ព័ត៌មានជាតិ

អតីតយុទ្ធជនអាចបន្តបើករបបសន្តិសុខសង្គម តាមសាខាធានាគារអេស៊ីលីដា និងកាណាឌីយ៉ា

បានផុស

៥ years មុន

នៅ

ថ្ងៃចន្ទ ១៨ មករា ២០២១

ដោយ

ភ្នំពេញ ៖ យោងតាមសេចក្តីជូនដំណឹងរបស់បេទាជាតិអតីតយុទ្ធជន នៃក្រសួងសង្គមកិច្ច អតីតយុទ្ធជន និងយុវនីតិសម្បទា ស្តីពីការបម្រើសេវាបើកផ្តល់របបសន្តិសុខសង្គមលើកទី១ជូនអតីតយុទ្ធជន និងគ្រួសារអតីតយុទ្ធជន ដែលនឹងប្រព្រឹត្តទៅតាំងពីថ្ងៃទី១៤មករាខែមករាឆ្នាំ២០២១ វេលាម៉ោង ៨និង៣០នាទីព្រឹកមកម្លេះនៅតាមធនាគារអេស៊ីលីដា ភីអិលស៊ី និងកាណាឌីយ៉ា ក.អ ទូទាំងប្រទេស។

ដូច្នេះសូមបងប្អូនអញ្ជើញទៅបើកប្រាក់របបសង្គមឲ្យបានគ្រប់ៗគ្នា។ តាមសេចក្តីជូនដំណឹងនៃរបបបេទ្បាជាតិបានបញ្ជាក់ថា ចំពោះគ្រប់បងប្អូនអតីតយុទ្ធជនទូទាំងប្រទេសកម្ពុជាអាចបើករបបសន្តិសុខសង្គមបានតាមរយៈធនាគារពីរកន្លែងគឺ ធនាគារអេស៊ីលីដា និង ធនាគារកាណាឌីយ៉ា នៅខែមករាឆ្នាំ២០២១លើកទី១ ដែលបានដំណើរការ៣ថ្ងៃមកហើយ។

បងប្អូនអតីតយុទ្ធជន នៅតាមបណ្តាខេត្តទាំង២៤ អាចបើករបបសន្តិសុខសង្គមនៅតាមគ្រប់ធនាគារអេស៊ីលីដារយៈពេល៣ថ្ងៃមកហើយនេះ។ ដោយឡែកសម្រាប់បងប្អូន អតីតយុទ្ធជន នៅរាជធានីអាចបើករបបសន្តិសុខសង្គមនៅតាមគ្រប់សាខាធនាគារកាណាឌីយ៉ា ក .អ បាន។

សរុបមកក្រសួងសង្គមកិច្ចបានអនុវត្តគោលការណ៍ដ៏ល្អនេះ ក្រោយមានគោលនយោបាយយុទ្ធសាស្ត្ររបស់រាជរដ្ឋាភិបាល ធ្វើឲ្យបងប្អូនអតីតយុទ្ធជនកាន់តែងាយស្រួលក្នុងការបើករបបសន្តិសុខសង្គមសម្រាប់ដោះស្រាយជីវភាពរៀងៗខ្លួន បានមួយកម្រិតថែមទៀតផងដែរ៕

ដោយ ៖ វិមាន

Related Topics:បេឡាជាតិសន្តិសុខសង្គម (ប.ស.ស)