ព័ត៌មានជាតិ
លោកជំទាវ ម៉ែន សំអន ៖ មន្ត្រីឧទ្យានុរក្ស ត្រូវថែរក្សា និងអភិរក្សតំបន់ការពារធម្មជាតិរបស់ឧទ្យានជាតិកែប ឲ្យនៅគង់វង្ស ដើម្បីទាក់ទាញទេសចរ
លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា មន្ត្រីឧទ្យានុរក្ស ត្រូវថែរក្សា និងអភិរក្សតំបន់ការពារធម្មជាតិរបស់ឧទ្យានជាតិកែបឲ្យនៅគង់វង្ស ដើម្បីទាក់ទាញទេសចរឲ្យកាន់តែច្រើនបន្ថែមទៀត។
លោកជំទាវកិត្តិសង្គហបណ្ឌិត ម៉ែន សំអន ថ្លែងបែបនេះ ខណៈអញ្ជើញជួបសំណេះសំណាលជាមួយមន្ត្រីឧទ្យានុរក្ស និងមន្ត្រីរាជការ នៃមន្ទីរបរិស្ថានខេត្តកែប កាលពីថ្ងៃពុធ ២ រោច ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ៨ ខែមីនា ឆ្នាំ ២០២៣។
លោកជំទាវក៏បានពាំនាំនូវការផ្ដាំផ្ញើការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់មន្ត្រី នៃមន្ទីរបរិស្ថាន ដោយក្តីនឹករលឹក និងការគិតគូរអំពីសុខទុក្ខរបស់មន្ត្រីរាជការ នៅគ្រប់ពេលវេលា។
លោកជំទាវបានបន្តទៀតថា ក្រោមម្លប់ នៃសុខសន្តិភាព យើងទាំងអស់គ្នាអាចប្រកបរបរចិញ្ចឹមជីវិតរៀងៗខ្លួន។ ការសំណេះសំណាលនេះ ក៏ស្របពេលដែលនៅទូទាំងប្រទេស បានរៀបចំពិធីអបអរសាទរខួបលើកទី ១១២ ទិវាអន្តរជាតិ ៨ មីនា ឆ្នាំ ២០២៣ ក្រោមមូលបទ ក្រោមប្រធានបទ “ស្ត្រីរួមគ្នារក្សាសន្តិភាព ដើម្បីកិច្ចអភិវឌ្ឍន៍ក្នុងយុគសម័យឌីជីថល”។
លោកជំទាវក៏បានផ្ដាំផ្ញើមន្ត្រីរាជការ នៃមន្ទីរបរិស្ថាន ជាពិសេសមន្ត្រីឧទ្យានុរក្ស ត្រូវថែរក្សា និងអភិរក្សតំបន់ការពារធម្មជាតិរបស់ឧទ្យានជាតិកែបឲ្យនៅគង់វង្ស ដើម្បីទាក់ទាញទេសចរ ដើម្បីរួមចំណែកដល់កិច្ចអភិវឌ្ឍន៍ខេត្តកែប និងបានឧបត្ថម្ភអង្ករ ១ តោន មី ៣ កេសធំ និងថវិកា ១ លានរៀល និងឧបត្ថម្ភដល់មន្ត្រី ៣៩ នាក់ ក្នុងម្នាក់ៗ ថវិកា ៥ ម៉ឺនរៀល ដោយឡែកសម្រាប់នារី ១៤ នាក់ ក្នុងម្នាក់ៗ ទទួលបានសំពត់សឹង ១ ក្បិន បន្ថែមទៀត។
គួររំលឹកផងដែរថា ប៉មមើលទេសភាពកម្ពស់ ១២ ម៉ែត្រនេះ គឺជាមធ្យោបាយកម្សាន្តមួយបន្ថែមទៀតសម្រាប់ភ្ញៀវទេសចរដែលមកទស្សនាឧទ្យានជាតិកែប បន្ថែមពីលើសម្រស់ធម្មជាតិ សត្វព្រៃ និងផ្លូវក្រវាត់ភ្នំដែលអាចដើរកម្សាន្ត និងហាត់ប្រាណរបស់មនុស្សទូទៅ។ បន្ទាប់មកក៏ធ្វើដំណើរទស្សនកិច្ចនៅលើកោះទន្សាយ។
ជាចុងក្រោយ លោកជំទាវក៏បានថ្លែងនូវការកោតសរសើរដល់ លោក សោម ពិសិដ្ឋ អភិបាល នៃគណៈអភិបាលខេត្តកែប ដែលបានដឹកនាំ កសាង អភិវឌ្ឍន៍ខេត្ត ដែលបានកែប្រែមុខមាត់ និងលើកសោភណភាពខេត្តកែបបានថែមមួយកម្រិតទៀត៕
អត្ថបទ ៖ វិមាន
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល