលប្រហុកផ្អកនេះឱ្យបានទូលំទូលាយ។
ថ្លែងក្នុងឱកាសចុះពិនិត្យដាយត្រី និងសកម្មភាពធ្វើប្រហុក ផ្អក របស់ប្រជាជននៅទីតាំងចំនួន២ ក្នុងស្រុកពញាឮ ខេត្តកណ្ដាល កាលពីថ្ងៃទី៣១ ខែធ្នូ ឆ្នាំ២០២២ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា នាពេលខាងមុខនេះ ក្រសួងនឹងមានការរៀបចំការប្រកួតប្រជែងធ្វើប្រហុកផ្អកឆ្ងាញ់ដើម្បីស្វែងរកថា តើនៅភូមិណាមានប្រជាពលរដ្ឋធ្វើប្រហុកផ្អកឆ្ងាញ់ជាងគេ។
លោករដ្ឋមន្ត្រីបានបន្តថា នៅពេលយើងរកឃើញហើយ យើងនឹងដាក់ដេញថ្លៃដើម្បីឱ្យប្រជាពលរដ្ឋដែលចូលចិត្តបរិភោគប្រហុកផ្អកបាន ពិសេសហាងធំៗបានដេញថ្លៃយកទៅប្រើប្រាស់ ឬធ្វើម្ហូបប្រចាំងហាងរបស់ពួកគេ។ លោករដ្ឋមន្ត្រីបានបន្តទៀតថា នេះវានឹងជួយធ្វើឲ្យទីផ្សារប្រហុកផ្អកកាន់តែត្រូវបានទទួលស្គាល់ទូលំទូលាយថែមទៀត ពិសេសអ្នកដែលធ្វើប្រហុកផ្អកឆ្ងាញ់ទទួលបានប្រាក់ចំណូលដើម្បីដោះស្រាយជីវភាពកាន់តែប្រសើរផងដែរ។
លោករដ្ឋមន្ត្រីក្រសួងកសិកម្មបានអំពាវនាវដល់ប្រជាពលរដ្ឋដែលមានបំណងចង់ធ្វើត្រីប្រហុកផ្អក សូមអញ្ជើញមកធ្វើឱ្យបានច្រើនទាន់ពេលត្រីសម្បូរ ព្រោះនៅសល់ប៉ុន្មានថ្ងៃទៀតប៉ុណ្ណោះ ខណៈតាមការព្យាករណ៍ត្រីបានចាប់ផ្តើមត្រូវច្រើនពីថ្ងៃទី២៩ ខែធ្នូ ដល់ថ្ងៃទី០៣ខែមករា ឆ្នាំ២០២៣ខាងមុខនេះ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ