ព័ត៌មានជាតិ
ដឹងកាលបរិច្ឆេទបើកការដ្ឋានសាងសង់កំពង់ផែទឹកជ្រៅខេត្តព្រះសីហនុ
ក្រោយការសិក្សាជាច្រើនឆ្នាំ និងរងការរំខានដោយសារការរីករាលដាលនៃជំងឺកូវីដ ១៩ គម្រោងពង្រីកកំពង់ផែទឹកជ្រៅខេត្តព្រះសីហនុនឹងឈានទៅបើកការដ្ឋានសាងសង់នៅពាក់កណ្ដាលឆ្នាំ២០២៣។
ថ្លែងប្រាប់បណ្ដាញសារព័ត៌មាននៅក្នុងសន្និសីទនៅព្រឹកមិញនេះ លោក គួច ចំរើន អភិបាលនៃគណៈអភិបាលខេត្តព្រះសីហនុបានឲ្យដឹងថា ការសាងសង់កំពង់ផែទឹកជ្រៅខេត្តព្រះសីហនុជំហានទីមួយ នឹងបើកការដ្ឋានសាងសង់នៅអំឡុងខែមិថុនាពាក់កណ្ដាលឆ្នាំ ២០២៣។
លោកបញ្ជាក់ថា បច្ចុប្បន្នកំពុងឈានដល់ដំណាក់កាលជ្រើសរើសក្រុមហ៊ុនសាងសង់ ខណៈអាជ្ញាធរខេត្តក៏បានត្រៀមទីតាំងទុកសម្រាប់ការចាប់ផ្ដើមដំណើរការសាងសង់។
បើតាមលោកគួច ចំរើន ការសាងសង់កំពង់ផែទឹកជ្រៅខេត្តព្រះសីហនុមានការសិក្សានិងឆ្លងនីតិវិធីច្រើន ហើយបើតាមលោកអភិបាលខេត្តការដេញថ្លៃជ្រើសរើសក្រុមហ៊ុនសាងសង់នឹងធ្វើឡើងនៅប្រទេសជប៉ុន។
«ខ្ញុំមិនដឹងថា ពេលដេញថ្លៃនៅប្រទេសជប៉ុន នឹងអញ្ជើញប្រតិភូខេត្តព្រះសីហនុទៅចូលរួមឬយ៉ាងណា ដោយសារគម្រោងកំពងផែនេះស្ថិតនៅក្រោមការគ្រប់គ្រងអង្គភាពស្វយ័តកំពង់ផែ និងក្រសួងសាធារណការ»។
ក្រោមការគាំទ្រពីរដ្ឋាភិបាលជប៉ុន ការពង្រីកកំពង់ផែទឹកជ្រៅខេត្តព្រះសីហនុគ្រោងសាងសង់ជា ៣ ដំណាក់កាល។ លោក ស៊ុន ចាន់ថុល រដ្ឋមន្ត្រីក្រសួងសាធារណការធ្លាប់បានបញ្ជាក់ថា ការសាងសង់កំពង់ផែទឹកជ្រៅខេត្តព្រះសីហនុដំណាក់កាលទី ១ នឹងបញ្ចប់នៅឆ្នាំ ២០២៥ ដែលអាចបម្រើសេវាកម្មដឹកជញ្ជូនប្រមាណ ៩៣% នៃនាវាធំៗទាំងអស់ដែលធ្វើដំណើរក្នុងតំបន់អាស៊ីប៉ាស៊ីហ្វិក។
ដោយឡែកដំណាក់កាលទី២ និងទី៣ នឹងត្រូវសាងសង់បន្តបន្ទាប់មានជម្រៅទឹករហូតដល់ ១៨ ម៉ែត្រ ដែលបញ្ចប់នៅឆ្នាំ២០២៨៕
-
សន្តិសុខសង្គម១៩ ម៉ោង ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ១ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ជីវិតកម្សាន្ដ៤ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ជីវិតកម្សាន្ដ១ សប្តាហ៍ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ៤ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៣ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានជាតិ៥ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
ជីវិតកម្សាន្ដ៤ ថ្ងៃ ago
ករុណា ពេជ្រ ហួសចិត្តអ្នក Troll សើចចំអក សេះសមុទ្រ បាញ់ទឹក នៅខេត្តកំពត