ព័ត៌មានជាតិ

ខ្សែបញ្ជូនអគ្គិសនីក្រោមបាតសមុទ្រទៅកោះរ៉ុងគ្រោងបញ្ចប់ក្រោយចូលឆ្នាំខ្មែរ

បានផុស

២ years មុន

នៅ

ថ្ងៃពុធ ២៥ មករា ២០២៣

ដោយ

ប្រភពពីក្រុមហ៊ុនរ៉ូយ៉ាល់គ្រុប បានឲ្យដឹងថា គម្រោងសាងសង់ខ្សែកាបអគ្គិសនីក្រោមបាតសមុទ្រមកកោះរ៉ុង គ្រោងបញ្ចប់នៅត្រីមាសទី ១ ឆ្នាំ ២០២៣ គឺក្រោយពិធីបុណ្យចូលឆ្នាំខ្មែរ។

បើតាមប្រភពពីក្រុមហ៊ុន ចាប់ពីខែកញ្ញា ឆ្នាំ២០២២ ក្រុមហ៊ុនរ៉ូយ៉ាល់គ្រុបកោះរ៉ុង ឌីវេឡុបមេនខមភេនី បានវិនិយោគជាមួយអគ្គិសនីកម្ពុជា ដើម្បីតខ្សែកាបក្រោមបាតសមុទ្រមកកាន់កោះរ៉ុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនបានបញ្ជាក់ថា ខ្សែបញ្ជូនប្រមាណ ៦០ គីឡូម៉ែត្រ ត្រូវបានសាងសង់នៅលើកោះរ៉ុង នឹងបញ្ចប់នៅក្នុងត្រីមាសទី១ ឆ្នាំ២០២៣ ដើម្បីអាចមានអគ្គិសនីចែកចាយនៅក្រោយពិធីបុណ្យចូលឆ្នាំខ្មែរខាងមុខនេះ។

កាលពីឆ្នាំ ២០១៧ អគ្គិសនីកម្ពុជា បានសាងសង់ខ្សែកាបអគ្គិសនីកប់ក្រោមបាតសមុទ្រទីមួយ ដើម្បីផ្គត់ផ្គង់អគ្គិសនីជូនប្រជាពលរដ្ឋជាង ៦០០ គ្រួសារ ដែលរស់នៅនិងប្រកបអាជីវកម្មនៅក្នុងតំបន់កោះស្ដេច ស្ថិតនៅក្នុងឃុំកោះស្តេច ស្រុកគិរីសាគរ ខេត្តកោះកុង។

តាមរយៈបណ្ដាញអគ្គិសនីជាតិនេះ បានសម្រួលថ្លៃប្រើប្រាស់អគ្គិសនីដល់ពលរដ្ឋរាប់រយគ្រួសារដែលរស់នៅ និងប្រកបរបរនៅលើកោះស្តេច ដោយអាចទទួលបានប្រភពអគ្គិសនីប្រកបដោយស្ថិរភាព និងមានតម្លៃសមរម្យ៕

Related Topics:ក្រុមហ៊ុន រ៉ូយ៉ាល់គ្រុប