ព័ត៌មានជាតិ

កងកម្លាំងកងពលតូចថ្មើរជើងលេខ ៤២ បន្តចាត់កម្លាំងល្បាតតាមខ្សែបន្ទាត់ព្រំដែន ក្នុងភូមិសាស្ត្រទទួលខុសត្រូវ

បានផុស

២ years មុន

នៅ

ថ្ងៃពុធ ៤ មករា ២០២៣

ដោយ

ឧត្តរមានជ័យ ៖ កាលពីថ្ងៃទី ៣ ខែមករា ឆ្នាំ ២០២៣ លោកឧត្ដមសេនីយ៍ទោ ប៉ែន វ៉ូយ មេបញ្ជាការកងពលតូចថ្មើរជើងលេខ ៤២ យោធភូមិភាគទី ៤ បានបន្តចាត់តាំងកម្លាំងដើរល្បាតសហការត្រួតពិនិត្យភូមិសាស្ត្រ និងល្បាតត្រួតពិនិត្យបង្គោលសីមា តាមខ្សែបន្ទាត់ព្រំដែនកម្ពុជា-ថៃ ភូមិសាស្ត្រដែលអង្គភាពទទួលខុសត្រូវគ្រប់ចំណុច គោលដៅបានកំណត់ទុក ដើម្បីតាមដានសភាពការណ៍ និងទប់ស្កាត់ការលួចឆ្លងដែនខុសច្បាប់បទល្មើសផ្សេងៗ ស្ថិតក្នុងភូមិសាស្ត្រទទួលខុសត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ទោ ប៉ែន វូយ បានមានប្រសាសន៍ថា ការដឹកនាំកម្លាំងចុះពិនិត្យតាមខ្សែបន្ទាត់ព្រំដែនកម្ពុជា-ថៃ អនុវត្តតាមបទបញ្ជារបស់ថ្នាក់លើ ដើម្បីពង្រឹងដល់កងកម្លាំងប្រចាំការ។

លោកឧត្ដមសេនីយ៍ទោ ប៉ែន វូយ បានដាក់បញ្ជាយ៉ាងតឹងរ៉ឹង ឲ្យកម្លាំងសហការជាមួយកម្លាំងប៉ូលិស ឲ្យបានល្អថែមទៀត ជាមួយកម្លាំងប្រចាំការនីមួយៗ ដើម្បីរក្សាសុខសន្តិភាព ស្ថិរភាព ជូនប្រជាពលរដ្ឋ និងមាតុភូមិ នៃយើង៕

អត្ថបទ ៖ ចាន់ ធី