ព័ត៌មានជាតិ
សភាពាណិជ្ជកម្មខេត្តស្វាយរៀង ណែនាំពីការចាប់លេខរៀងបេក្ខជនឈរឈ្មោះបោះឆ្នោត
ស្វាយរៀង៖ នៅមន្ទីរពាណិជ្ជកម្មខេត្តស្វាយរៀង បានរៀបចំធ្វើកិច្ចប្រជុំណែនាំស្ដីពីការចាប់លេខរៀងឈរឈ្មោះបោះឆ្នោត សភាពាណិជ្ជកម្មខេត្តស្វាយរៀងអាណត្តិទី២ លើកទី១ នៅថ្ងៃទី ២៥ ខែមេសា ឆ្នាំ២០២៣ និង។
លោក មាស ឆកវណ្ណរ៉ុន ប្រធានមន្ទីរពាណិជ្ជកម្មខេត្ត បានបញ្ជាក់ពីការខិតខំប្រឹងប្រែង របស់រាជរដ្ឋាភិបាល ក្នុងការទំនាក់ទំនងវិស័យពាណិជ្ជកម្មរវាង ការផលិតនាំចេញ-នាំចូល របស់រដ្ឋជាមួយវិស័យឯកជន លើកស្ទួយសេដ្ឋកិច្ច ប្រទេសជាតិឲ្យមានភាពរីកចម្រើនដូចប្រទេស ដទៃទៀតនៅលើពិភពលោក។ ដោយឡែកខេត្តស្វាយរៀង ក៏បានបង្កើតសភាពាណិជ្ជកម្មខេត្ត ដើម្បីគ្រប់គ្រងការធ្វើអាជីវកម្មរបស់ក្រុមហ៊ុនពាណិជ្ជករ អាជីវករ សេវាករ ជាច្រើននៅក្នុងខេត្តផងដែរ។
លោក សុខារ៉ាម អភិបាលរងខេត្តស្វាយរៀង បានថ្លែងកោតសរសើរដល់ក្រសួងពាណិជ្ជកម្ម និងមន្ទីរពាណិជ្ជកម្មខេត្ត ដែលរយៈពេលកន្លងមកបានធ្វើកិច្ចសហការគ្នាយ៉ាងល្អជាមួយស្ថាប័នពាក់ព័ន្ធ ស្ថាប័នមានសមត្ថកិច្ចក្នុងការរៀបចំនីតិវិធីគ្រប់គ្រងវិស័យពាណិជ្ជកម្ម ពិសេសសភាពាណិជ្ជកម្មខេត្ត ដើម្បីឲ្យក្រុមហ៊ុន និងអ្នកធ្វើពាណិជ្ជកម្ម ផ្នែកសេវាកម្ម អាជីវកម្មនានា បានដំណើរការយ៉ាងរលូនតាមច្បាប់របស់ក្រសួងពាណិជ្ជកម្ម។
លោកអភិបាលរងខេត្ត បានបញ្ជាក់ថា ដោយសារប្រទេសមានសុខសន្តិភាព មានការគ្រប់គ្រងល្អទើបវិស័យពាណិជ្ជកម្ម ទាំងរដ្ឋ និងឯកជនមានភាពរីកចម្រើន និងអ្នកវិនិយោគិនចូលមកបោះទុនវិនិយោគ បង្កើតរោងចក្រសហគ្រាស នាំមកនូវប្រាក់ចំណូល ក្នុងការអភិវឌ្ឍន៍ប្រទេសជាតិ។
ជាមួយគ្នានេះលោក គឹម មាសសុខសីហា អនុរដ្ឋលេខាធិការក្រសួងពាណិជ្ជកម្ម បានធ្វើការណែនាំផ្ដាំផ្ញើដល់ម្ចាស់ ឬតំណាងក្រុមហ៊ុន តំណាងពាណិជ្ជកម្ម អាជីវករ សេវាករនានា ត្រូវអនុវត្តតាមនីតិវិធីឲ្យបានត្រឹមត្រូវ តាមដំណាក់កាលនីមួយៗ ដែលក្នុងនោះ រួមមាន ការចប់លេខរៀងរបស់បេក្ខជនសភាពាណិជ្ជកម្ម ការឃោសនា ដើម្បីស្វែងរកអ្នកគាំទ្រនិងការបោះឆ្នោតជ្រើសរើសប្រធានសភាពាណិជ្ជកម្ម ឬបេក្ខជននៅក្នុងសភាពាណិជ្ជកម្មខេត្តផងដែរ៕
អត្ថបទ៖ ភក្ដី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ