ឃាត់ខ្លួន​ជនសង្ស័យ​២​នាក់​ពាក់ព័ន្ធករណី​​គ្រឿងញៀន​

ជនសង្ស័យ ២​នាក់ ត្រូវ​បាននគរបាល​ខេត្តកំពង់ចាម ​ឃាត់ខ្លួន​ពាក់ព័ន្ធ​ករណី​បទល្មើស​គ្រឿងញៀន នៅ​ចំណុច​ភូមិ​ជយោ ឃុំ​ជយោ ស្រុក​ចំកា​រលើ ខេត្តកំពង់ចាម ។​ ​

សមត្ថកិច្ច​ប្រាប់​ឱ្យដឹងថា ដោយមាន​ការសម្របសម្រួល​ពី​លោក សុធា ពិសិដ្ឋ ព្រះរាជអាជ្ញារង អម​សាលាដំបូង​ខេត្តកំពង់ចាម កម្លាំង​ជំនាញ​ការិយាល័យ​ប្រឆាំង​គ្រឿងញៀន​ខេត្ត សហការជាមួយ​ជំនាញ​អធិការ​រដ្ឋា​ន​ នគរបាល​ស្រុកចំ កា​រលើ និង​ជំនាញ​អធិការដ្ឋាន​ ស្រុក​ស្ទឹងត្រង់ ដឹកនាំ​ដោយ​លោក​វរសេនីយ៍ទោ ស្រី សុគន្ធ នាយការិយាល័យ​ប្រឆាំង​គ្រឿងញៀន បាន​បង្ក្រាប​ករណីជួញដូរ និង​ប្រើប្រាស់​ដោយ​ខុសច្បាប់​នូវ​សារធាតុ​ញៀន ដោយ​ប្រើ​វិធាន​ញុះញង់ ឃាត់ខ្លួន​ជនសង្ស័យ២​នាក់ កាល​ពីថ្ងៃទី​២០ ខែមករា ឆ្នាំ​២០២០១ វេលា​ម៉ោង​១៦និង​០០​នាទី នៅ​ចំណុច​ភូមិ​ជយោ ឃុំ​ជយោ ស្រុក​ចំកា​រលើ ​ ។​

ជាលទ្ឋផលសមត្ថកិច្ចបានដកហូត​វត្ថុតាង ម្សៅ​ក្រាម​ព​ណ៍ ស​ ​សង្ស័យ​ជា​ថ្នាំញៀនចំនួន១០​កញ្ចប់ និង​ទូរស័ព្ទដៃ ចំនួន២​គ្រឿង​។

ជនសង្ស័យ​រួម​ទាំង​វត្ថុតាង​ ត្រូវបានជំនាញ​​នាំយក​ទៅកាន់​ការិយាល័យ​ប្រឆាំង​គ្រឿងញៀន ដើម្បីកសាង​សំណុំរឿង​ចាត់ការ​តាម​នីតិវិធី ៕

​អត្ថបទ​ ៖ រ៉ា​វុ​ទ្ធ

​

​