ព័ត៌មានជាតិ

ប្រជាជនខេត្តព្រៃវែងកើនដល់ជាង ១ លាន ២ សែននាក់

បានផុស

៣ years មុន

នៅ

ថ្ងៃពុធ ២២ មីនា ២០២៣

ដោយ

តួលេខប្រជាជនក្នុងខេត្តព្រៃវែងបានកើនដល់ចំនួនជាង ១ លាន ២ សែននាក់។ នេះបើយោងតាមរបាយការណ៍របស់រដ្ឋបាលខេត្តព្រៃវែង។

ថ្លែងនៅក្នុងសន្និសីទជោគជ័យរយៈពេល ៥ ឆ្នាំ របស់រដ្ឋបាលខេត្តព្រៃវែងនៅព្រឹកនេះ លោក ជា សុមេធី អភិបាលនៃគណៈអភិបាលខេត្តព្រៃវែងបានឲ្យដឹងថា ចំនួនប្រជាពលរដ្ឋក្នុងខេត្តព្រៃវែងបច្ចុប្បន្នសរុបមានចំនួន ២៩៥.០៧៤ គ្រួសារ ស្មើចំនួនមនុស្ស ១.២៦៣.១៨២នាក់ ក្នុងនោះប្រជាពលរដ្ឋដែលមានអាយុចាប់ពី ១៨ ឆ្នាំឡើងមានចំនួន ៨១០.០៩១ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតនៅប៉ែកអាគ្នេយ៍មានចម្ងាយ ៩៥ គីឡូម៉ែត្រពីរាជធានីភ្នំពេញ ខេត្តព្រៃវែងជាប់ជាខេត្តផលិតស្រូវលេខ ១ ក្នុងប្រទេសកម្ពុជា។

លោក ជា សុមេធី បានបញ្ជាក់ថា ខេត្ដព្រៃវែងស្ថិតនៅតំបន់វាលរាប និងវាលទំនាបជាខេត្តមានសក្តានុពលខ្ពស់លើវិស័យកសិកម្មពិសេសដំណាំស្រូវ ដែលបរិមាណផលស្រូវសរុបច្រើនជាងបណ្តាខេត្តនានាទូទាំងប្រទេស ខណៈគ្រួសារប្រជាពលរដ្ឋប្រមាណ ៧៨% ជាអ្នកប្រកបរបរកសិកម្មជាចម្បង។

ដោយឡែកទាក់ទងកិច្ចសហប្រតិបត្តិការជាមួយប្រទេសជិតខាង ខេត្តព្រៃវែងមានព្រំប្រទល់ប្រវែង ៨៤,២ គីឡូម៉ែត្រ ជាប់ខេត្តចំនួន ០៣ នៃសាធារណៈរដ្ឋសង្គមនិយមវៀតណាម គឺខេត្តតៃនិញ ខេត្តឡុងអាន និងខេត្តដុងថាប់។ ខេត្តមានច្រកទ្វារព្រំដែនចំនួន ០៦ ជាមួយប្រទេសវៀតណាមគឺច្រកទ្វារព្រំដែនអន្តរជាតិបន្ទាយចក្រី កោះរកា ម៉ឺនជ័យ និងច្រកទ្វារតំបន់ព្រំដែន កោះសំពៅ ពាមមន្ទារ និងស្វាយអាង៉ោង៕

Related Topics:លោក ជា សុមេធី