ព័ត៌មានជាតិ

មកដល់ថ្ងៃនេះ ខេត្តបន្ទាយមានជ័យ ទទួលពលករខ្មែរប្រមាណ៤.០០០នាក់ ដើម្បីធ្វើចត្តាឡីស័ក

បានផុស

៥ years មុន

នៅ

ថ្ងៃសុក្រ ១៥ មករា ២០២១

ដោយ

មណ្ឌលចត្តាឡីស័កទាំង១៣ កន្លែង ក្នុងខេត្តបន្ទាយមានជ័យ បានធ្វើចត្តាឡីស័កពលករខ្មែរប្រមាណ៤.០០០នាក់ បានចូលពិនិត្យ តែក្នុងនោះមាន១.០០០នាក់ បានចេញទៅផ្ទះវិញហើយ ក្រោយធ្វើចត្តាឡីស័ករួចចំនួន១៤ថ្ងៃអស់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុំ រាត្រី អភិបាលខេត្តបន្ទាយមានជ័យ បានឲ្យដឹងកាលពីល្ងាចថ្ងៃទី១៤ ខែមករា ឆ្នាំ ២០២១ នៅផ្លូវជាតិលេខ៥៦ ក្នុងមណ្ឌលចត្តាឡីស័កកងវ៉ា ភូមិកងវ៉ាសង្កាត់ កំពុងស្វាយនិងមណ្ឌលចត្តាឡីស័ក វិទ្យាល័យសម្តេច ឪ ក្នុងភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ លោក អ៊ុំ រាត្រី បានបន្តឲ្យដឹងទៀតថា ចំពោះមុខ ក្រុមការងារនៃគណៈកម្មការ បាននិងកំពុងទ្រោលលើការងារទទួលត្រួតពិនិត្យសុខភាព យកវត្ថុសំណាករកមេរោគកូវីដ-១៩និងធ្វើចត្តាឡីស័ក ចំពោះអ្នកវិជ្ជមានកូវីដ-១៩ចំនួន២០នាក់ បានបញ្ជូនទៅសម្រាកថែទាំនិងព្យាបាលសុខភាព នៅកន្លែងផ្សេង។ លោក អ៊ុំ រាត្រី បានបន្តឲ្យដឹងទៀតថា សម្តេចនាយករដ្ឋមន្ត្រី ហ៊ុន សែន តែងតែផ្តល់ការលើកទឹកចិត្តដល់ក្រុមការងារនិងសួរសុខទុក្ខពលករ ដែលបាននឹងកំពុងធ្វើចត្តាឡីស័កនៅតាមមណ្ឌលខ្លះនៃខេត្តជាប់បណ្តោយព្រំដែនកម្ពុជា ថៃ។

ក្នុងនោះ នៅខេត្តបន្ទាយមានជ័យ ដែលមានច្រើននិងគ្រប់គ្រង ចាត់ចែងបានល្អប្រសើរជាងគេផងដែរ។ លោក អ៊ុំ រាត្រី បានបន្តឲ្យដឹងទៀតថា សព្វថ្ងៃនេះរាជរដ្ឋាភិបាលនិងអាជ្ញាធរមានសមត្ថកិច្ចគ្រប់ផ្នែកកំពុងយកចិត្តទុកដាក់ខិតខំបំពេញការងារប្រយុទ្ធប្រឆាំងនឹងជំងឺកូវីដ-១៩នេះ បានល្អនិងមានប្រសិទ្ធិភាពខ្ពស់ ក្នុងនោះលោកបានផ្តល់កម្លាំងចិត្តនិងផ្តល់កម្លាំងចិត្តដល់បងប្អូនពលករឲ្យគោរពវិន័យនិងអនុវត្តតាមការណែនាំរបស់ក្រសួងសុខាភិបាល ដើម្បីបានឆាប់វិលត្រឡប់ទៅផ្ទះសម្បែង ហើយក្លាយជាកម្លាំងពលកម្មដ៏រឹងមាំ មានសុខភាពល្អសម្រាប់កសាងជីវភាពគ្រួសារនិងសេដ្ឋកិច្ចជាតិឲ្យរីកចម្រើនថែមទៀត៕