ព័ត៌មានជាតិ

សម្ដេច ម៉ែន សំអន ៖ ម្លប់សន្តិភាព បានផ្ដល់ភាពសុខសាន្តរហូតបង្កើតនូវព្រឹត្តិការស៊ីហ្គេម ដែលកម្ពុជា ទន្ទឹងរង់ចាំជាង ៦៤ ឆ្នាំ មកហើយ

បានផុស

៣ years មុន

នៅ

ថ្ងៃសៅរ៍ ២៩ មេសា ២០២៣

ដោយ

សម្ដេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា បានប្រែក្លាយប្រទេសដែលរ៉ាំរ៉ៃដោយសារសង្គ្រាម មកជាប្រទេសមានការរីកចម្រើន និងមានការអភិវឌ្ឍលើគ្រប់វិស័យ ព្រមទាំងបានអនុញ្ញាតឲ្យកម្ពុជាអាចរៀបចំព្រឹត្តិការស៊ីហ្គេម ដែលប្រជាពលរដ្ឋខ្មែរបានទន្ទឹងរង់ចាំអស់រយៈពេល ៦៤ ឆ្នាំមកហើយ ក្រោមម្លប់ នៃសុខសន្តិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងបែបនេះ ខណៈអញ្ជើញជួបសំណេះសំណាលជាមួយ កម្មករ កម្មការិនី ចំនួន ២.០០០ នាក់ នាឱកាសអបអរសាទរទិវាពលកម្មអន្តរជាតិ ១ ឧសភា ២០២៣ នេះ ខួបអនុស្សាវរីយ៍លើកទី ១៣៧ នៃទិវាពលកម្មអន្តរជាតិ ថ្ងៃទី ១ ខែឧសភា ឆ្នាំ ២០២៣ ក្រោមប្រធានបទ “សន្តិភាព ស្ថិរភាព មុខរបរ និងការងារ” នៅតំបន់សេដ្ឋកិច្ចពិសេស មេនហាតធេន ក្រុងបាវិត ស្វាយរៀង កាលពីព្រឹកថ្ងៃសៅរ៍ ១០ កើត ខែពិសាខ ឆ្នាំថោះ បញ្ចស័ក ព.ស ២៥៦៦ ត្រូវនឹង ថ្ងៃទី ២៩ ខែមេសា ឆ្នាំ ២០២៣។

សម្ដេច បានពាំនាំប្រសាសន៍ផ្ដាំផ្ញើសួរសុខទុក្ខពីសំណាក់ សម្ដេច និងសម្ដេចកិត្តិព្រឹទ្ធបណ្ឌិត ជូនដល់អង្គពិធីប្រកបដោយក្តីនឹករលឹក និងការគិតគូរ យកចិត្តទុកដាក់គ្រប់បែបយ៉ាង ជាពិសេសដល់កម្មករ កម្មការិនី បម្រើនៅតំបន់សេដ្ឋកិច្ចពិសេសមេនហាតធេន ដែលបានចូលរួមក្នុងព្រឹកនេះ។

សម្ដេច បានបន្តទៀតថា ក្រោមការដឹកនាំប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រែក្លាយប្រទេសដែលរ៉ាំរ៉ៃដោយសារសង្គ្រាម មកជាប្រទេសមានការរីកចម្រើន និងមានការអភិវឌ្ឍលើគ្រប់វិស័យ និងបានអនុញ្ញាតឲ្យកម្ពុជា អាចរៀបចំព្រឹត្តិការស៊ីហ្គេម ដែលប្រជាពលរដ្ឋខ្មែរបានទន្ទឹងរង់ចាំអស់រយៈពេល ៦៤ ឆ្នាំមកហើយ ក្រោមម្លប់ នៃសុខសន្តិភាព។