ព័ត៌មានជាតិ

៣ ខែដើមឆ្នាំ ២០២៣ កម្ពុជាទទួលបានទេសចរអន្តរជាតិជាង ១ លាន ២ សែន នាក់

បានផុស

២ years មុន

នៅ

ថ្ងៃពុធ ៥ មេសា ២០២៣

ដោយ

រយៈពេល ៣ ខែដើមឆ្នាំនៃឆ្នាំ២០២៣ (មករា-មីនា) កម្ពុជាទទួលបានភ្ញៀវទេសចរអន្តរជាតិប្រមាណ ១.២ លាននាក់ ក្នុងកំណើនជាង៧១៨ % ក្នុងនោះទេសចរចិនប្រមាណ ១២ ម៉ឺននាក់។

កម្ពុជារំពឹងនឹងអាចទទួលភ្ញៀវទេសចរអន្តរជាតិបានយ៉ាងតិច ៤ លាននាក់នៅឆ្នាំ ២០២៣ ទន្ទឹមនឹងការដាក់ចេញផែនការសកម្មភាព ៥ ចំណុច ដើម្បីបន្តទាក់ទាញទេសចរអន្តរជាតិ និងគាំទ្រយុទ្ធនាការ «ឆ្នាំទស្សនាកម្ពុជា ២០២៣» ក្រោមទិសស្លោក «រាល់ថ្ងៃ គឺជាអច្ឆរិយ:។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងទេសចរណ៍លើកឡើងនៅក្នុងកិច្ចប្រជុំលើកទី៣ នៃក្រុមការងាររាជរដ្ឋាភិបាល និងឯកជនដើម្បីស្តារ និងលើកស្ទួយវិស័យទេសចរណ៍កម្ពុជាក្នុង និងក្រោយវិបត្តិជំងឺកូវីដ-១៩ កាលពីថ្ងៃទី១១ ខែមករាឆ្នាំ២០២៣ ថា កម្ពុជានឹងទទួលបានភ្ញៀវទេសចរអន្តរជាតិយ៉ាងហោច ៤ លាននាក់ ដោយក្នុងនោះទេសចរចិនប្រមាណ ១ លាននាក់។

ការរំពឹងដូច្នេះដោយយោងទៅលើការរៀបចំយុទ្ធនាការ «ឆ្នាំទស្សនាកម្ពុជា ២០២៣» ការរៀបចំព្រឹត្តិការណ៍ប្រកួតកីឡាស៊ីហ្គេម-អាស៊ានប៉ារ៉ាហ្គេម ព្រមទាំងការប្រកាសបើកព្រំដែនរបស់ចិនឡើងវិញ។

ក្រសួងទេសចរណ៍បានសម្រេចដាក់ចេញនូវផែនការសកម្មភាពចំនួន ៥ ចំណុច។ ក្នុងនោះរួមមាន ការរៀបចំសេចក្តីព្រាងវិធានការអនុវត្តយុទ្ធនាការ «ឆ្នាំទស្សនាកម្ពុជា ២០២៣» ដើម្បីបង្កើនការផ្សព្វផ្សាយទេសចរណ៍កម្ពុជា ការលើកកម្ពស់កិត្តិនាមទេសចរណ៍ ការផ្សារភ្ជាប់រវាងព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ជាមួយនិងយុទ្ធនាការ «ឆ្នាំទស្សនាកម្ពុជា ២០២៣» និងការបង្កើតព្រឹត្តិការណ៍ទេសចរណ៍ «មួយខែយ៉ាងតិចមួយព្រឹត្តិការណ៍» ដើម្បីបង្កើនភ្ញៀវទេសចរណ៍ជាតិ និងអន្តរជាតិ៕

Related Topics:ក្រសួងទេសចរណ៍