ព័ត៌មានជាតិ
មន្រ្តីជាន់ខ្ពស់ពាណិជ្ជកម្ម ជំរុញប្រធានសភាពាណិជ្ជកម្មអាណត្តិទី២ កៀរគរអ្នកវិនិយោគចូលអភិវឌ្ឍ ក្នុងខេត្តស្វាយរៀង
(ខេត្តស្វាយរៀង): លោក ឈរ ស៊ុនហុង អនុរដ្ឋលេខាធិការក្រសួងពាណិជ្ជកម្ម និងលោក សុខា រ៉ាម អភិបាលរងខេត្ត បានធ្វើការជំរុញឲ្យប្រធានសភាពាណិជ្ជកម្មខេត្តស្វាយរៀងអាណត្តិទី២ ចូលរួមគោរពច្បាប់ពាណិជ្ជកម្ម និងត្រូវទាក់ទាញវិនិយោគិនឲ្យចូលមកបណ្តាក់ទុនរកស៊ីនៅមូលដ្ឋានរបស់ខ្លួន ដើម្បីជួយអភិវឌ្ឍន៍សេដ្ឋកិច្ចជាតិ ឲ្យមានការរីកចម្រើនលើគ្រប់វិស័យ ជាមួយរាជរដ្ឋាភិបាលកម្ពុជា
លោក ឈរ ស៊ុនហុង លើកឡើងបែបនេះ នៅក្នុងពិធីបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មខេត្តស្វាយរៀង អាណត្តិទី២ លើកទី១ ដែលបានរៀបចំដោយក្រសួងពាណិជ្ជកម្ម រដ្ឋបាលខេត្តស្វាយរៀង និងសភាពាណិជ្ជកម្មខេត្តស្វាយរៀង នៅរសៀលថ្ងៃទី១៧ ខែឧសភា ឆ្នាំ២០២៣។
មន្រ្តីជាន់ខ្ពស់ក្រសួងពាណិជ្ជកម្ម បានលើកឡើងថា ដោយសារតែប្រទេសជាតិមានសុខសន្តិភាពក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទើបមានអ្វីៗដូចសព្វថ្ងៃនេះ។ ជាក់ស្តែងខេត្តស្វាយរៀង ក៏បានកែប្រែមុខមាត់ លើកកម្ពស់ការអភិវឌ្ឍលើគ្រប់វិស័យ និងមានកម្លាំងសេដ្ឋកិច្ចល្អប្រសើរ ជាពិសេសបានទាក់ទាញអ្នកវិនិយោគមកបណ្តាក់ទុននៅក្នុងទឹកដីខេត្តស្វាយរៀង ក៏ដូចជាក្នុងតំបន់សេដ្ឋកិច្ចពិសេសផងដែរ។
លោកឧកញ៉ា សុក រ៉ាដូ ដែលទើបត្រូវបានបោះឆ្នោតជាប់ជាប្រធានសភាពាណិជ្ជកម្មខេត្តសម្រាប់អាណត្តិទី២នេះ បានប្តេជ្ញាចិត្តថា នឹងបន្តរៀបចំផែនការយុទ្ធសាស្រ្ត និងកៀរគរអ្នកវិនិយោគបន្ថែមទៀត ចូលមកអភិវឌ្ឍខេត្តស្វាយរៀង ឲ្យកាន់តែមានការរីកចម្រើនតទៅថ្ងៃអនាគត៕
អត្ថបទ ៖ ភក្ដី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ