ព័ត៌មានជាតិ

ភ្លៀងខ្យល់កន្ត្រាក់បោកបក់ ខូចខាតផ្ទះ ៦៧ ខ្នង និងរន្ទះបាញ់ស្លាប់មនុស្សម្នាក់ នៅស្រុកកំពង់លែង និងស្រុកជលគិរី

បានផុស

៣ years មុន

នៅ

ថ្ងៃអង្គារ ៩ ឧសភា ២០២៣

ដោយ

កាលពីល្ងាចថ្ងៃទី ០៨ ខែឧសភា ឆ្នាំ ២០២៣ ភ្លៀង និងខ្យល់កន្ត្រាក់ បានបោកបក់បណ្ដាលឲ្យផ្ទះចំនួន ៦៧ ខ្នង រងការខូចខាត និងមនុស្សម្នាក់ ត្រូវរន្ទះបាញ់ស្លាប់ នៅក្នុងស្រុកកំពង់លែង និងស្រុកជលគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើនេះ បើតាមអាជ្ញាធរឃុំផ្លូវទូក ស្រុកកំពង់លែង បានឲ្យដឹងថា កាលពីល្ងាចថ្ងៃទី ០៨ ខែឧសភា ឆ្នាំ ២០២៣ ភ្លៀង និងខ្យល់កន្ត្រាក់ បានបោកបក់យ៉ាងខ្លាំងមកលើឃុំផ្លូវទូក បណ្ដាលឲ្យផ្ទះប្រជាពលរដ្ឋចំនួន ៦៧ ខ្នង រងការខូចខាត។ ក្នុងនោះរលំដួលទាំងស្រុងចំនួន ៥ ខ្នង របើកដំបូលទាំងស្រុង ១៩ ខ្នង និងរបើកដំបូលមួយចំហៀង ចំនួន ៤៣ ខ្នង។

ដោយឡែកអាជ្ញាធរស្រុកជលគីរី បានឲ្យដឹងថា កាលពីវេលាម៉ោង ១៨ និង ០០ នាទី ថ្ងៃទី ០៨ ខែឧសភានេះ មានករណីរន្ទះបាញ់ស្លាប់បុរសម្នាក់ឈ្មោះ ឌុល វណ្ណះ អាយុ ៤២ ឆ្នាំ នៅចំណុចបឹងធំ ស្ថិតក្នុងភូមិកំពុងបាស្រូវ ឃុំជលសា ស្រុកជល់គីរី ខណៈជនរងគ្រោះទៅមើលទឹកស្រែប្រាំង។

មន្ត្រីសាខាកាកបាទក្រហមខេត្តកំពង់ឆ្នាំង នៅព្រឹកថ្ងៃទី ០៩ ខែឧសភានេះ បានឲ្យដឹងថា ជនរងគ្រោះទាំង ៦៨ គ្រួសារខាងលើ សាខាកាកបាទក្រហមស្រុក-ខេត្ត នឹងចុះសួរសុខទុក្ខ និងនាំយកអំណោយកាកបាទក្រហម ផ្ដល់ជូនពួកគាត់ថ្ងៃនេះ ឬថ្ងៃស្អែក៕

អត្ថបទ ៖ ឈៀង ថារិទ្ធ