ព័ត៌មានជាតិ
២ខែ នគរបាលរាជធានីភ្នំពេញ ចុះធ្វើអត្តសញ្ញាណប័ណ្ណដល់តាមខ្នងផ្ទះពលរដ្ឋ បានជាង ៣ម៉ឺននាក់
រយៈពេល ២ខែ នៃយុទ្ធនាការចុះធ្វើអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋដល់តាមភូមិ និងតាមខ្នងផ្ទះ ក្នុងភូមិសាស្រ្ដរាជធានីភ្នំពេញ គឺនគរបាលរាជធានីភ្នំពេញ ចុះធ្វើបានជាង ៣ម៉ឺននាក់ហើយ។
លោកឧត្ដមសេនីយ៍ត្រី សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា គិតមកដល់ថ្ងៃទី ៣១ ខែមករា ឆ្នាំ ២០២៣នេះ គឺមានរយៈពេល ២ខែហើយ ដែលមន្ត្រីនគរបាលរាជធានីភ្នំពេញ បានចុះធ្វើអត្តសញ្ញាណបណ្ណសញ្ជាតិខ្មែរដល់តាមភូមិ និងតាមខ្នងផ្ទះរបស់ប្រជាពលរដ្ឋ ដែលរស់នៅក្នុងរាជធានីភ្នំពេញ។
លោកឧត្ដមសេនីយ៍ត្រី បានឲ្យដឹងបន្តថា ក្នុងរយៈពេល ២ខែមកនេះ មន្ត្រីនគរបាលរាជធានីភ្នំពេញ បានចុះធ្វើអត្តសញ្ញាណប័ណ្ណសញ្ជាតិខ្មែរ ជូនដល់ប្រជាពលរដ្ឋចំនួន ៣១,៨៦៩នាក់។ អ្នកនាំពាក្យរូបនេះ បានឲ្យដឹងបែបនេះថា «យុទ្ធនាការ នៃការចុះធ្វើ ២ខែពេញនេះ ជាលទ្ធផលគឺការធ្វើអត្តសញ្ញាណប័ណ្ណសញ្ជាតិខ្មែរ ប្រភេទថ្មី ក៏ដូចការដូរចាស់ ឬក៏ហួសសុពលភាព សរុបហ្នឹង គឺយើងធ្វើបានចំនួន ៣១,៨៦៩នាក់ អញ្ចឹងគឺយើងធ្វើបានច្រើនក្នុងរយៈពេល ២ខែនេះ»។
បើតាមលោកឧត្ដមសេនីយ៍ត្រី សាន សុខសីហា គឺប្រជាពលរដ្ឋរស់នៅរាជធានីភ្នំពេញ បានបង្ហាញការសប្បាយចិត្តជាខ្លាំង នៅពេលដែលមន្ត្រីនគរបាលរាជធានីភ្នំពេញ បានចុះធ្វើអត្តសញ្ញាណបណ្ណជូនពួកគាត់។ ប្រជាពលរដ្ឋ ក៏បានថ្លែងអំណរគុណដល់លោកឧត្ដមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដែលបានផ្ដួចផ្ដើមឲ្យមានការចុះធ្វើជូនពួកគាត់យ៉ាងដូច្នេះ។
គួររំលឹកថា លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ កាលពីថ្ងៃទី ៣០ ខែវិច្ឆិកា ឆ្នាំ ២០២២កន្លងទៅនេះ បានណែនាំដល់ការិយាល័យអត្តសញ្ញាណប័ណ្ណសញ្ជាតិខ្មែរ និងអធិការដ្ឋាននគរ បាលខណ្ឌទាំង ១៤ ព្រមទាំងប៉ុស្តិ៍នគរបាលរដ្ឋបាលទាំង ១០៥ ត្រូវចាប់ផ្ដើមចុះរៀបចំ និងចុះធ្វើអត្តសញ្ញាណបណ្ណសញ្ជាតិខ្មែរដល់តាមភូមិ និងតាមខ្នងផ្ទះរបស់ប្រជាពលរដ្ឋ៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)