ព័ត៌មានជាតិ

សម្ដេចកិត្តិសង្គហបណ្ឌិត ម៉ែន សំអន ចូលរួមគោរពវិញ្ញាណក្ខន្ធសព លោកឧត្ដមសេនីយ៍ឯក សរ ម៉ឺន

បានផុស

៤ ខែ មុន

នៅ

ថ្ងៃសុក្រ ៥ ឧសភា ២០២៣

ដោយ

សម្ដេចកិត្តិសង្គហបណ្ឌិត ម៉ែន សំអន ប្រធានគណៈយុទ្ធមិត្តជំនាន់បម្រើកងទ័ពឆ្នាំ ១៩៧៨ បានដឹកនាំគណៈប្រតិភូ អញ្ជើញចូលរួមគោរពវិញ្ញាណក្ខន្ធសព លោកឧត្ដមសេនីយ៍ឯក សរ ម៉ឺន នៅបុរីប៉េងហួត បឹងស្នោ ស្ថិតក្នុងខណ្ឌច្បារអំពៅ រាជធានីភ្នំពេញ កាលពីព្រឹកថ្ងៃសុក្រ ១ រោច ខែពិសាខ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ៥ ខែឧសភា ឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ឯក សរ ម៉ឺន សកលវិទ្យាធិការរង សាកលវិទ្យាល័យការពារជាតិ និងជាសមាជិក នៃ “យ.ជ.ប.ទ.” បានទទួលមរណភាព កាលពីថ្ងៃទី ០៣ ខែឧសភា ឆ្នាំ ២០២៣ ដោយជរាពាធ ក្នុងជន្មាយុ ៧៥ ឆ្នាំ។

ឆ្លៀតក្នុងឱកាសនោះផងដែរ សម្ដេចកិត្តិសង្គហបណ្ឌិត ក៏បានពាំនាំនូវការចូលរួមរំលែកទុក្ខពីសំណាក់ សម្ដេចតេជោ និងសម្ដេចកិត្តិព្រឹទ្ធបណ្ឌិត ជូនដល់ក្រុមគ្រួសារសព ចំពោះមរណភាព លោកនាយឧត្ដមសេនីយ៍ឯក សរ ម៉ឺន ដោយក្តីសោកសង្រេង និងអាឡោះអាល័យ ជាទីបំផុត។

ក្នុងសមានទុក្ខដ៏ក្រៀមក្រំនេះ សម្ដេចកិត្តិសង្គហបណ្ឌិត ម៉ែន សំអន ក៏បានចូលរួមរំលែកមរណទុក្ខជាមួយក្រុមគ្រួសារ នៃសព និងបាននាំយកថវិកាមូលនិធិតេជោ ១២៥ ចំនួន ២០ លានរៀល ចូលបុណ្យផងដែរ។

សូមរំលឹកផងដែរថា មូលនិធិតេជោ ១២៥ ត្រូវបានបង្កើតឡើងដោយ សម្ដេចតេជោ ហ៊ុន សែន ប្រធានកិត្តិយស “យ.ជ.ប.ទ.” ដើម្បីជួយជ្រោមជ្រែងដល់ជីវភាពរស់នៅរបស់យុទ្ធមិត្ត ពិសេសអ្នកដែលមានជីវភាពទន់ខ្សោយ ជួបទុក្ខលំបាក៕

អត្ថបទ ៖ វិមាន