ព័ត៌មានជាតិ
ស្នងការរាជធានីភ្នំពេញ ត្រៀមកម្លាំងជាង ២ពាន់នាក់ ដើម្បីការពារសន្តិសុខសណ្ដាប់ធ្នាប់ និងសម្រួលចរាចរណ៍ អំឡុងពេលចូលឆ្នាំថ្មី
ស្នងការដ្ឋាននគរបាលរាជធានីភ្នំពេញ បានត្រៀមកម្លាំងជាង ២ពាន់នាក់ ដើម្បីថែរក្សាការពារសន្តិសុខសណ្ដាប់ធ្នាប់ និងសម្រួលចរាចរណ៍ ជូនប្រជាពលរដ្ឋធ្វើដំណើរទៅស្រុកកំណើត ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ។
លោកឧត្ដមសេនីយ៍ត្រី សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានឲ្យដឹងនៅព្រឹកថ្ងៃទី ១០ ខែមេសានេះថា នៅក្នុងអំឡុងពេលពិធីបុណ្យចូលឆ្នាំថ្មី ប្រពៃណីជាតិខ្មែរនេះ ស្នងការដ្ឋាននគរបាលរាជធានីភ្នំពេញ បានត្រៀមកម្លាំងជាង ២ពាន់នាក់ ដើម្បីថែរក្សាការពារសន្តិសុខសណ្ដាប់ធ្នាប់ ក៏ដូចជាសម្រួលចរាចរណ៍ជូនប្រជាពលរដ្ឋ នៅគ្រប់ច្រកចេញ-ចូលរាជធានីភ្នំពេញ។
លោកឧត្ដមសេនីយ៍ត្រី សាន សុខសីហា បានបញ្ជាក់បែបនេះថា «យើងបានដាក់ចេញនូវផែនការច្បាស់លាស់ ដែលយើងនឹងប្រើប្រាស់កម្លាំងសរុបជាង ២ពាន់នាក់ ដើម្បីរក្សាឲ្យបាននូវសន្តិសុខសណ្ដាប់ធ្នាប់ ក៏ដូចជាការសម្រួលចរាចរណ៍នៅក្នុងភូមិសាស្រ្ដរាជធានីភ្នំពេញ ជាពិសេសច្រកចេញ-ចូលទាំងអស់ ដើម្បីបង្កការងាយស្រួលដល់បងប្អូនប្រជាពលរដ្ឋ ដែលគាត់អញ្ជើញទៅដើរកម្សាន្ដ នៅតាមរមណីដ្ឋាននៅតាមបណ្ដាខេត្ត និងប្រជាពលរដ្ឋធ្វើដំណើរទៅលេងស្រុកកំណើត ក្នុងឱកាសពិធីបុណ្យចូលឆ្នាំថ្មី»។
សូមជម្រាបដែរថា លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ កាលពីរសៀលថ្ងៃទី ៧ ខែមេសា ឆ្នាំ ២០២៣ បានដឹកនាំកិច្ចប្រជុំ ស្តីពី ការផ្សព្វផ្សាយផែនការការពារនាឱកាសបុណ្យចូលឆ្នាំថ្មីប្រពៃណីខ្មែរ។
នៅក្នុងកិច្ចប្រជុំនេះ លោកស្នងការ បានណែនាំដល់លោក-លោកស្រីស្នងការរង និងមន្ត្រីនគរបាលទាំងអស់ ត្រូវយកចិត្តទុកដាក់ខ្ពស់លើការសម្រួលចរាចរណ៍ នៅគ្រប់ច្រកចេញ-ចូលរាជធានីភ្នំពេញ និងការពារសន្តិសុខសណ្ដាប់ធ្នាប់ នៅតាមទីវត្តអារាម កន្លែងកំសាន្ត ជាពិសេសកម្លាំងជំនាញត្រូវតែរៀបចំកម្លាំងល្បាតជាប្រចាំ ដើម្បីបង្ការ ទប់ស្កាត់ និងបង្ក្រាបបទល្មើសនានា។
សម្រាប់នគរបាលចរាចរណ៍ទាំងអស់ ត្រូវបង្ហាញនូវកាយវិការ ពាក្យសម្ដីឲ្យបានសមរម្យ ជាពិសេសបង្ហាញនូវទឹកមុខរីករាយ នៅពេលចុះជួយសម្រួលចរាចរណ៍ជូនប្រជាពលរដ្ឋ។ ក្រៅពីនេះ លោកឧត្តមសេនីយ៍ឯក ស ថេត ក៏បានណែនាំដល់កងកម្លាំងអន្តរាគមន៍ កម្លាំងអគ្គិភ័យ ត្រូវតែប្រចាំការជាប្រចាំ ២៤ម៉ោង លើ ២៤ម៉ោង ដើម្បីត្រៀមអន្តរាគមន៍ ឬសង្គ្រោះឲ្យបានទាន់ពេលវេលា នៅពេលមានករណីអគ្គិភ័យ ឬករណីបទល្មើសផ្សេងៗ ដែលអាចកើតមានឡើង៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ