Connect with us

ព័ត៌មានជាតិ

ភោជនីយដ្ឋាន និងអាហារដ្ឋានចំនួន ៧១ ប្រកាសមិនលក់មុខម្ហូប​ធ្វើពីសាច់សត្វព្រៃ

បានផុស

នៅ

រហូតមកដល់ពេលនេះ មានភោជនីយដ្ឋាន និងអាហារដ្ឋានសរុបចំនួន ៧១ នៅក្នុងខេត្តគោលដៅ​នៃយុទ្ធនាការអន្ទាក់សូន្យ ៧ បានប្រកាស មិនលក់មុខម្ហូបពីសាច់សត្វព្រៃ និងបានចូលរួមផ្សព្វផ្សាយ ពីផលប៉ះពាល់ដល់សុខភាពធ្ងន់ធ្ងរពីការហូបសាច់សត្វព្រៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងយុទ្ធនាការអន្ទាក់សូន្យនៅដំណាក់កាលទី២នៅខេត្តពោធិ៍សាត់ កាលពីចុងសប្តាហ៍កន្លងទៅនេះ លោក នេត្រ ភក្ត្រា រដ្ឋលេខាធិ ការក្រសួងបរិស្ថាន និងជាប្រធានយុទ្ធនាការអន្ទាក់សូន្យបានឱ្យដឹងថា ក្នុងចំណោមភោជនីយដ្ឋាន និងអាហារដ្ឋានសរុបចំនួន ៧១ នៅក្នុងខេត្តគោលដៅនៃយុទ្ធនាការអន្ទាក់សូន្យ ៧ ក្នុងនោះ មានភោជនីយដ្ឋានចំនួន ១៩ នៅក្នុងខេត្តពោធិ៍សាត់​ដោយ៩ នៅទីរួមខេត្ត និង ១០ នៅស្រុកវាលវែង។

លោករដ្ឋលេខាធិការបានបន្តថា« យើងខ្ញុំជឿជាក់ថា ម្ចាស់ភោជនីយដ្ឋាន និងអាហារដ្ឋាននានានឹងចូលរួម ហើយបង​ប្អូនប្រជាពលរដ្ឋមួយចំនួន ដែលនិយមហូបសាច់សត្វព្រៃដោយជឿថា ជាថ្នាំប៉ូវ ឬអាចព្យាបាលជំងឺបាននោះ នឹងផ្លាស់​ប្តូរឥរិយាបថ មិនបន្តបរិភោគសាច់សត្វព្រៃ និងងាកមកចូលរួមការពារ និងអភិរក្សស្រឡាញ់សត្វព្រៃ ដែលជា​សម្បត្តិធម្មជាតិ​របស់យើង ឱ្យនៅគង់វង្សសម្រាប់មនុស្សជំនាន់ក្រោយទៀត។ គ្មានតម្រូវការ​ គ្មានការផ្គត់ផ្គង់ នោះការដាក់​អន្ទាក់ និងការបរបាញ់សត្វព្រៃនឹងថយចុះ! សូមចូលរួមទាំងអស់គ្នា»។

លោក នេត្រ ភក្ត្រា បានអំពាវនាវដល់ម្ចាស់ភោជនីយដ្ឋាន និងអាហារដ្ឋានផ្សេងទៀត ក៏ដូចជាប្រជាពលរដ្ឋទាំង​អស់នៅទូទាំងប្រទេសកម្ពុជា ចូលរួមបញ្ឈប់ការបរបាញ់ និងការដាក់អន្ទាក់ និងបញ្ឈប់រាល់ការទិញលក់ និងបរិភោគសត្វព្រៃ ដើម្បីជាប្រយោជន៍ទុកសម្រាប់ទាក់ទាញវិស័យអេកូទេសចរណ៍ និងទុកសម្រាប់​មនុស្សជំនាន់ក្រោយៗទៀតបានស្គាល់។ 

គួរបញ្ជាក់ថា យុទ្ធនាការអន្ទាក់សូន្យនៅដំណាក់កាលទី២នេះ ធ្វើនៅខេត្តចំនួន៦ រួមមានខេត្តពោធិ៍សាត់ បន្ទាប់ខេត្តកំពង់ស្ពឺ ខេត្តកោះ កុង ខេត្តសៀមរាប ខេត្តបាត់ដំបង និងខេត្តប៉ៃលិន ដើម្បីលុបបំបាត់អន្ទាក់​គ្រប់ប្រភេទក្នុងតំបន់ការពារ ធម្មជាតិ ផ្តល់ជម្រកប្រកបដោយសុខសុវត្ថិភាព សម្រាប់សត្វព្រៃ និងជីវៈចម្រុះ និងអនុញ្ញាតឱ្យជីវៈចម្រុះអាចរីកលូតលាស់ តាមធម្មជាតិដោយគ្មានការ គំរាមកំហែង និងធ្វើឱ្យប្រព័ន្ធអេកូឡូស៊ីកាន់​តែមាននិរន្តរភាពខណៈយុទ្ធនាការអន្ទាក់សូន្យដំណាកកាលទី១ធ្វើនៅ ៦ខេត្តរួមមានខេត្តស្ទឹងត្រែង ខេត្តព្រះវិហារ ខេត្តក្រចេះ ខេត្តមណ្ឌលគិរី ខេត្តរតនគិរី និងខេត្តកំពង់ធំ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម