ព័ត៌មានជាតិ

សួនច្បារសម្តេចព្រះសង្ឃរាជជួនណាត ក្រុងកំពង់ឆ្នាំងនឹងសម្ពោធជាផ្លូវការនាពេលខាងមុខ

បានផុស

៦ years មុន

នៅ

ថ្ងៃចន្ទ ១១ មករា ២០២១

ដោយ

សួនច្បារថ្មី សម្ដេចព្រះមហាសុមេធាធិបតី ជួន ណាត (ជោតញ្ញាណោ) ដែលមានបណ្ដោយជាង ២០០ម៉ែត្រ និងទទឹងប្រមាណជាង១៥ម៉ែត្រ ដែលជាសមិទ្ធិផលថ្មីមួយទៀត របស់ខេត្តកំពង់ឆ្នាំង ស្ថិតនៅមុខវិទ្យាល័យក្រុងកំពង់ឆ្នាំង កំពុងកសាងបង្ហើយ នឹងត្រូវដាក់សម្ពោធឲ្យប្រើប្រាស់ជាផ្លូវការនាពេលខាងមុខនេះ ដើម្បីទុកឲ្យអ្នកជំនាន់ក្រោយបានស្គាល់នូវស្នាព្រះហស្តរបស់អ្នកប្រាជ្ញអក្សរសាស្ត្ររបស់ជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈួរ ច័ន្ទឌឿន អភិបាខេត្តកំពង់ឆ្នាំង បានលើកឡើងថា រូបសំណាកសម្តេចព្រះសង្ឃរាជ ជួន ណាត នៅលើសួនច្បារថ្មី មុខវិទ្យាល័យក្រុងកំពង់ឆ្នាំង បានកសាងឡើងអំពីស្ពាន់ គឺជានិមិត្តរូប ទុកឲ្យយុវជនជំនាន់ក្រោយ បានស្គាល់បុព្វបុរស ដែលមានគុណបំណាច់ចំពោះប្រទេសជាតិ មាតុភូមិ ។ លោកបានលើកឡើងថា សម្តេចព្រះសុមេធាធិបតី ជួន ណាត (ជោតញ្ញាណោ) គឺជាអ្នកប្រាជ្ញ ខាងអក្សរសាស្ត្រខ្មែរ បានបង្កើតវចនានុក្រមអក្សរសាស្ត្រខ្មែរ ទុកសម្រាប់កូនចៅជំនាន់ក្រោយបានរៀនសូត្រយល់ដឹង។

សួនច្បារថ្មីសម្តេចព្រះសង្ឃរាជជួនណាត បានចាប់ដំណើការសាងសង់កាលពីខែសីហា ឆ្នាំ២០១៩ ដែលបច្ចុប្បន្នបានដំណើរសាងសង់ជិតរួចរាល់ហើយ ហើយគ្រោងនឹងដាក់សម្ពោធជាផ្លូវការនាពេលខាងមុខនេះ ៕

អត្ថបទ ៖ ឈៀងថារិទ្ធ