Connect with us

ព័ត៌មានជាតិ

ដំណាច់ខែមេសា ផ្លូវកៅស៊ូប្រវែង៣គីឡូម៉ែត្រ​នៅឃុំប៉ាក់ខ្លង​នឹងដាក់ឱ្យដំណើរការផ្លូវការ

បានផុស

នៅ

កោះកុង៖ សកម្មភាពនៃការលើកកម្ពស់កម្រិតគុណភាពផ្លូវកៅស៊ូប្រវែង៣គីឡូម៉ែត្រនៅឃុំប៉ាក់ខ្លង សម្រេចបានជាង ៨០ភាគរយ ដោយគ្រោងនឹងបញ្ចប់នៅដំណាច់ខែមេសា ឆ្នាំ២០២៣ខាងមុខនេះ។ នេះបើតាមការបញ្ជាក់​របស់​លោកប្រធានមន្ទីរសាធារណការ និងដឹកជញ្ចូនខេត្តកោះកុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាកាសធាតុអំណោយផលល្អដល់ដំណើរការជួសជុលកែលម្អ ក្រមការងារជំនាញបច្ចេកទេស បាននិងកំពុង​សម្រុក​ពន្លឿនចាក់កិនកៅស៊ូទៅតាមដំណាក់កាលនីមួយៗនៅក្នុងឃុំប៉ាក់ខ្លង ស្រុកមណ្ឌលសីមា ខេត្តកោះកុង។

លោក អន ដាវុធ ប្រធានមន្ទីរសាធាណការ និងដឹកជញ្ជូនខេត្តកោះកុង ថ្លែងនៅថ្ងៃទី១៩ ខែមីនា នេះថា កំណាត់ផ្លូវកៅ​ស៊ូប្រភេទDBST នេះមានប្រវែង ៣គីឡូម៉ែត្រ និងទទឹង៧ម៉ែត្រ ដោយផ្តើមអនុវន្តគម្រោងកាលពីខែសីហា ឆ្នាំ២០២២។ បច្ចុប្បន្នសម្រេចការងារគម្រោងបានជាង៨០ភាគរយហើយ នៅសេសសល់តែ២០ភាគរយទៀតប៉ុណ្ណោះ។

លោក អន ដាវុធ បានបន្ថែមថា កន្លងទៅដោយសារតែអាកាសធាតុមានភ្លៀងធ្លាក់ច្រើន ទើបធ្វើឱ្យការងារ​ស្ថាបនា​កែលម្អហាក់យឺតយ៉ាវបន្តិច តែទោះយ៉ាងណា ក្រុមការងារជំនាញនឹងពន្លឿនឱ្យចប់នៅបំណាច់ខែមេសា។ មន្រ្តីជំនាញ ជឿជាក់ថា ការងារលើកកម្ពស់កម្រិតគុណភាពផ្លូវកៅស៊ូខាងលើ នឹងជួយសម្រួលដល់ការ​ធ្វើដំណើរប្រកប​ដោយ​សុវត្ថិភាព ពិសេសដឹកផលប្រមូលនេសាទទៅកាន់ទីផ្សារបានយ៉ាងឆាប់រហ័ស។

បន្ថែមលើការកែលម្អគុណភាពផ្លូវ មន្រ្តីជំនាញ ក៏ផ្តោតការយកចិត្តទុកដាក់ទៅការដំឡើងជាស្លាកសញ្ញាចរាចរណ៍​បន្ថែមតាមដងផ្លូវ ដើម្បីលើកកម្ពស់សោភ័ណ្ឌភាពផ្លូវ និងផ្តល់ភាពងាយស្រួលដល់អ្នកបញ្ជាយានយន្តគ្រប់ប្រភេទ។

លោក ថូវ ប៊ុនកេរ មេឃុំប៉ាក់ខ្លង និងប្រជាពលរដ្ឋរស់នៅក្នុងមូលដ្ឋាន បង្ហាញក្តីរីករាយពេលមាន​ផ្លូវកៅស៊ូងាយ​ស្រួលធ្វើដំណើរចរាចរណ៍ ព្រមទាំងដឹកជញ្ចូនផលនេសាទទៅកាន់ទីផ្សារបានយ៉ាងឆាប់រហ័សប្រកបដោយសុវត្ថិភាព។

លោកមេឃុំប៉ាក់ខ្លង និងពលរដ្ឋ និយាយថា កន្លងទៅស្ថានភាពផ្លូវនេះមានការបាក់​ស្រុតដោយកន្លែងបង្កឱ្យពិបាក​ចរាចរណ៍។ ដូច្នេះពួកគាត់អរគុណដល់រដ្ឋបាលខេត្តកោះកុង និងមន្ទីរសាធារណការ និងដឹកជញ្ចូនខេត្ត ដែលគិត​គូរពីទុក្ខលំបាកក៏ដូចជាសេចក្តីត្រូវចង់បាននាពេលបច្ចុប្បន្ន៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៣ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៤ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៧ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៧ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម