ព័ត៌មានជាតិ
សាស្រ្តាចារ្យ សំបូរ មាណ្ណារ៉ា បង្ហាញពីសុជីវធម៌៦ចំណុច ដែលមនុស្សគួរមាន
សាស្ត្រាចារ្យប្រវត្តិសាស្ត្រល្បីឈ្មោះនៅកម្ពុជា លោក សំបូរ មាណ្ណារ៉ា បានលើកឡើង ៦ចំណុចពីសុជីវធម៌របស់មនុស្សដែលគួរមាន គួបផ្សំនឹងសីលធម៌រស់នៅប្រចាំថ្ងៃ។ បើតាមលោកសាស្រ្តាចារ្យ នៅពេលមានសុជីវធម៌ទាំង៦ចំណុចនេះ នឹងធ្វើឲ្យក្លាយជាមនុស្សល្អ រស់នៅក្នុងផ្លូវត្រូវ និងប្រកបដោយភាពថ្លៃថ្នូរ។
សុជីវធម៌ទាំង ៦ចំណុច គឺទី១ ត្រូវដឹងខ្លួនឯងឱ្យច្បាស់ថា ទង្វើដែលអ្នកបានធ្វើចេញមកនោះ គឺជារឿងខុស ឬ ត្រូវ? ចំណុចទី២ ត្រូវដឹងពីឋានៈរបស់ខ្លួនឱ្យបានច្បាស់ ថាខ្លួនអ្នកជានរណា ហើយកន្លែងដែលអ្នកទៅនោះ មាននរណាខ្លះនៅជាមួយ? ដើម្បីរៀបចំឥរិយាបថឱ្យបានត្រឹមត្រូវក្នុងការប្រាស្រ័យទាក់ទងគ្នា។ ទី៣ ត្រូវដឹងពីតម្លៃ សមត្ថភាព និងធនធានរបស់ខ្លួនឯងឱ្យបានច្បាស់លាស់ ត្រូវមានសុជីវធម៌ កុំអួតអាងហួសហេតុ ពោល គឺធ្វើអ្វីត្រូវប៉ាន់ប្រមាណពីការចាយវាយរបស់ខ្លួនឯង។
រីឯទី៤ គឺត្រូវដឹងកាល មានន័យថា ពេលវេលាហ្នឹង តើមនុស្សគ្រប់រូបត្រូវធ្វើអ្វី? ដូចជាការហៅទូរស័ព្ទជាដើម តើពេលវេលាដែលគេសម្រាក អ្នកគួរហៅទូរស័ព្ទទៅគេទេ ប្រសិនជារឿងនោះមិនចាំបាច់? នេះ គឺជាសុជីវធម៌ចាំបាច់មួយ។ ទី៥ ត្រូវដឹងទីតាំង ត្រង់ចំណុចនេះ មនុស្សគ្រប់រូបត្រូវដឹងពីទីកន្លែងដែលខ្លួនកំពុងតែនៅ និងរៀបចំឥរិយាបថ តួនាទីបែបណាស្របតាមតម្រូវការទីតាំងនោះ។ ទី៦ ចុងក្រោយ គឺស្គាល់ពីមនុស្សនៅជុំវិញខ្លួនថា គេជាមនុស្សបែបណា ស្ថិតក្នុងឋានៈមួយណា ដើម្បីងាយស្រួលរៀបចំការនិយាយស្តី និងការគោរពឱនលំទោនផ្តល់តម្លៃដល់បុគ្គលដែលមានឋានៈខ្ពស់ជាង។ គុណធម៌ និងសុជីវធម៌ ពិតជាសំខាន់ណាស់សម្រាប់មនុស្សម្នាក់ៗគួរមាននៅក្នុងជីវិតរបស់ពួកគេ។ នេះបើតាមការលើកឡើងរបស់លោកសាស្ត្រាចារ្យ សំបូរ មាណ្ណារ៉ា។
ជាមួយគ្នានេះ សាស្ត្រាចារ្យប្រវត្តិសាស្រ្តដ៏ល្បីរូបនេះ បានសង្កេតឃើញថា យុវវ័យនាសម័យនេះ មានតិចបំផុតដែលស្គាល់ពីសីលធម៌ និងយល់ពីអត្ថន័យរបស់សីលធម៌បានត្រឹមត្រូវ។ ដូច្នេះ លោកសំណូមពរទៅមនុស្សគ្រប់រូបគួរឈ្វេងយល់ពីសីលធម៌ គុណធម៌ និងសុជីវធម៌បន្ថែមទៀត ដើម្បីភាពល្អប្រសើររបស់បុគ្គល គ្រួសារ និងសង្គមជាតិ៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង